Tsəfaniya 1:16 - ŊWÀʼ NYÙY

¹⁶ Á wíy a toŋ sóŋ rər, a rəəmé, a kètì kay se á bomen, e kaàrí láʼ sho, a bvəʼtí virə́ʼ vé ŋkiy veé kor se kày.

Tsəfaniya 1:16 Referans Kwoze

Amos 3:6

Aá tòŋ sóŋ rər é ŋkàlaʼ, la wír vee fóo yòʼ a fàn à? A dzə̀ kinyo ke tavín kí kòóy é ŋkàlaʼ, a bó yií Nyùy Tàr á?

Hosea 8:1

Nyùy Tàr suuy jii: «Tóŋ sóŋé, aŋgàa vibàné sí ghíʼ nsay Nyùy Tàr, ghíʼ moo lùŋ wo wiy wo wù féŋ, giimè kifá. Dzə̀ bìʼ fo wír vémé bivirin ne *mensaŋ mem, e tèn fó a yunín yéʼéy yém.

Aysaya 32:14

Rúrú, á wíy màʼày ntoʼ yev, é yì kfə́n é vifə̀m, é màŋgòŋ sám fó ŋkàlaʼ. Virə́ʼ vév ve tavkín wùn à vé ŋkiy vi wíy kfən ji mbvə̀ʼ fo nyám si dzə́, a kù wíy a dzə mbvə̀ʼ yev bey ntàmda. Dzə̀ fó, fo vimbèʼbìy veé kwaʼ wùn à nyám seé laʼ si wíy a yikír, a yu vijuŋ.

Habakuk 3:6

Nyùy lóo ghan, tiimè, nsay sə̀ʼ. Wù maʼ sí, leey vitúm, ví wàa yàʼ, virùmèn vi wàa kèrkìr, agwane wàa keèsì, a kfən e mboʼ. Á kù‑uù sì fó yàŋgùʼ, a dzə́ə sé wun woo Nyùy si kù wíy a dzə, e dù, e jòʼsì.

Hosea 5:8

Nyùy Tàr suuy jii: «Á tóŋ á sóŋ rər é Gibea, e bùʼ shirəə́ e Rama, a koʼór kiyor e Bet‑Aven. Éè vilum veé Benjamin, vèn ku fəə̀ é shùu rər.

Jeremia 8:16

E ké ru kí, nyám se ŋkoʼ se aŋgàa vibàn vér sí sì, a sí yoysìn fo mbìv Dan. Lúm sév sé nyàm si tóŋé, virə́ʼ ví sə̀ʼsì. Aáwune sí nəə, e fòr nsay yer, e fòr kifá kidzə̀m ke kí dzəə̀n shó. Á sí nəə, e fòr ŋkà se laʼ sér, à wìr dzə̀m wo wù dzə́ fo.

Jeremia 6:1

«Ven vee wír veé Benjamin, wìr wáa leʼ, e kitú kfə́ kí. Vèn léʼ, e fəə̀ fó Jerusalem. Vèn tóŋ sóŋé fó Tekoa, e bùʼ shirəə́ fo Bet‑Hakkerem. Ŋgeʼ ye tavín lo, e wìy fo vitum veé mbìv yee kuy. Rə́mrə́m kinyòo lo, e gbù.

Aysaya 59:10

Vèr kù sí ghaa wún lav moo mfìr, e bó a ghan, mumrì dzə́ə múmrin moo alàsí. Lóo dzə e ntìntìn shùy, vèr wàa ghan, a bàyrìn, kù moo ji sì é meraaràŋ. Vèr kù sì e wír ve tavkíné mvəm moo aŋkfəsày.

Remrí 28:52

Á wíy sùm ven e věn ŋkà se laʼ sidzə̀m, kù bey, e meé mo vikum ve kày vén ve vèn yoy, tiir sho vi wíy səy, e mày. Kí kù wíy a dzə bèy e věn ŋkà se laʼ sidzə̀m, a dzə bèy, woŋ wón e dzə̀m, wúwun wo Nyùy Tàr woo Nyùy won foon ne e vèn.

Aysaya 27:13

Kishiíy kin ki wíy gheén, aá tóŋ loŋ kiyaʼ, e nèn baʼtí wír ve vé‑eè màʼàyìn, á láy e nsay Assiriya, e kfə̀n baʼtí ve vé‑eè fəərin, e dù sho e Ejiv, aá wiy adzə̀m, a sùyrì Nyùy Tàr é Jerusalem, e wun gwan wo ranén.

Joel 2:1

Vèn tóŋ sóŋé é Sion. Vèn búʼ shirəə́ shi e mǒ gwan wo ranén. Wìr dzə̀m wo wù dzə́ e nsay Juda wáa yàʼ, bìʼ fo kishiíy ké Nyùy Tàr kí sí wiyì, a kí sí méʼ fo mentsə̀m.

Joshua 6:20

Á bèy, mo atàá cùu tóŋ sóŋ, wíri nèn bùʼ shirəə́, káyi nèn keèsì. Vé rər adzə̀me kóʼ, e nə̀ə́ e ŋkàlaʼ kàŋ mòʼón, e sə̀.

Esiker 7:7

Lòné shòʼ ne ven ben, ven ve á dzə́ e wòŋ fèn. Ghán sí ghèén ne. Kishiíy kí sì fó mentsə̀m, kishiíy ke wíri wíy a fàn, a buʼ shirəə́, a bó à yòʼ wíy a yu, aá maʼ kinseŋ fo agwan.