Tsəfaniya 1:6 - ŊWÀʼ NYÙY

⁶ M wíy laàr wír ve á bìnèn ne ndzə̀m e mò, a bó á yòʼ dzəə́ taʼ mo, a bó á yòʼ dzəə́ bee mo woo Nyùy Tàr é kinyò.»

Tsəfaniya 1:6 Referans Kwoze

Jeremia 2:13

Wír vémé jày ne vinyo e mò vibaà. Áwune bìn ne ndzə̀m e mò, mo woo ntòŋ ndzə̀v ye yì fó dzəʼə̀m. Áwune fèr ne a dzə̀ vév vee visə̀m, e lì ndzə́v, e wày shó, visə̀m, a ví káʼkír ne.»

Aysaya 1:4

Yìiy, kitúm ke Nyùy sháʼnin kinyo, aá kù yii a dzə̀ kíwun. Wír, aá jáy vinyo e ŋgeʼ, a ví rə́ʼəy áwune rəʼəyín. Wón, aá kù buʼtì vinyo moo atàr vév, táti kifá kidzə̀m, kuvrì kùvrìn. Áwune màʼày ne Nyùy Tàr, a ŋway wun woo Ŋgaà wo Ranén woó Isray ŋwáyín. Á bìn ne ndzə̀m e wun, e lèʼ wun léʼén.

Jeremia 15:6

Vèn mèŋ ne mo, e bìn ndzə̀m e mò. M wíy màʼ kiwó kém, e ghar ven shó, e laàr. M dòr ne, yòʼ dzə̀ m dzə́ə a ker mendzən fo vèn. Kù suuy mo woo Nyùy Tàr.

Jeremia 2:17

Yeè mbàʼ, bó yòʼ wìy wò e kinyo kìn ki e wò kitu à? Kí dzə̀ bìʼ méŋ ye wò‑oò meŋen Nyùy Tàr. Nyùy Tàr woo Nyùy wò, wo wù‑uù tsəə́ne wò.

Hosea 11:7

Wír vém veé Israyi wày ne wáyín ji á kù‑úù tín kiwuú fo mǒ bàm. Áwune wíy a toŋ, a kàn Nyùy woo Taà Vitu, yii bèy, é la wù yòʼ nàn áwune.

Jeremia 3:10

Vinyo vìn vidzə̀m vi‑iì kòóy ben, la wìr kisaŋ woo Juda wo dzəə̀n jemèr Isray yòʼ kfə̀n é bàm, e yèn mo shilív sə́ shidzə̀m. Wù ku kfə̀n a dzə̀ e kiloʼ ki. Suuy mo woo Nyùy Tàr.»

Aysaya 9:13

Bó wír vìne yoʼ màʼtì yii yév ye bií, e fíʼ a jùmrì ŋgaà wo wù maʼ ŋgeʼ aáwuné kitu. Áwune yòʼ fə̀m mum ji bo á kì yúnin Nyùy Tàr, wun woo Taà Mànjòŋ.

Hibru 2:3

Mo kí dzəə̀n ben, vèsən kfən lò, a meŋ kiŋgaʼnìn ke kinyò ke yiìn Wan Nyùy ji vèsən fiʼ lùŋ, bo dzə̀ vèsən yèe, e bóo bòy fo ŋgeʼ? Kù‑uù tòmbìy, a fìʼtì wun woo Taàtá wòsən Jesus Kristu kinyo kìn, é bo wír ve vé‑eè yuuné wáa fìʼtì, é vèsən wáa kiíy sa mo kí dzəə̀n.

Esiker 3:20

«Kí kfə́n a dzə jii, a wìr woo réŋ lò, e bìn ndzə̀m é yiì yee réŋ, e lò, a yiì liì kisaŋ, m wáa levtí wun, a bó à yòʼ tír wun, bo wù sí lo, e kpu. Wù yíi kpu bìʼ vinyo və́ ve bi ví, a bó á yòʼ dzəə́ leey vinyo vee réŋ ve wù‑uù rə́si yii, yii bèy, é li wò njò kpu rə, bìʼ fo à yoʼ tìr ŋwèrín.

Nsùyrì Nyùy 125:5

Yii bèy, ké wìr ve á bin kév é dzəə sé kisaŋ si, Nyùy Tàr ku jùm áwune júmen fo wun si wùn à wír ve bií. Nyaáŋ wáa dzə e Isray.

Nsùyrì Nyùy 10:4

Wír ve á méŋ Nyùy vìne ŋaʼ e ŋàŋ, a bó á yòʼ kfə̀n taʼ Nyùy gheéy. Á kù sí yii vinyo vév ji bó Nyùy yòʼ dzə̀.

1 Samuel 15:11

«M kér mendzən ji mò‑oò kòʼór á Saul ji fon. Wù bìn ne ndzə̀m e mò, e làa yòʼ dzə́ə a jùmrì kinyo kém.» Samuel yú kinyo kìn, kí bír wun, wù tóŋ e Nyùy Tàr vitsə́ʼ vifur.

Hosea 7:7

Wìr dzə̀m kù sí lum moo və́y woó kiy birer, lo, á yùyrí vé saʼ vév. Á yùyrí ne afon vév, a wùmòʼ lay e wùmǒʼ bàm, a bó wìr wo wù tóŋ, mbaa mo yòʼ dzə̀.»

Nsùyrì Nyùy 36:3

Wù mvəʼ shuu, kù fəə̀ kinyo ke bi kí, lóo suŋnín, kù a fəə kimboʼtì, a bó wù yòʼ dzəə́ yii yii ye juŋe moo fií.

Ŋwàʼ woó Rom 3:11

A bó wìr yòʼ dzə̀ wo wù kiìn vinyo ve dzəə̀n ve ru ví, kìn wo wù taʼ, e kiíy Nyùy.

Aysaya 43:22

«Éè rám Jakov, abaày, bó vèn yòʼ fə̀m‑eè lo ghàn sùyrì mo. Bó ven vee wír veé Israyi yòʼ kfə̀n‑eè taʼ ji m méʼ ven.

Jeremia 10:25

Dìn dòʼshwiiy wò e vitúm ve ví yòʼ ghvə́m wò vi, ku dìn e wír ve á tenen fó a cù wòo. Áwune bvə̀ʼə́y ne rám Jakov, e laàr ŋkuuŋkùŋ, woŋ wóví dú é vifə̀m.»

Hosea 7:10

Kiràʼsìwùn ké wìr veé Isray ki mvə̀ʼ ne kinyè kév, yii bèy, la áwune yòʼ kfə̀n é bàm fo mò woo Nyùy Tàr woo Nyùy wóv wùn. Fə̀m mo vinyo vìn vidzə̀m vi kooyin áwune, bó áwune yoʼ fə̀m tàʼ mo gheéy.

Joshua 23:12

A kí shaà fo bèy, vèn yiì lò, e bìnkìr, a suusín vèn à vitúm ve ví berin e věn mvəm vin, a tatí vijín vèn áwune, à lì wón vév, áwune wáa lì vén,

2 Samuel 22:22

M kù‑uù ghán a dzə̀ e Nyùy Tǎr mbòv, m yòʼ‑oò lo màʼtì dzə́ə rə, e bìn e ye kisaŋ.

2 Wòŋ 15:13

Áwune kfən lìʼ jii, a wìr dzə̀, a wù yòʼ ghvə́m Nyùy Tàr woo Nyùy wìr veé Isray, a dzəə̀n ŋgàywìr, a dzəə̀n wánlè, a dzəə̀n wiíy, a dzəə̀n lumèn, á waà yùyrí.

Aysaya 9:12

Veé Siiriàa wáa wìy fo mbìv ye shùy yii tó fo fo, veé Filistiàa wáa wìy fo mbìv ye shùy yii nəə sho. Áwune tátí kitúm kee Isray, e sə̀ʼsí kidzə̀m. Fə̀m mo ŋgeʼ sìn sidzə̀m si siìn e wír veé Israyí kitu, Nyùy Tàr kù dzəə́ shwiiy kilòŋ wùn áwune, a wù dzə̀ kibáʼtín ji wun lo, e shaà fo mbìy, a dzə̀sì ŋgeʼlàʼ aáwuné kitu.

Tsəfaniya 3:2

Yì yòʼ yúnin Nyùy, yì yòʼ biíme jay, yì yòʼ wáy shilív e Nyùy Tǎr wùn, yì yòʼ bee Nyùy Tàr é kinyò.