Tsəfaniya 1:12 - ŊWÀʼ NYÙY

¹² M wíy sə̀ʼtì vikaʼày é ghan see shooy, e kàʼày Jerusalem sho. M wíy màʼ ŋgeʼ e wír ve á yí a dzə̀ vitú véví, yí bèy, suuy fo áwuné bvəm jii, ‹Nyùy Tàr yòʼ kér kinyo kée yiì e vèr, kìn ke juŋ ki, kìn ke bi kí.›

Tsəfaniya 1:12 Referans Kwoze

Amos 6:1

Lòné dzə̀ wó wìr veé Sion, áwune ve á yén ji vinyo vév ví ghán e mboʼ. Lòné dzə̀ wó wìr ve á dzə́ e Gwan Samaria, áwune ve á yén ji á dzə̀ akiŋsìn, atǎr saʼ veé kitum ke mbìy ki féyì feyì, áwune ve wír veé Israyi yoy, tiir a dzə̀ aáwuné wùn.

Jeremia 48:11

Moav kù‑uù rə́si dzə́ e kiŋsìn e kèʼ fo meterí, aá yòʼ‑oò yiì ne koò áwune, e dù sho e kwaʼ vikwàn. Moav dzə̀ moo meluʼ me á tiirin ji mè bíy kitém kimòʼón, meluʼ, aá yoʼ kùvsín kitém, a mè koó mejuŋ, a kirəm kfə́ kí yoʼ kùvsín.

Esiker 8:12

Wù nèn yòŋ e mò jii, «Wàn wìr msòŋ, kí à yén kinyo ke vilìmbìy ve wìr veé Isray vi yii fo mesənér.» Wìr kù‑uù bár e wun wàn lav fo shibvə̀m she wù ghvə́m shi dzəə̀n, aá kù sévti jii, bó Nyùy Tàr yòʼ yén ver, Nyùy Tàr màʼày ne nsay rə̀n.

Esiker 9:9

Nyùy bìnèr e mò jii, «Njò wìr veé Isray wùn Juda kùʼ ne e ŋàŋ. Woŋe sì mensə́ mensə́, a ŋkàlaʼ kù sì yíi kisaŋe e dzə̀m. Áwune yoŋ ji Nyùy Tàr màʼày ne woŋ və̀n, a bó wù yòʼ dzəə́ yén áwune.

Nsùyrì Nyùy 94:7

«Nyùy Tàr yòʼ yén kinyo ke vèr yii. Wun woo Nyùy wìr veé Isray yòʼ gwarìr kinyo kér.»

Ŋgaà Yen 2:23

bo m kù yíi màʼ yàsí aàŋgaà və́ ŋgoó wùn adzə̀m, aá kpúkír. M yii bèy, é vintatì vidzə̀m vi nèn yèn rú ji dzə̀ á mo, wo m kiìn vinyo ve ví dzəə̀n e wìr bvə̀m, e kfə̀n kìíy ve shilív shé ŋgaàŋ shi tíy sho. A m wíy a yiì kinyo e wìr, a dzə̀ mo ŋgaàŋ‑eè yii.

2 Pita 3:4

Aá wíy a kèŋ ven kéŋen, a dzər jii, Kristu‑uù kàʼ ji wun wíy kfən, wù bèé lèn? Mo wù‑uù kàʼàn bey, atàr vesəné sìíy ne, e kpùkír, a vinyo vidzə̀m vi kù tíy e ŋkfə́né, a bó kímóʼ kí yoʼ kùvsín, e kèʼ mo vé‑eè bomen ndzə.

Obadia 1:6

«Vèn yén búʼú mo ashóŋé suùn rám Esav. Vèn yén mo á yèrìn kéŋ yév.

Jeremia 10:5

Mebvə̀m mev mè dzə̀, a mè tíy moo vibámmbó veé súm bòʼ, á bó yòʼ dzə̀ mè sùŋnín. Á lo, á kù bèʼèy bèʼèyìn, a bó yòʼ dzə̀ mè ghàn. Lá vèn yòʼ a fàn, yòʼ dzə̀ mè yiì kinyo e vèn, kìn dzə̀ ke juŋ ki, kìn ke bi kí.»

Aysaya 5:19

Lòné dzə̀ wó wìr ve á nye lám jii, «Nyùy Tàr ku yiì o kinyo ke wù taʼ ji wun‑éè yii. Wù ku yiì rì cér, é vèr yén ó. Wun woo Ŋgaà wo Ranén woó Isray, wù ku lìm kinyo ke wù‑uù baʼtin, é vèr yén ó.»

Nsùyrì Nyùy 14:1

Wír ve á ŋwáy Nyùyi yoŋ fo shiliv jii, «Nyùy yòʼ dzə̀.» Á yoŋ bèy, kuvrì kiŋkùvrì, buʼtì vinyo ve ghaʼtín ví, fə̀m wír e mòʼón wo wù yii yii ye juŋe yòʼ dzə̀.

Ŋwàʼ Jov 21:15

Á té lám bey, ŋwáy jii, ‹Nyùy woo Ŋgaà Vitaàví Vidzə̀m dzə̀ la, é bo vèr wáa ghvəm wun? A vèr lò, a bùnrì wun, bo séʼ wor yíi a dzə ka?›

Esiker 9:4

Nyùy Tàr suúy shó jii, «Nəə́, e tòʼnín ŋkàlaʼ Jerusalem, e dòn kisəəm kí e wìr dzə̀m yírvishi, wo wù leey vinyo ve koʼoyín ví ve á yii e mvəm wó, a wù leey, diyì, shwémkirì.»

Malakay 2:17

Vèn kòr ne shilív shé Nyùy Tàr e kisúŋnìn kén kí. Yii bèy, vèn nen kfə̀n lò, a dzər jii, «Kee shooy ki kòóy e ghàn ka?» Vèn dzə́r bèy, a jay won dzə̀ kisúŋnìn kén kee jii, ŋgaà yiì vinyò ve bi ví dzə̀ wo wù dzəə̀n kiránén e Nyùy Tǎr si, a wun woo Nyùy Tàr shéʼri wír vee bey. Vèn kfən lò fo fo, a màʼ lám jii, wun woo Nyùy wo wù tínen vinyo e nsànloŋ bèé lèn?

Nsùyrì Nyùy 10:4

Wír ve á méŋ Nyùy vìne ŋaʼ e ŋàŋ, a bó á yòʼ kfə̀n taʼ Nyùy gheéy. Á kù sí yii vinyo vév ji bó Nyùy yòʼ dzə̀.