Tsəfaniya 1:3 - ŊWÀʼ NYÙY

³ M wíy laàr wíri, e laàr nyám si. M wíy laàr menə́n, e laàr sə́ si. M wíy laàr wír ve á méŋ mo, e səʼsí wíri fó kitu ke nsay sə́ʼsín. Suuy mo woo Nyùy Tàr.

Tsəfaniya 1:3 Referans Kwoze

Hosea 4:3

Bìʼ bey, nsay yùm ne, a dzə e nsòv, a kifá kidzə̀m ke kí dzəə̀n shó ki wèʼ ne wéʼen. Nyám sidzə̀m wùn à menə́n mè, à sə́ si ló kpukír.»

Esiker 7:19

Á wíy shwèy *kisha ke mbàm ke baar kí, à ke fəvír kí é màdzəə̀ moo kifá ke *kifàn kí bey. Bó kisha ke mbàm ke fəvír kí, à ke baar kí yòʼ wíy sə wír e kishiíy ke dòʼshwiiy Nyùy Tàr wíy koʼ. Bó yòʼ dzə̀ áwune wìy lùŋ fo fo, kìn ji áwune yún kifá sho, e tòm vitó sho. Yì‑iì lèvtí vifá vìn áwune, é bo á buʼti vinyo.

Ŋgaà Yen 2:14

Yii bèy, a vinyo vímóʼ ví dzə̀ shó ve vèn yii, la ví yòʼ a gheén mo. Wír ámóʼó dzə̀ e věn mvəm ve á yii vinyo, a dzə̀ ve Balaam‑eè yii. Wù‑uù táŋ mo dzə̀ Fòn Balak yiì, e bóo màʼ wír veé Isray. Wù‑uù din sho mo dzə̀ wù lèvtí wír veé Isray, aá wáa dù e virə̀ʼ vé anyùy, a yikír fo, e kfə̀n a jàŋ kinjàŋ.

Matio 23:39

A m suuy e vèn jii, bó vèn yòʼ dzəə́ wìy yen mo, e dù, e meé e ghan se vèn wíy a ndzəʼ jii, ‹Nyùy Tàr ku səə̀vì wír wo wù wiy e wùn yir.› »

Sekariya 13:2

Nyùy Tàr woo Taà Mànjòŋ kfən sùúy jii, «Wíy lòo dzə e kishiíy fóo fèy, é m laar kinyo ke mebvə̀m fo nsay foo fèy, é la á yòʼ dzəə wìy a kuumé. M wíy laàr sa aŋgàa ntum kimboʼtì, e laàr kiyoy ke kí bánri áwune, aá yii joonè.

Hosea 14:8

Wír veé Isray, m yòʼ kfə̀n kér fó wìy yu kinyo kímóʼ kí ji mebvə̀m me vèn ghvə́mé. Dzə̀ mo wo m yú bunrì yén, leey fo vèn. M dzə̀ moo kicí ké dzəʼə̀y ke kí teʼ, boʼrì ghán sidzə̀m, kiŋsìn ven. Kisəəvì kén kidzə̀m ki kù lo a dzə̀ fo mò.»

Hosea 14:3

Yòʼ dzə̀ wír veé Assiriyàa bòyìr ver, a vèr yòʼ yíi a koʼ nyám se ŋkoʼ, a yòy, a tiír sho. Vèr yòʼ dzəə́ wìy yòŋ mebvə̀m ji nyùy wor, vifá, a fer ver e wó yérí. Rúrú, Nyùy Tàr, kù dzə̀ wò wo à shám mendzən me wón tsə̀.»

Jeremia 12:4

Nsay wíy yum, e dù, e meé e le? Jíyí wíy kpu, e dù, e meé e le? Nyám si wùn à menə́n mè kpùkír ne, e mày, a dzə̀ bìʼ liì kisaŋ wìr ve á dzə́ e nsay fèn, suuy jii, «Nyùy yòʼ yén vinyo ve vèr yii.»

Aysaya 27:9

Rám Jakovi‑iì du bèy ji á fiʼ làʼ njò ye á kér wùn à Nyùy. Nyùy Tàr wíy lòo jì ji wù wáa sù njò yev ŋkuuŋkùŋ, aáwune ku nèn bvə̀ʼə́y sə́y se kiy cù anyùy kisaŋe, e gwàtì wúr sé nyùy woo *Ashera, e kètì virə́ʼ ve á ton kiláy, yii cu sho, a bó kfəʼ kifa feyì yòʼ wíy gòʼ, a tiy.

Esiker 44:12

Mo áwune‑eè duùn ne, e tsəə̀né wír veé Isray, á nəə́ é jay, a ghvəm mebvə̀m, bo m kan, kér kiwó e yuv, liʼì, ji áwune kù wíy a beʼ a ŋgeʼ vinyò vév ve bi ví.

Matio 13:41

A kí dzə̀ jii, ŋgaà wo yírí dzəə̀n Wanwìr wíy tum nshèelav sə́, é sí tar wír ve á yii vinyo ve bi ví, kfə̀n báyir wír ámóʼó, aá yii sa bèy. Á tarì, aá nèn fə̀ə́r fo wùn mvə̀m saʼ,

Aysaya 6:11

M nen dzə̀r e Nyùy Tàr jii, «Nyùy Tàr, kí wíy koóy bèy, e dù, e meé e le?» Nyùy Tàr bínér e mò jii: «Kí kù wíy a dzə bèy, e meé mo ŋkà se laʼ seé Isray si wíy dù e vifə̀m, a tiynín kisáŋ, a wìr yòʼ dzəə́ kum fo, e meé mo lav sév sí wíy kwiíy, a wìr yòʼ dzəə́ shiiy sho, a nsay sí tíy kisáŋ ji ŋkfə̀ŋkìkì.

Aysaya 6:12

Kí kù wíy a dzə bèy, e dù, e meé mo m wíy fəə́r wír veé Isray fo áwuné nsay, e fəə́r bèn, e tsənsí, aá du, a dzə kwaʼda, é yéev yee nsay siíy, e gòʼ, a tiy e vifə̀m.

Jeremia 9:10

M nèn yòŋ jii, «M yíi a toŋ, a dìy bìʼ agwan, a yòv lúŋ kpu bìʼ vitsəə̀m vé nyàm veé woʼ. Fóo sì e ghá, a bó wìr yòʼ kfə̀n shaa fo, a bó á yòʼ kfə̀n yú tóŋ nyàm. Menə́n wùn à nyám si lèʼkír ne, e lày.»

Jeremia 50:3

Kitúm ki wìy ne fo mbìv yee kuy, kí wìy ne, e taàmé Babilon. Dzə̀ kitúm ke kí yíi laàr fó. Wíri wíy tumnín fo fo, e leʼkír, à nyám si shó, a bó kifá ki yòʼ kfə̀n wíy a kùm fo.

Kèʼlo 6:7

Bìʼ bey, Nyùy Tàr nèn sùúy jii, «M yíi laàr wír wo mò‑oò bomen é kitu ke nsay, e tatí wùn à nyám si, à vifá ve ŋaŋrìn ví, à menə́n mè. M kér mendzən ji mò‑oò bòm vifá vìn.»

Jeremia 7:20

Á bèy, mo woo Nyùy Tàr woo Taà Ndzə nén a yòŋ jii, dòʼshwíiy wom yíi koʼ bìʼ kirə́ʼ kin, é m maʼ ŋgeʼ e wìr msǒŋ kitu, e màʼ e nyám si, e màʼ e vicí vee fó vi, e màʼ e vifá ve ví kúy e nsay foo fèy vi. Dòʼshwíiy wom wíy a shwi moo və́y wo bó yòʼ dzə̀ wú ndzə̀mén.»