Tsəfaniya 2:3 - ŊWÀʼ NYÙY

³ Ven adzə̀m veé wòŋ fèn ve á li vitú vén vitérí, ven ve á yúnin nsər se Nyùy Tàr, vèn kú a yiì vinyo a dzə̀ ve wù taʼà. Vèn kú a neŋ e wun si, a tàm, é wù kim ven e wun kishiíy ké dòʼshwiíy.

Tsəfaniya 2:3 Referans Kwoze

Nsùyrì Nyùy 76:9

Vé‑eè sə̀sín mo wò‑oò wìyìn ji à tínén nsaʼ, e bòyìr wir dzə̀m ve á nyavrì sho e kitu ke nsay.

Nsùyrì Nyùy 22:26

Vé ŋgeʼe yíi a yikír, a kur, wír ve á kóʼti e Nyùy Tǎr sii yíi a burí wun. Nyùy ku fò áwune vijuŋ, e dù, e jòʼsì.

Jona 3:9

Siì kì la, kìn Nyùy‑íì kúvsín kwaʼtì rə́, e siìr dòʼshwíiy və wo bi və̀n e bàm, e làa yòʼ dzə́ə laàr vèsən.»

Nsùyrì Nyùy 105:4

Vèn wáa tiír vifií e Nyùy Tǎr wùn, wun wo dzəə̀n vitaáví vén, a koʼtí e wun si ghán sidzə̀m.

Hosea 10:12

Vèn yú ke m suuy ki. Vèn ku wày ŋgoòy liì wo juŋ, é vèn yiì kàv koŋ ye m koŋ wíri. Vèn shev nsay ye dzəə̀n shilív shén she tavín shin shi, bìʼ fo lèn siìn ghán se vèn lo, e bìnkìr, e kfən fo Nyùy Tàr. Kfə́né, é wù yii vinyo vee réŋ ví e vèn, e səə̀vì ven.

Jeremia 39:18

E ké ru kí, m wíy lùŋèr wò, é la á yòʼ yùy wò, é vilaámé vé vi wáa dzə dzəʼə̀m yé, bìʼ fo à wayin shilív e mǒ wùn. Suuy mo woo Nyùy Tàr.› »

Ŋgàn 18:10

Nyùy Tàr dzə̀ kirə́ʼ ké kilìr ke tavín kí, wìr wo wù yú Nyùy, léʼ tó fo, wù bòy.

Nsùyrì Nyùy 57:1

Éè Nyùy, shám mendzən mem mè, ku shàm mendzən mem mè. M kù lir a dzə̀ e wò wùn. À kiŋsìn mo mo shinə́n shí kùʼtí wán, a m kù yíi a lìr, e meé mo ŋgeʼ si yíi sə̀ʼsì, e shaà.

2 Pita 3:18

Vèn ku wày kén vifií ji vèn à Taàtá wòsən Jesus Kristu wo wù‑uù tinen ven fó lòn nəə́nín, é vèn wáa tiy e dzə̀ʼə̀m ye wù bùʼùn ven shó, a kiíy wun, a dù duùn fó mbìy. Vèsən kú a burí wun, a koʼór yír rə́, e kèʼ fo lèn, e dù, e mày. Amen.

Jeremia 45:5

A dzə̀ rú à wàa kwàʼ ji ké ki yíi a dzə jeéy á? Lá à yòʼ a kwàʼtì bèy. Leéy, e yèn, m lo, e màʼ ŋgeʼ e wìr msòŋ e dzə̀m kitu. Á bèy, a m yíi a kìŋsìn dzəʼə̀m yé e kirə̀ʼ kidzə̀m ke à yíi a dù sho. Suuy mo woo Nyùy Tàr.› »

Nsùyrì Nyùy 91:1

Wìr wo wù bee kfə́ e Nyùy woo Taà Vitu sar kikfəvsì, a Nyùy woo Ŋgaà Vitaàví Vidzə̀m kúʼti wun,

1 Pita 3:4

Viŋgòn vén ví kú a dìn a dzə̀ fo věn meliv. A dzə̀ jii, vèn kú a ker a liì wo juŋ, a dzə ji nyaáŋ. Á viŋgòn ve Nyùy yii yén ji viŋgòn feyì, a bó yòʼ dzə̀ ví kòsìn.

1 Pita 1:22

Mo vèn kù sí tíy a dzə̀ e Nyùy kinyò ke ru kí, vèn nén a ker melív me juŋ mè lèn, me dzə̀ vèn wàa kòŋ afə́r vén ve vèn áwune tíy e kinyò fèn kijuŋ. Vèn ku nèn a kòŋnìn bèy shilív shidzə̀m,

1 Tesalonika 4:1

Afə̀r ver, vèr nen kfə̀n a tàʼ ji vèn kuúmé á kinyo ke Tàr wòsən Jesus‑eè yiìn e vèsən, a lon feyì jii, vèn ku màysì, a nəə́ nəə́n é liì wo Nyùy taʼ ji vèn wáa ker. Liì və̀n dzə̀ wo vèr‑iì yeʼeyin ven shó, a dzə̀ woo shooy wo wù bòŋèn Nyùy.

Matio 5:5

Bòŋ ké wìr ve á bórkir e Nyùy si, bìʼ fo áwune wíy yòv kitú ke nsay.

Nsùyrì Nyùy 31:20

À litì áwune e wò ghaŋ, bìʼ menàŋ me wìr msòŋ. À kér áwune kijuŋ e wò sar kikfəvsì, bìʼ liy se aŋgaà vév vibàn.

Aysaya 11:4

Wù wíy a tinén kinyo ke aghéʼncey é dzəə yee réŋ, a kìŋsìn gháy alàŋgaàbenben vee wun nsay. Wù wíy fəə́r sáʼ, é yí maʼ ŋgeʼ e vé jayí kitu, súŋnin sùŋnín, é wír ve á méŋ Nyùyi kpúkír.

Hosea 7:10

Kiràʼsìwùn ké wìr veé Isray ki mvə̀ʼ ne kinyè kév, yii bèy, la áwune yòʼ kfə̀n é bàm fo mò woo Nyùy Tàr woo Nyùy wóv wùn. Fə̀m mo vinyo vìn vidzə̀m vi kooyin áwune, bó áwune yoʼ fə̀m tàʼ mo gheéy.

Aysaya 61:1

Kiyoy ke Nyùy Tàr woo Taà Ndzə ki shiy mo, bìʼ fo Nyùy Tàr yoʼon ne mo, e tùm ji m wáa fiʼtì sáʼka wo juŋ e vé ŋgeʼe. Wù‑uù tùm mo ji m rəər wír ve melív mev mè seèmèn ne, a tiisí e wír ve á koon é shùu rərí ji á yíi bòyìr áwune fó vikwàn, a tiisí e vé sháŋé ji á sí lo, e fəə́r áwune fó lav sháŋ.

Nsùyrì Nyùy 149:4

Nyùy Tàr yii kér shií fo wír vəə́, buʼ wír ve á néŋ e wun si, buʼù, aá gháʼ aŋgaà vév vibàn.

Ŋwàʼ Fəə 12:27

vèn bìnèr ji cu ye vèn seé nyám, cu Nyùy Tàr shó rə̀ne dzə̀ á Ŋkǎʼ Yáʼayshaà, aá yii bèy a, bìʼ fo wù‑uù yaʼayin lav sén, aá dzə̀ é Ejiv e ghan se wù‑uù laar wón wìr vee fó, e bàvtí a ven.» Mooser màysì sùŋnín, wír veé Israyi nèn gvə̀ʼə́r vitú vév, e ghvə̀m Nyùy Tàr,

1 Tesalonika 4:10

A vèn sí koŋnìn rúrú vèn aàfə́r vén ve á dzəə̀n é wòŋ Masedoniàa adzə̀m. Afə̀r ver, vèr nén a lon cáʼcáʼ jii, vèn kú a yiì bèy, a dù a duùn fó mbìy.

Sekariya 8:19

ke suuy Nyùy Tàr woo Taà Mànjòŋ ki dzə̀ á jii, «Ven vee wír veé Juda, jíŋ ye vèn‑eè lem e ŋwee woo kweè, kfə̀n lem e tàn ŋwee, lem sa e saàmbà ŋwee, e bóo lì yeé ŋwee woo ghvə̀m, wíy a dzə lèn ŋkàʼ sé kisheʼrì wùn à sé vijùŋ si fo vèn. Kí nén a dzə jii, vèn kú a tiy e suuyrú, a tiy a dzə̀ é nyaáŋ.»

2 Samuel 12:22

Fòn Davir suúy jii, «Wàn‑ee joyì, a m lem jíŋ, kfə̀n tóŋé, kí jii, a tàm é Nyùy Tàr yiì shàm á mendzən mem, e yiì, é wàn wàá bónén.

Nsùyrì Nyùy 45:4

Á kóʼ á nyám rə moo fon wo ghaʼán. Á fəə́, e tòn a aŋgaà və́ vibàn. Á tóm á suuyrú, e tòm á kinyo ke á tínen là kiloʼ. Á ku dìn a viŋgaʼnìn və́ vé vinyò, vinyo ve á yii e kóy və́ wo tavíné.

Aysaya 1:17

e yèʼéy yii a dzə̀ ye juŋe. Vèn ku wày ŋàŋ, a yiì vinyo a dzə̀ vee tìítiy. Vèn yén wír wo wù nyavrì e wíri, vèn kàntì ŋgaàŋ. Vèn ku kìŋsìn gháy wón tsə̀ə́, e tòm vinyo ve vikǐy ŋkfəə.

Esiker 13:5

Bó áwune yoʼ kòʼ é kày ji á bóm á virə́ʼ ve ví kèrkìn, e siìr fo, é yí fiʼ kìŋ wír veé Isray fo rə́r sí e kishiíy ké Nyùy Tàr.