Tsəfaniya 1:4 - ŊWÀʼ NYÙY

⁴ «M wíy màʼ ŋgeʼ e wír veé wòŋ woo Judàá kitu, bo taaka veé ŋkàlaʼ Jerusalem adzə̀m. M wíy nəə́ fo, e laàr wir dzə̀m wo wù cu nyùy woo *Baal, e laàr atàá cù ve á cu anyùy kisaŋe adzə̀m, é la wìr yòʼ dzəə wìy a kuumé yír yév.

Tsəfaniya 1:4 Referans Kwoze

Hosea 10:5

Wír ve á dzə́ e ŋkàlaʼ yee Samariàa wíy a dìy, a shèŋ kitú, bìʼ shibvə̀m sheé nsə̀nin wàn nàʼ, she áwune làyìn é Bet‑Aven. Áwune wùn aàtàá cù véví wíy a toŋ, a jeetí, bìʼ vijuŋ ve shibvə̀m shìn she á liìn, e dù sho.

Mayka 5:13

M wíy bvəʼtí mebvə̀m me vèn semen, e bàʼtì sə́y se vèn tuuyin é virə̀ʼ vé anyùy, a bó vèn yòʼ dzəə́ wìy a ghvəm vifá ve vèn fèrìn e wóo vin.

Jeremia 6:12

M yíi màʼ kiwó kém, ghár wir dzə̀m wo wù dzəə̀n é nsay foo fèn, é lav sév wùn à vikìy véví, à kwáʼ sév sí du e wír ve səné. Suuy mo woo Nyùy Tàr.

2 Wòŋ 34:4

Wù‑uù yòŋ, á kètì kíy se cù se vé‑eè cu nyùy woo *Baal sho, e bvə̀ʼtí kíy se kilay se sí‑iì dzəə̀n é ghaŋ wo, fo kùy. Wù‑uù bvə̀ʼə́y wúr sé nyùy woo *Ashera, e bvə̀ʼə́y mebvə̀m me vé‑eè semen sémén, à me vé‑eè bomen bómén mè, e yòŋ, á jò, mè dù e kibvə̀r. Wù nèn lì kibvər kìy, e tàʼár e wír ve vé‑eè táŋri mebvə̀m mee shooyí vitu ve sày.

2 Afòn 21:13

M yíi màʼ kiwó, e ghar Jerusalem sho réŋréŋ mo mò‑oò màʼàn e Samaria, e màʼ e kfə́ə Ahavi. M yíi səʼsí wíri fó Jerusalem mo wìr sə̀ʼsí meŋkfəŋ fo kighin bey, e bìnèr, e kfə̀tì.

Ŋwàʼ Fəə 15:12

Wò‑oò nàn kóy wó yìyí, nsay mèy aŋgaà vér vibàn.

Jeremia 15:6

Vèn mèŋ ne mo, e bìn ndzə̀m e mò. M wíy màʼ kiwó kém, e ghar ven shó, e laàr. M dòr ne, yòʼ dzə̀ m dzə́ə a ker mendzən fo vèn. Kù suuy mo woo Nyùy Tàr.

Esiker 6:14

Á mo m wíy lì vitaáví vém, e kìʼ áwune shó, e siìr woŋ wóv é vifə̀m, é wú lay kisáŋ. M kù wíy yiì bèy virə́ʼ vidzə̀m fo áwune dzə̀kìn, e kèʼ fo woʼ yeé tsən, e dù, e bàʼ e ŋkàlaʼ yee Ribla e mbìv yee kuy. M yii bèy, aáwune nèn kìíy ji m dzə̀ á Nyùy Tàr.»

Esiker 25:7

Bìʼ bey, m màʼ ne kiwó kém, e ghàr ven shó, a m lo fo, é vitúm vi ton, e sòr. M yíi bày ven fo wírí wùn, e màʼtì, é vèn reŋ, e lày fo vitúm ví mvəm. M yíi laàr ven ŋkuuŋkùŋ, é vèn nèn kìíy ji m dzə̀ á Nyùy Tàr.»

Tsəfaniya 2:11

Nyùy Tàr wíy lovtí aáwune, aá wáa yàʼ, a fàn. Wù wíy laàr anyùy ve wíri ghvə́m e nsay adzə̀m, é wìr dzə̀m wìy a ghvəm a dzə̀ wun woo Nyùy Tàr. Á wíy a ghvəm wun virə́ʼ vidzə̀m, kitúm kitúm, aáwuné nsay.

Tsəfaniya 2:13

Ké wòŋ woo Assiriya, wo wú dzəə̀n é mbìv taa, Nyùy Tàr wíy màʼ sa ŋgeʼ e woŋ və̀né kitu, e laàr. Ŋkàlaʼ Nineve wíy kfən e vifə̀m, fóo wíy yum, e kfən ji wóʼ.

2 Afòn 23:12

Fòn Josia kfə̀n‑eè kètì kíy se cù se afon veé Judàa‑aà bomen é kikfəv ke lav yee fó yuv fo Fòn Ahas‑iì shiiyì, e kfə̀n kètì sa kíy se cù se Fòn Manasse‑eè bomen é maàndzə see sibaà see Nyùy Tǎr lav. Wù kètì bèy, e bvə̀ʼtí, e màʼày vimbvə́ʼ e Kiwoóy ké Kidron.