Tsəfaniya 1:5 - ŊWÀʼ NYÙY

⁵ M wíy laàr wír ve á kóʼ, yii cu e kikfəv ke lav, kóʼ bèy, cu shúy, cu ŋwee, cu mejiy. M wíy laàr sa wír ve á cu mo, kan yír yém, kfə̀n kan yír nyùy woo *Molek.

Tsəfaniya 1:5 Referans Kwoze

Jeremia 19:13

Lav seé Jerusalem wùn à ntoʼ seé Juda si kù wíy kfən ji kirə́ʼ ké *kifàn, moo Kiwoóy ké Tofet kìn. A dzə̀ jii, lav sidzə̀m se á ton kiláy é kitu wo, cu vifá veé yúv shó, kfə̀n maʼ meluʼ fo, cu anyùy sho.»

2 Afòn 17:33

Vé‑eè ghvə́m Nyùy Tàr, kfə̀n ghvə́m sa anyùy vév réŋréŋ mo liì wov vitum woo fo vé‑eè liìn áwune‑eè dzəə̀n.

1 Afòn 11:33

M yíi yiì bèy, bìʼ fo Solomon wùn à wír vəə́ bìnèn ne ndzə̀m e mò, e nèn a cù a dzə̀ Ashtoret woo nyùy woo wiíy woó Sidon wùn à Kemosh woo nyùy woó Moav, à Molek woo nyùy woó Ammon. Áwune yòʼ ghán e mǒ mbòv. Áwune yòʼ dzəə́ yii kinyo ke kí wáa gheén mo, aá yòʼ dzəə́ yú sáʼ yém, a bó á yòʼ dzəə́ jumrì vinyo ve m tínen mo Davir woo tàr à Solomon‑eè jumrì.

Amos 5:26

Vèn‑eè ghvə́m a dzə̀ mebvə̀m, kifá, a fér ven e wó yéné. Vèn‑eè ghvə́m shee Sakkut ji fon anyùy vén. Ghvə́m shee Kaywan ji shijiy shee anyùy vén. Á bèy, bo vèn kù lo, e bèʼèy mebvə̀m mee shooy lèn,

2 Afòn 23:12

Fòn Josia kfə̀n‑eè kètì kíy se cù se afon veé Judàa‑aà bomen é kikfəv ke lav yee fó yuv fo Fòn Ahas‑iì shiiyì, e kfə̀n kètì sa kíy se cù se Fòn Manasse‑eè bomen é maàndzə see sibaà see Nyùy Tǎr lav. Wù kètì bèy, e bvə̀ʼtí, e màʼày vimbvə́ʼ e Kiwoóy ké Kidron.

2 Afòn 17:41

Vitúm vìn vi kù‑uù ghvə́m Nyùy Tàr, kfə̀n ghvə́m mebvə̀m mev. E wìy shem lán, wón vév wùn à wón won véví kù dzəə́ jumrì kinyo ke atàr véví‑iì yii.

1 Afòn 18:21

Elija nèn kòʼtí e wírí mentsə̀m, e dzə̀r jii, «Vèn wíy tùʼtìn e kwaʼtìi e baà ben, e dù meé e le? A Nyùy Tàr dzə̀ Nyùy, vèn wàa jùmrì wun, wáa dzə a dzə̀ Baal, vèn wàa jùmrì rì Baal.» Wíri ku gòʼ gòʼòn kisə́sə.

Ŋwàʼ woó Rom 14:11

A dzə̀ kinyo ke vé‑eè saŋen jii: «Nyùy Tàr suuy jii, ‹Mo m dzəə̀n shó, wìr dzə̀m kù wíy tsəm e mǒ si, a binsí mo woo Nyùy e shuu wóví.› »

Matio 6:24

«Bó yòʼ dzə̀ wìr wàa lìm atàr abaà. A wù lò, a lìm bèy, bo wù yíi a bàn wùmòʼ, a kòŋ wùmòʼ, a yu kinyo ke wùmòʼ woo wír, a kay wùmòʼ. Bó yòʼ dzə̀ vèn wàa lìm fo Nyùy, e kfə̀n a lìm fo mbàm si.

Hosea 4:15

Yìiy, wìr veé Isray, mo vèn kfənen ne ji asàkì, lá kí yòʼ mùm kòóy ji wír veé Judàa biʼnin, é dzə̀rkìtu lo, a koo áwune. Vèn wáa yen fó tiír kiwuú kén é Gilgal, kìn ji vèn kóʼ é Bet‑Aven ji á suyrì mo. Vèn wáa yen fó lìʼ kinyo e mo woo Nyùy Tǎr yir, mo wo m dzəə̀n e tin.

Jeremia 32:29

Wír veé Babilon ve á taáme ŋkàlaʼ rə̀ne yíi nəə́, e tòn fó e və́yí, e tatí, e tòn wùn à lav see fo wíri kóʼ, ton kiláy é kitu wo, cu *Baal sho, kfə̀n maʼ meluʼ fo ji cú anyùy, yii, a dòʼshwíiy wom kóʼó.

Jeremia 5:7

Nyùy Tàr suuy jii: «A dzə̀ m làysìn ajay vén é le? Wón véné màʼtì ne mo. Á sí kan a dzə̀ anyùy kisaŋe. M yìír áwune, á kúr, e kù cì kwán a dzə̀ é kinjàŋ, du, dzə́ a dzə̀ wùn aàsàkìi.

Jeremia 4:2

Wìr lóo kàʼ kinyo, lóo kàn yír yém, mo woo Nyùy Tàr, wù kù a suúy a dzə̀ suuyrú, a yiì vinyo vee réŋ, là kiloʼ. Á bèy, é vitúm vidzə̀m vi nèn a wìy, a yen mo, é m wáa səə̀vì áwune, aáwune nèn a tuy shwín ji m dzə̀ á wóov.»

Aysaya 48:1

Ven vee rám Jakov, vèn yuúrí kin ki. Vèn yuúrí, ven ve á yoŋ e meŋkfəm ji Isray, ven vin ve dzəə̀n rám Juda. Vèn dzə̀ kén wír, aá lóo yiì kilìʼ, á wàa kàn a dzə̀ yír Nyùy Tàr, a vèn naarì vitú vén ji á ghvə́m Nyùy wìr veé Isray. Yii bèy, vèn kù ghvə́m wun a dzə̀ fó shuù, a bó vèn yòʼ tíy rú e wun wùn.

Aysaya 45:23

M yì ne kilìʼ e mǒ yir, suuy kinyo, a m kì rú ji á mo kí wíy a dzə, a bó yòʼ dzə̀ kí wìy shaà fo ghaŋ. Kí dzə̀ jii, wìr dzə̀m kù wíy tsəm e mǒ si, a binsí mo woo Nyùy e shuu wóví.

Aysaya 44:5

Vitúm vi wíy lò, é wìr nèn a binsí jii, ‹M dzə̀ wo Nyùy Tàr.› Wùmòʼ woo wír wíy a tasín jii, ‹M dzə̀ rám Jakov›, é wùmòʼ wáa saŋ e koy jii, ‹M dzə̀ wir Nyùy Tàr›, e nèn a yòŋ kitú kfə́ ji wír woó Isray.»

1 Afòn 11:5

Wù‑uù ghvə́m *Ashtoret woo nyùy woo wiíy woó Sidon, kfə̀n ghvə́m *Molek woo nyùy wìr veé Ammon, a dzə̀ nyùy, a wù kòʼóy feyì.

Joshua 23:7

fo vèn shwír wún vèn à vitúm ve ví berin e věn mvəm ví. Lá vèn yòʼ fə̀m a gaʼ yír sé anyùy vév. Lá vèn yòʼ a lìʼ kilìʼ, a kàn yír sév. Vèn wáa yen fó a ghvəm áwune, a tsəm aáwuné si.

Remrí 10:20

Vèn wáa ghvəm Nyùy Tàr woo Nyùy won, a lìm fo wun, e kù a yeʼtí e wùn wó, lóo yiì kilìʼ, vèn wàa kàn yír rə́.

Lim Aŋgàa Ntum 10:9

Áwune bvəə́shí, e dù, a meé e mvə̀mlaʼ foo fèy, a sì e ntìntìn shùy, a Pita kì kòʼ é kitu ke lav, aá náŋsín moo nsaàlav, a bùnrì fo.

2 Afòn 17:32

Wír vìn adzə̀me‑eè cu sa Nyùy Tàr, yii bèy, á kù‑uù shóʼti kév wíri fo áwuné mvəm là nyaʼ ji atàá cù, aá lim aáwuné virə̀ʼ vé anyùy, yii cu sév fó.

Jeremia 5:2

Yii bèy, mo áwune fə̀m dzə́, kan yír Nyùy, yoŋ ji Nyùy Tàr dzə̀ shó e tin, á kan kisáŋ.»

Jeremia 7:9

A dzə̀ vèn wàa shoŋ vishóŋ, a yuyrí wíri, a jàŋ kinjàŋ, a kàn yír Nyùy kisáŋ, a tòn kiláy, a cù *Baal sho, a ghvəm anyùy, a bó vèn yòʼ kì fó fo,

Jeremia 7:10

e kfə̀n a wìy e mǒ lav cù, a tiím e mǒ si, a yòŋ jii, «Vèr dzə̀ fen akiŋsìn», kù ji vèn yoŋ bey, e fəə̀, a bùʼtì vinyo, a dù duùn fó mbìy à?

Jeremia 8:2

Á wíy fəə́r, e sàŋrì, é shùy wùn à ŋwee, à mejiy mè wáa ban sho, mo dzəə̀n vifá ve áwune‑eè rə́si koŋè, fó kitú sho. Áwune‑eè léʼnin e bǎm vifa fèn, shwéŋé, kfə̀n cu. Vighvə́r vin vi kù sí wìy gòʼ là báʼtí, là dzəəmè, a neŋ moo jáŋ bèy.

Jeremia 12:16

Vitúm vìn vi dzə̀, a ví‑iì dànèr wír vém, á wáa kàn a dzə̀ nyùy woo *Baal. Yii bèy, aáwune kùvsín lèn, a jùmrì liì wìr vém, a yiì mo wù dzəə̀n, a kàn a dzə̀ yír yém ji Nyùy Tàr dzə̀ shó e tin, bo áwune sí yìi tuúy e wír vémé mvəm.

Jeremia 49:1

Ntum yee kùm wír veé Ammon rə̀ne. Nyùy Tàr suuy jii: «Dzə̀ ji bó Isray yòʼ kér wón vee vilum à? Dzə̀ ji wù yòʼ kér njìlaʼ à? Nyùy woo *Molek yóv nsay rám Gad bìʼ ka? Wír ve á cu Moleki‑iì wìy, a dzə fo bìʼ ka?

Hosea 10:2

Mo áwune lumen ne a dzə̀ kimboʼtì, e kpù shó, bo á kù lo, e màʼ ŋgeʼ aáwune bìʼ njò yev. Nyùy Tàr yíi bvəʼə́y kíy sév sé cù, e kètì sə́y sév sé anyùy.

Remrí 4:19

Vèn leey yúv, yén shúy, yén ŋwee, yén mejiy, à vifá veé yuv vímóʼ ví, vèn wàa yen fo ví lévtí ven ji vèn wáa ghvəm, e kfə̀n a lìm fo fo. Dzə̀ vifá ve Nyùy Tàr woo Nyùy won màʼtìn ji vitúm vímóʼ ví wáa ghvəm.

Aysaya 22:1

Sáʼ Nyùy yee kùm Jerusaleme rə̀ne, Jerusalem wo dzəə̀n kiwoóy ke mò‑oò yenen é njà kinjeenjèm. Sáʼ rə̀ne dzə̀ jii: Vèn kóʼ e věn vikfəv ve lav, yí ŋkàʼ fó bèy, kwaʼtì ji vèn yii a dzə̀ ka?