Tsəfaniya 2:11 - ŊWÀʼ NYÙY

¹¹ Nyùy Tàr wíy lovtí aáwune, aá wáa yàʼ, a fàn. Wù wíy laàr anyùy ve wíri ghvə́m e nsay adzə̀m, é wìr dzə̀m wìy a ghvəm a dzə̀ wun woo Nyùy Tàr. Á wíy a ghvəm wun virə́ʼ vidzə̀m, kitúm kitúm, aáwuné nsay.

Tsəfaniya 2:11 Referans Kwoze

Sekariya 13:2

Nyùy Tàr woo Taà Mànjòŋ kfən sùúy jii, «Wíy lòo dzə e kishiíy fóo fèy, é m laar kinyo ke mebvə̀m fo nsay foo fèy, é la á yòʼ dzəə wìy a kuumé. M wíy laàr sa aŋgàa ntum kimboʼtì, e laàr kiyoy ke kí bánri áwune, aá yii joonè.

Malakay 1:11

Yír yémé dzə̀ e gháʼtín e vitúm ví mvəm. Wíri kù ghvə́m mo, e kèʼ fo shùy yii tó, e dù, e meé fo yì yii nəə. Á ton kiláy, suyrì mo virə́ʼ vidzə̀m, cu mo e cu yee réŋé. Rúrú, yír yémé dzə̀ e gháʼtín e vitúm ví mvəm. Suuy mo woo Nyùy Tàr woo Taà Mànjòŋ.

Sekariya 2:11

Wíy lòo dzə e ghan fóo fèy, é vitúm vinín vi wáa gbù e Nyùy Tǎr wùn, e kfən ji wír və́. Á bèy, é Nyùy nèn a dzə e věn mvəm adzə̀m, é vèn nèn kìíy ji tùm á Nyùy Tàr woo Taà Mànjòŋ mo.

Hosea 2:17

Rúrú, m lo, e màyìr yír yee Baal fo wun shuù, é la wù yòʼ dzəə wìy a kàn yír rən, fə̀m mo á yoŋ virə́ʼ shó jeéy jeéy.

Nsùyrì Nyùy 138:4

Nyùy Tàr, afon veé kitu ke nsay adzə̀me wíy a burí wò, bìʼ fo á yuun ne jí se sí fəə́ fo wò shuù.

Kèʼlo 10:5

Dzə̀ áwune vin ve á yii dzə́ e ŋguùŋè *rìbà ndzə̀v. Á vitúm ve ví‑iì ràmèn fo Jafet, kimòʼón kimòʼón wùn à nsay yev, à lám wóví, à kfə́ə sév sí, mo á dzəə̀n aáwuné wòŋ si jeéy jeéy.

Ŋgaà Yen 11:15

M kfən yiì lòo yen, nshìylav Nyùy ye yì meen ji saàmbà tóŋ rə́ yee sóŋ. M yú, a jí si yor e yuv, jaŋ jii, «Ndzə dzə̀ lèn e dzə̀m, a wíy a saʼ Tàr wor Nyùy wùn Wan və woo *Mfə̀ə́r, a saʼ ghán sidzə̀m, viyá viyá là may.»

1 Timoti 2:8

Ke m koŋ feyì ki nén a dzə jii, vintatì vidzə̀m vi lóo dzə̀ʼə̀m, vilum ámóʼó kù a dzə ve dzə̀ á wàa fo bunrì. A dzə̀ kù a dzə vilum ve bó á yòʼ wáyri wó e vinyò ve bi ví, e bóo kfə̀n a nàn wó yee shooy ji á bunrì. Ku kfə̀n a dzə sa wír ve bó yòʼ dzə̀ á wàa shwiíy kilòŋ, a taŋnín wùn à wíri.

Sekariya 8:23

A ke suuy mo woo Nyùy Tàr woo Taà Mànjòŋ ki dzə̀ jii, wíy lòo dzə e ghan fóo fèy, é wíri wáa fəə fo vitum, a fə̀m dzə̀ ve ví súŋnin lám vəneé. Wíri lo e ghvə̀m, aá ghár ndzə̀y sé wìr woó Juda, a suúy ji vèsən kú a dù, vèr yú ji Nyùy dzə̀ á vèn áwune.»

Sekariya 8:20

Ke Nyùy Tàr woo Taà Mànjòŋ suuy ki dzə̀ jii, «Ghán sí wíy gheén, é vitúm vi wáa wìykìr e ŋkàlaʼ Jerusalem, é wíri wáa wìykìr fo ŋkà se laʼ símóʼ sí sinín.

Tsəfaniya 3:9

Wù tonè, é m nèn shèŋrì melív me wíri. Wìr dzə̀m wíy a bùnrì a dzə̀ mo woo Nyùy Tàr, á wíy a cù mo shuu e mòʼón.

Tsəfaniya 1:4

«M wíy màʼ ŋgeʼ e wír veé wòŋ woo Judàá kitu, bo taaka veé ŋkàlaʼ Jerusalem adzə̀m. M wíy nəə́ fo, e laàr wir dzə̀m wo wù cu nyùy woo *Baal, e laàr atàá cù ve á cu anyùy kisaŋe adzə̀m, é la wìr yòʼ dzəə wìy a kuumé yír yév.

Joel 2:11

Kù danèr Nyùy Tàr mànjòŋ və və̀n, du aáwuné mbìy, wámkirì. Vé rər və́ víne dzə̀ nyanyày, aáwune ve á yú jí rə víne dzə̀ antav ve ghaʼtíné. Rúrú, kishiíy ké Nyùy Tàr kí dzə̀ kigháʼán, a kí beéme e ŋàŋ. A dzə̀ bòy la é kishiíy fen.

Aysaya 49:1

Ven vee vitúm veé ndzəywoŋ, vèn yuúrí. Ven ve vèn dzə́ e virə̀ʼ vee kwaʼda, vèn bónén, e yuùrí kijuŋ. Bo á wáa dzəə́ mo, a Nyùy Tàr‑iì shòʼ ne mo, e yòŋ mo ji wír və lìm, a m dzə̀ə́ e yè wór bvə̀m.

Aysaya 42:10

Vèn wáa yòv luŋ wo fíyi, a sùyrì Nyùy Tàr. Ven ve á dzə́ e ndzəywoŋ, vèn wáa yòv, a burí wun. Ven ve á danèr vikóŋ e rìbà ndzə̀ví wáa burí Nyùy Tàr, é kifá kidzə̀m keé rìbà ndzə̀v kí wáa burí sa. Vitúm vidzə̀m veé ŋguùŋè rìbà ndzə̀v ví kú a sùyrì wun.

Aysaya 42:4

Wù yòʼ wíy a weèy, a màʼ wún, kù bey, e meé mo wù wíy tuúy sáʼ yee réŋ é kitu ke nsay, a vitúm veé ndzəywoŋ vi kù sí shiy ji á yú yéʼéy a dzə̀ rə́.»

Nsùyrì Nyùy 86:9

Kù‑uù bòm wò vitúm vidzə̀m, a ví kù yíi a wìy, a sùyrì wò woo Nyùy Tàr, a wùʼsì yír yé.

Nsùyrì Nyùy 72:17

Yír fòne kú a tiy fo ghán sidzə̀m, é leŋ vəə́ kú a dù duùn, mo woŋe wíy mày. Wíri kù wíy a lon kisəəvì fo Nyùy, a dzə̀ ke wù‑uù səə̀vìn fon sho, a vitúm vidzə̀m vi wíy a yòŋ wun ji ŋgaà mbùʼmé.

Remrí 32:38

Kí áwune‑eè rə́si yí vidzə̀ vé cù yén, nó cu yén melùʼ. La áwune si lò lèn, e sə̀ ven á? La áwune si wìy, a kìŋsìn ven á?

Jeremia 10:11

Á suúy e wíri jii, mo anyùyi dzəə̀n a bó yòʼ‑oò bòm áwune yúv wùn à nsay, á wíy bvəʼə́y, e lày fo kitu ke nsay.

Jeremia 46:25

Nyùy Tàr woo Taà Mànjòŋ, wun woo Nyùy wìr veé Isray suuy jii, «Á leéy, e yèn, m yíi màʼ ŋgeʼ e Amon woo nyùy woó Tebes kitu, e màʼ bèy e wòŋ Ejiv wùn aànyùy vee fóo adzə̀m, e màʼ sa aàfon véví kitu. Rúrú, m kù yíi màʼ ŋgeʼ e Farao kitu, e màʼ sa e wìr dzə̀m wo wù tiirin vifií é wùn wó.

Daniel 11:18

Fo bàm, é fòn woó Siiria və̀n nèn bìnkìr, e kìʼ vitúm ve ví dzəə̀n é ŋguùŋè rìbà ndzə̀v, e koorí wíri é mfòn. Yii bèy, mfòómé wùmòʼ wíy sə̀r kiŋkoʼòrwùn kfə́, e siìr vinyo və́, a kù dzə̀ e wun kitu.

Malakay 1:14

«Lòné dzə̀ wó wìr wo wù mum ji wun bóʼ mo, fəər nyám fo mvə̀m kày, a dzə̀ ye yì kér nsem ji wun cu mo shó, a kinsòŋ ke nyàm ke wù‑uù kàʼàn ji wun wíy cù mo shó ki kù dzə̀ é kày. M dzə̀ Fon wo kuʼùn, aá ghvə́m mo vitúm vidzə̀m. Suuy mo woo Nyùy Tàr woo Taà Mànjòŋ.»

Aysaya 2:18

a bó á yòʼ dzəə́ wìy yen kifá kímóʼ kí ji mebvə̀m e ghan see shooy.

Aysaya 2:20

Wíy lòo dzə e kishiíy fóo fèy, é wìr dzə̀m maʼay mebvə̀m mev, mebvə̀m, a vé‑eè fer e kisha ke mbàm ke fəvír wùn à ke baar kí, fer ji anyùy vév, nèn ghvə́mé. Á kù wíy màʼày a dzə̀ e virònnsay wùn à vilíim ví.