Tsəfaniya 2:2 - ŊWÀʼ NYÙY

² é bo kishiíy ké Nyùy Tàr kí wáa wìy. Kishiíy, ke wù wíy dìn dòʼshwíiy və wo tavín. Kishiíy, ke wù wíy màʼ ŋgeʼ e věn kitu, e feér ven mo shwéri fèér mvə́y.

Tsəfaniya 2:2 Referans Kwoze

Nahum 1:6

A wù shwìíy kilòŋ, tàm la wùn wun? A dòʼshwíiy və kòʼ, yù la fóo tiím? Dòʼshwíiy və baári moo və́y, wóʼó wàa bvəʼkír, a rèŋ e wun si.

Hosea 13:3

Bìʼ bey, áwune yíi ŋeemé, e lày moo mbàʼŋkfəə́mé yee kijàvndzə, e yuumé moo ŋweʼ ye yí gbuùn kijàvndzə. Áwune wíy a dzə moo mvə́y se shwéri feer feèrín, a dzə moo kindzə́ʼ ke kí dzəm, fəə́ fo shùu wundu.

Yòvdìy 4:11

Kilòŋ ké Nyùy Tàr kí‑iì shwìíy, e tònén, wù dìn dòʼshwíiy və wo tavín. Wù‑uù màʼ və́y é Sion, fóo bò, à kinsə̀ŋ ki shó.

Aysaya 17:13

Kiyor ke kí kóʼ fo vitum ki sì moo ke kí kóʼ fo ndzəv ye kuʼùné. Yii bèy, Nyùy Tàr yíi suŋnín, é vitúm vìn vi léʼkír. Ví yíi ŋeemé, e lày moo vishaárín ve shwéri feer fo agwan, e lày moo beʼmàʼ wo kìrkir shoʼoyin, a kuúr, a dù sho.

Nsùyrì Nyùy 1:4

Ké wìr ve á méŋ Nyùy ki yòʼ dzə̀ bey. Áwune dzə̀ kév moo mvə́y se shwéri feer feèrín.

Tsəfaniya 3:8

Mo woo Nyùy Tàr nén a suúy jii: «Vèn kú a shìy kishiíy kiy, kishiíy, ke m wíy nànèn, e roòmè vitúm. M wày ne wayín ji m báʼtí á vitum, e bàʼtí afon, e nyè dòʼshwíiy wom wo tavín aáwuné kitu. Dòʼshwiíy wo wù baári e mǒ shiliv, wù yíi tòn kitú ke nsay kidzə̀m.

Tsəfaniya 1:18

Wíy lòo dzə e kishiíy kin ke Nyùy Tàr maʼ ŋgeʼ e wírí kitu, a wìr fə̀m kér káv e le, bo yòʼ dzə̀ wú tìn ŋgaàŋ. Nyùy Tàr wíy shwiíy kilòŋ, e tòn kitú ke nsay e və́yí. Wù wíy sàsìn, e laàr wir dzə̀m wo wù dzəə̀n é kitu ke nsay.

Ŋwàʼ Jov 21:18

Áwune kù yòʼ dzə̀ rú moo kisáŋsáŋ ke shwéri li, du sho a? Á kù yòʼ dzə̀ moo mvə́y se kinsəm ki feer feèrín á?

Matio 24:35

Yúv wùn à nsay wíy mày, a jí sém sí ku wíy a tiy fo.

Esiker 12:25

Dzə̀ mo woo Nyùy Tàr. M yoŋ kinyo ke m yòŋèn, é m ku nèn yiì kíwun. Kàʼ wom yòʼ dzəə́ wìy a laatí. Ven ve á tsə́y kóy vèsən, kinyo kidzə̀m ke m yòŋèn e věn kitu ki kù wíy koóy e věn ghan. Suuy mo woo Nyùy Tàr woo Taà Ndzə.»

Jeremia 23:20

Dòʼshwiiy Nyùy Tàr yòʼ wíy mày, a bó wù máysí lim rə́, e yiì kinyo kidzə̀m ke kí dzəə̀n e wun kwàʼtì. Vishiíy vin vi yíi wìy, é vifií vén ví mvəʼkir.»

Nsùyrì Nyùy 50:22

«Ven ve á laysìn Nyùy, vèn səəm kin ki. Vèn səəm, fo m yiì sàtì ven, é la wìr yòʼ a dzə wóo sə ven.

Nsùyrì Nyùy 2:12

Vèn wáa bùn wun e shiliv she juŋ shi, fo wù lo, e shwìíy kilòŋ, e laàr ven, bìʼ fo dòʼshwíiy və yii ŋáʼay cér. Bòŋ ké wìr ve á lir e Nyùy sar adzə̀m.

Jeremia 4:4

Ven vee wír veé Juda wùn à ve á dzə́ e Jerusaleme, vèn kú a tiy a dzə̀ e mǒ *mensàŋ me m gwàrìn vèsən. Vèn su melív men mè, é mè wáa tiy e mò woo Nyùy Tǎr wùn. Là bey, bo dòʼshwíiy wom yíi koʼ moo və́y, a dzə̀ bìʼ vinyo vén ve bi ví, lóo tòn ven, é la wìr wóo ndzəmér yòʼ a dzə.»