Tsəfaniya 2:1 - ŊWÀʼ NYÙY

¹ Kitúm kee là dzə̀rkìtu, vèn báʼtí. Vèn jaŋ vifíi vén ví é bàm,

Tsəfaniya 2:1 Referans Kwoze

Joel 1:14

Vèn fó sáʼa, aá wáa lèm jíŋ ji á lón Nyùy. Vèn jaŋri wíri, aá tiím e Nyùy si. Vèn báʼtí vilìmbìy vi wùn à wìr dzə̀m woó Juda. Vèn báʼtí áwune e Nyùy Tàr woo Nyùy wón lav, aá wáa toŋ e wun ji wù ku sə̀ á ven.

2 Wòŋ 20:4

Wír veé Judàa nèn bàʼtí e Jerusalem, aá wíykír fó ntèʼ seé Juda sidzə̀m, ji á lón á Nyùy Tàr, é wù sə́ á áwune.

Esta 4:16

«Mordekay, dùu, e bàʼtí wír veé Juda ve á dzəə̀n é Susàa kirə́ʼ kimòʼón, é vèn áwune ku lèm jíŋ, a bùnrì fo mò. Kí dzə̀ jii, e bǎm vishiíy vitaár, e shùy wùn à vitsə́ʼə́, lá wìr yòʼ nò kifá, kìn ji wù yí ke yiín kí. Vèr à wónlě vikìy ve á lim fo mòó kù yíi a lèm sa jíŋ bèy. Kee shooy ki shaa, é m du, e yèn fon. A fə̀m dzə̀ mo nsər yoʼ biìmé ji wìr du fó, a bó á toóy tooyín, bo m kù‑úù du, a mo‑óò du kpù, é m dù kpù.»

Nehemia 9:1

Wáa dzə e kishiíy kee nshòv sikweè e mbaà, e ŋwee wo wú meen ji saàmbà və̀n, wír veé Israyi nèn kfə̀n bàʼtí ji á wàá lem á jíŋ, aá máʼ ne ndzə̀y sé mendzə̀n, e fə̀vrì vitú e kibvər ki.

Nehemia 8:1

Wìr dzə̀m nèn wìy e Jerusalem, e bàʼtí e maàndzə yeé Shùu Kày woó Dzəə̀ Ndzə̀v ji wír amòʼón. Á nèn sùúy e Esra woo ŋgaà dùŋrì ji wù wiy á e Ŋwàʼ Nsər wo Nyùy Tàr‑iì foon e wír veé Israyi, e shaà fo Mooser.

Matio 18:20

A wíri dzə̀ʼə̀m abaà, kìn ataár e mo woo Jesus yir, bo m kù dzə̀ aáwuné nsàn.»

Sekariya 11:8

Wáa dzə e mvə̀m ŋwee e mòʼón, m jùm anshìy ataár. Wúné kfən kìn mo bìʼ njiì və̀y, m kòsìn sa fo áwune.

Jeremia 6:15

Áwune‑eè buʼtì viŋkoʼòy ve vinyò, woóme a? Àáy, áwune yòʼ‑oò ló a woomé, fə̀m à shishàr sho. Á yòʼ‑oò ló a ker dzə̀rkìtu gheéy. Bìʼ bey, áwune wíy a dzə e ŋgoo wìr ve á wíy laàr. M wíy màʼ ŋgeʼ aáwuné kitu, aá kpú kpuún. Suuy mo woo Nyùy Tàr.»

Jeremia 3:3

Kí nen yiì, ŋweʼe tén gbu, e yiì, wuú tén sə́ʼə́y, a bó vishí vé vi yòʼ din ji kinyo ki kooyì. Ví kù dzə̀ ji vé sàkì, là woómé.

Tsəfaniya 3:5

Nyùy Tàr kù dzə́ kfə́ aáwuné mvəm, yii vinyo a dzə̀ vee tìítiy, a wù yòʼ yii ve bi ví. Wù yii vinyo e wír vəə́ kishiíy kidzə̀m, là kiloʼ. Wù yòʼ shóʼor kímóʼ kee kishiíy, aàŋgàa yiì ye bií kù buʼtì vinyo, là woómé.