Tsəfaniya 2:12 - ŊWÀʼ NYÙY

¹² Ven veé Etiopia, Nyùy Tàr suuy jii, «M wíy yiì, aá laar sá ven é shùu rər.»

Tsəfaniya 2:12 Referans Kwoze

Aysaya 43:3

Dzə̀ mo Nyùy Tàr woo Nyùy won, Ŋgaà wo Ranén woó Isray, wo wù luŋèr ven. M lì ne wír veé Ejiv, e tìn ven shó. M ku kfə̀n tàŋ ven fo kpúu, e fò wír veé Etiopia wùn à veé Sebàa.

Aysaya 13:5

Áwune wìykìr fo vitum kwaʼda, a ví dzə̀ féyì ji é ndzəywoŋ. Dzə̀ Nyùy Tàr mo wù sí wiy wùn à vé rər vəə́, wiy ji wun din á mo dòʼshwíiy və dzəə̀n, e tatí woŋ, e laàr e dzə̀m.

Aysaya 10:5

Nyùy Tàr suuy jii, «Oomboò, fòn woó Assiriya, à sì mbàŋ, mbàŋ feyì ye m yíi shwiíy kilòŋ, a ndzən wíri shó, ŋkoó wo dòʼshwiíy yíi kiv mo, é m boó.

Nsùyrì Nyùy 17:13

Éè Nyùy Tàr, làŋsìn vèn áwune, e neèr ndzə̀m yev é nsay. Bòyìr mo fo wír ve á méŋ wò vìne e vitaáví vé vi.

Esiker 30:24

M yíi fo vitaáví e fòn woó Babilon, e way nyùy yem rə̀r e wun kiwo, a ké Farao, m kù yíi beʼtí kóy sə́, é wù wáa dzə̀m e fòn woó Babilon si moo wír wo á lemerin, ye tàm wù kpù.

Aysaya 20:3

Á bèy, Nyùy Tàr wìy lò, e sùúy jii, «Ŋgaà lìm wom woo Aysaya ghàn ne kinshóʼ, e wuú nsay viyá vitaár, a sì kisəəm ké kinyò ke m yíi yiì e wír veé Ejiv wùn à veé Etiopiàa.