Tsəfaniya 2:10 - ŊWÀʼ NYÙY

¹⁰ Á vilaʼày ve Moav wùn Ammon wíy a ker, bìʼ kiŋkoʼòrwùn kév. Áwune‑eè keŋ wír Nyùy Tàr woo Taà Mànjòŋ, kóʼ aáwuné kitu.

Tsəfaniya 2:10 Referans Kwoze

Aysaya 16:6

Ver veé Juda adzə̀me kì ji wír veé Moavi dzə̀ vé kiŋkoʼòrwùné. Kiŋkoʼòrwùn kév kí yii, aáwune káy wíri. Yii bèy, a kiŋkoʼòrwùn kév kí dzə̀ là mvə́m.

Jeremia 48:29

Ver adzə̀me yù ne mo Moav kóʼor wún. Wù raʼsì wún é ŋàŋ. Wù din wún, kér kiŋkoʼòrwùn, kóʼninè, kfə̀n guynìn ŋkóŋkóŋ féyì.

Tsəfaniya 2:8

Nyùy Tàr suuy jii: «M yù ne mo wír veé Moavi keŋ wír vém, e yù mo wír veé Ammone kuu wír vém. Á sévti ji á yíi faàsì a nsay yev.

1 Pita 5:5

M nen kfə̀n a suúy e vèn vee wír veé baanée jii, vèn wáa yu a kinyo ke atǎr kintatìi suuyì, e kfə̀n a suúy lèn a dzə̀ e wìr dzə̀m jii, wìr wáa yen wùmòʼ woo wír, a shaà kitú kfə́. Vèn wáa kiíy jii, «Nyùy yii méŋ wír ve á yén vitú vév, nèn leey ve á néŋ e wun si, shám áwune.»

Obadia 1:3

Kiŋkoʼòrwùn ké ki bòʼtí ne wò, wò, wo à dzə́ e mvə̀m vilála, wò, wo à bàʼrìn é ntoò yùv, sévti jii, ‹A dzə̀ sèn la mo é nsay.›

Daniel 4:37

«Ké lèn ki, mo woo Nebukadnessar, m búri Fon woó Yuv, kóʼor yír rə́, ghvə́m wun. Lim sə́ sidzə̀m si din a dzə̀ suuyrú, a vinyo ve wù yii vi dzə̀ là kiloʼ, a wù dzə̀ a dzə̀ wù sèn wir dzə̀m wo wù kóʼor wún.»

Ŋwàʼ Fəə 10:3

Mooser wùn Aaron nèn dù, e sùúy e Farao jii, «Nyùy Tàr wo dzəə̀n Nyùy wìr vee Hibru suuy jii, ‹À wíy tav kitú fó a yunín mo e dù, e meé e le? Màʼtì, é wír vémé du, e fíʼ cù mo.

Ŋwàʼ Fəə 9:17

À kù dzəə́ kóʼor wún wó, jívir wír vém, e làa yòʼ màʼtì áwune ji á wáa dù.

Yòvdìy 1:9

Lóm sə́ sí lòr ne e wùn ndzə̀y, bó wù yòʼ‑oò lo yiì a kwàʼtì kimaysì kfə́ kin. Á bèy, e nèn gbù e dzəə ye biibí, la ŋgaà sham yòʼ a dzə. Jerusalem sí tóŋ jii, «Éè Nyùy Tàr, ku yèn ŋgeʼ sém sí, ŋgaà vibàn wom màʼ ne mo.»

Esiker 25:6

Ke Nyùy Tàr woo Taà Ndzə suuy ki dzə̀ jii, «Vèn‑eè kwáʼ wó, dzəv kiwuú é nsay, séŋ fo shiliv bìʼ ŋgeʼ se sí gbuùn e Isray kitu.

1 Wòŋ 16:21

a bó Nyùy Tàr yòʼ‑oò lo fò kintóʼ ji wìr nəʼsi áwune. Wù‑uù kàntì afon ji lá á yòʼ làʼ á kiwó e wír vìné kitu.

Jeremia 12:14

Nyùy Tàr suuy jii, «Mò‑oò sùŋnín kùm vitúm ve ví dzəə̀n e Juda ghaŋ, aá giŋ wír vém e shilív she bi shí ji á sə́ nsay ye mò‑oò foon aáwune ji vitsə́ʼ vév. Vèn leéy, e yèn, m yíi shoʼóy aŋgàa vibàn vén vin fo áwuné nsay mo á shòʼóy kitiír ké kifa fo nsay, e bòyìr wír veé Juda fo áwuné wo.

Jeremia 48:14

«Moav, a dzə̀ vèn yèe, bó a tav ji vèn dzə̀ viŋgum ve wìr, a tav ji á dzə̀ vé rər ve tavkíné?

Obadia 1:11

Kishiíy ke vitúm vi‑iì bvəʼən shúu kày fər wò, e kùúy vifá və́, wò‑oò tíy, leey leèyín. Viŋgwìy vi‑iì nə̀ə́ é Jerusalem, a tsəm kàŋ, a jàv fó, aà kù kár fo mvəm moo wír woo áwuné ŋgoo.