Tsəfaniya 1:7 - ŊWÀʼ NYÙY

⁷ Vèn lem nyaáŋ e Nyùy Tàr woo Taà Ndzə si. Kishiíy kfə́ ké nsaʼ ki sì fó mentsə̀m. Wù bàʼtí ne wír və́ moo nyám se cù, e bì aŋgàa vibàn vév ji á wiy á, e seèrí.

Tsəfaniya 1:7 Referans Kwoze

Habakuk 2:20

Yii bèy, Nyùy Tàr kù dzə̀ e wun lav cù ye ranén, wìr msòŋ e dzə̀m wáa dzə e wun si, a dzə kisə́sə.

Sekariya 2:13

Wìr msòŋ e dzə̀m wáa dzə kisə́sə e Nyùy Tǎr si. Wù ŋàʼáy ne, a wìy fo wun kirə̀ʼ ke ranén kí, keé yuv.

Tsəfaniya 1:14

Kishiíy ké Nyùy Tàr ke ghaʼtín kin ki sì fó meméʼ. Kí wiy cércér, a kí sì é kiwo. Kishiíy kin ki wiy kibí kibí, gwèy yíi waamé tóŋ.

Jeremia 46:10

Á bèy, kishiíy kin ki dzə̀ ké Nyùy Tàr woo Taà Mànjòŋ, wun woo Taà Ndzə. Dzə̀ kishiíy ke wù siir ŋkfə́tír áàŋgaà və́ vibàné. Nyùy rə rə̀r wíy laàr áwune ŋkuuŋkùŋ, kù moo koosàʼ, wo wù laarì, wù nò mensə́, e kù nò, e meé mo buù və‑ə́ə̀ kpú. Rúrú, Nyùy Tàr woo Taà Mànjòŋ, wun woo Taà Ndzə yíi yiì cu rə́ lán. Wù yíi yiì e wòŋ kùyi, e ghaa ndzəv yee Yufret.

Aysaya 34:6

Rúrú, Nyùy Tàr kér nyùy rə̀r é kiwo, a yì dzə̀ mensə́ mensə́, a dzə fóm fóm. Mensə́, a dzə̀ me wón njiì, à me bvəy mè, fóm, a dzə̀ sé kiyaʼ seé shintay. Á mo Nyùy Tàr lo, e yiì cu e Bosra. Wù yíi yuyrí wíri Edom e dzə̀m.

Aysaya 13:6

Vèn wáa toŋ, a dìy, bìʼ fo kishiíy ké Nyùy Tàr kí siìn fó mentsə̀m, Kishiíy ke wun woo Ŋgaà Vitaàví Vidzə̀m wíy laàr wíri, e laàr bèn à nsay yev shó.

Matio 22:4

Wù kfən tùm ámóʼó jii, ‹Vèn kfən ghàn, e tiìsí e wír vee shooyi jii, m bàʼtí ne vifá vidzə̀m. M gwàr vinsòŋ ve nàʼ, e kfə̀n gwàr wón nàʼ ve faŋkìné. Áwune wiy ri, a yi a vijín vé wan.›

Joel 2:31

Shùy wíy ndzəmén, lóo sən sənén, ŋwee lóo bàŋ moo mensə́, é bo kishiíy ké Nyùy Tàr ke ghaʼán kí gheén.

Aysaya 2:12

Nyùy Tàr woo Taà Mànjòŋ shòʼ ne kishiíy, kishiíy ke kinyo ki wíy koóy wír ve á kóʼor wún, kóʼor, yén ji moo áwune yòʼ dzə̀. Wù wíy sèn wir dzə̀m wo wù kóʼor kitú kfə́,

1 Samuel 16:5

Samuel biímé ji «Eè, dzə̀ ye juŋe. M wìy ji m cu á Nyùy Tàr. Vèn *kfə́mrí vitú vén ví, e wìy, é vèsən cu Nyùy.» Wù suúy ji Jessi wùn à wóné kfə́mrí á sa vév vee vitú, e wìy a fo cù.

Malakay 4:1

Nyùy Tàr woo Taà Mànjòŋ suuy jii, «Rúrú, kishiíy ke m kwaŋrì vinyo ki sí ló a wìy. Kí wíy a wìy, a lùm mo shwí və́y. Dzə̀ kishiíy ke dòʼshwíiy wom wíy tòn vé kiŋàʼa, e tòn wír ve á méŋ mo, kù mo və́yí tòn vishaárín. Wú wíy tòn áwune, aá du é kibvə, a wìr yòʼ wíy ber.

Amos 6:10

Wìr kpú, wìr wov kfəə wiy ji wun sí li dzə́n, e dù, e dzəə̀mè, lóo lì, yén wír wùmòʼ, a wù lír é mvə̀m lav, wù dzə́r sho jii, «Wìr dzə̀ a wù bér fey vèn wùn a?» Ŋgaàŋ lóo bìnèr jii, «Wìr yoʼ bèr,» é wù nèn sùúy sho jii, «Sə́tí shuu wóo, wòsò wáa yen fóo mvə̀ʼ shuu, e yòŋ yír Nyùy Tàr, é wù kiʼ wòsò».

Joel 2:11

Kù danèr Nyùy Tàr mànjòŋ və və̀n, du aáwuné mbìy, wámkirì. Vé rər və́ víne dzə̀ nyanyày, aáwune ve á yú jí rə víne dzə̀ antav ve ghaʼtíné. Rúrú, kishiíy ké Nyùy Tàr kí dzə̀ kigháʼán, a kí beéme e ŋàŋ. A dzə̀ bòy la é kishiíy fen.

Esiker 7:10

«Rúrú, kishiíy kí sì. Ké ru kí, kí wìy ne. Kishiíy ké lòn kí mèʼ ne bèn. Nə̀ʼsì won kùy ne e ŋàŋ, kiŋkoʼòrwùn kén kí gháʼnín.

Esiker 7:7

Lòné shòʼ ne ven ben, ven ve á dzə́ e wòŋ fèn. Ghán sí ghèén ne. Kishiíy kí sì fó mentsə̀m, kishiíy ke wíri wíy a fàn, a buʼ shirəə́, a bó à yòʼ wíy a yu, aá maʼ kinseŋ fo agwan.

Aysaya 6:5

Á bèy, m nèn sùúy jii, «Lòné gbù ne e mǒ kitu. Ké ru kí, kém kí kù mày ne bèy. M shòv ne Fon e si, wun woo Nyùy Tàr woo Taà Mànjòŋ, a m dzə̀ kém wír wo kù fəə́ kinyo ke bi kí fó shuù wo, a m kù dzə́ a dzə̀ vèr à wír ve fəə́ kinyo ke bi kí fo áwuné shuù.»

Kolosia 1:12

a beèrì wun woo Tàr wòsən. Yì‑iì lì wun ven, e nàŋsín ji wír və́ ji vèn fiʼ wìy a dzə e wùn mvə̀m ran, e nəə́ e vijùŋ ve wù lèmèn e wír vəə́ adzə̀m.

Filipi 4:5

Vèn wáa yiì yíi a dzə̀ ye wìr dzə̀m wáa yen ji vèn kér wíri ji weè, a kuumé ji ghán se Tàr wòsən Kristu wíy a wìy si sí méʼ a fo mentsə̀m.

Ŋwàʼ woó Rom 9:20

Wìr wáa yen fó a suúy bèy. Bó yòʼ dzə̀ wìr wàa bìʼtì kinyo wùn Nyùy, bìʼ fo bó yòʼ dzə̀ kíŋ, yí lò, e kfə̀n a bìʼ wùn wìr wo wù bomen wun jii, «Wò‑oò bòm mo ben ji ka?»

Ŋwàʼ woó Rom 3:19

Á mo vé‑eè saŋen é Ŋwàʼ Nyùy, a vèsən kì jii, vinyo ve vé‑eè saŋen shó vidzə̀m vi dzə̀ á fo wír ve á kér ŋwàʼ woo shooy ji á wáa yu fo fo. Mo Nyùy din ajay wíri shó, bo bó yòʼ dzə̀ wìr kfə̀n a ker kinyo kée wovrí gheéy, aá kér fó wìy tiím e wùn si adzə̀m, é wù sáʼ nsaʼ yev.

Nsùyrì Nyùy 46:10

Nyùy suuy jii, «Vèn yar vindzəʼ vi, a kiíy ji m dzə̀ Nyùy. Sáʼ mo vitúm vidzə̀m. Kù kér mo kitú ke nsay.»

1 Samuel 20:26

Yii bèy, la Saul yòʼ ghày kinyo e kishiíy fóo fèy, bìʼ fo wù‑uù kwaʼtì ji dzə̀ a Davir lì ne a *kifàn, a bó yòʼ dzə̀ wù wìy á fo ŋkàʼ.

Ŋwàʼ Jov 24:1

Ŋgaà Vitaàví Vidzə̀m yòʼ lem ghán se wù tínen nsaʼ wìr ve bií ji ka? Yiì ka la wír ve á yú Nyùyi yòʼ a yen, a wù maʼ ŋgeʼ e wír ve á méŋ wuné kitu?

Aysaya 13:3

Mo woo Nyùy Tàr, m fò ne sáʼ e wír ve m shavin ji á yii lim ye dzəə̀n yémé. M tòóy ne vintav vém vé vé rərí, wír, aá yúʼti wún, a m túm ji á maʼ ŋgeʼ e wír ve á ton shilív shémé.

Aysaya 29:2

Yii bèy, m wíy màʼ ŋgeʼ e vèn vee wír veé Arielí kitu, é ŋkàlaʼ e dzə̀m wáa dìy, a konsí. M wíy siìr fó, é fóo kfə́n mensə́ mensə́ moo kíy cù.

Aysaya 34:5

Nyùy Tàr suuy jii: «Nyùy yem rə̀r lìm ne lim rə́, e màysì, lim ye dzəə̀n nsaʼ vifa ve ví bán e yuv ye wù tínenè. Vèn leéy, e yèn, yì lo lèn, e lovtí e wír veé Edome, wír ve m wayin ne ji m kù kér fó laàr.»

Joel 1:15

Rúrú, kishiíy ké Nyùy Tàr kí sì fó mentsə̀m. Kishiíy ke wun woo Ŋgaà Vitaàví Vidzə̀m lo, e wìy ji wun laar virə́ʼ.

Amos 8:3

Kishiíy kin ki wíy gheén, é vikìy ve á yov luŋ e ntoʼo wáa toŋnín, a shèŋ kitú. Dzə́n sé wíri sí wíy a neŋnín virə́ʼ vidzə̀m, a bó à yòʼ dzəə́ yú kikwe ke kifa.» Suuy wun woo Nyùy Tàr woo Taà Ndzə.

Sekariya 14:1

Á yuúrí, e yù. Kishiíy kímóʼ kí wiyì, a dzə̀ ke Nyùy Tàr wíy kwàŋrì vinyo. Lóo wìy dzə e kishiíy fóo fèy, aá kuúy kéŋ yén, e jàv e věn si.