Tsəfaniya 1:11 - ŊWÀʼ NYÙY

¹¹ «Ven ve á dzə́ e ŋguùŋè wày, vèn wáa dìy. Wónlě way véné dzə̀ ben adzə̀m, aá kpùkír ne. Á wíy laàr wir dzə̀m wo wù binèr mbàm e wo.

Tsəfaniya 1:11 Referans Kwoze

Jeem 5:1

M nén a suúy kinyo kímóʼ kí lèn a dzə̀ e vé bùʼu. Vèn wáa dìy, a ghèʼsìn. Ŋgeʼ yíi gbù e věn kitu.

Esiker 21:12

Wàn wìr msòŋ, á toŋ, a dìy. Nyùy rə̀n dzə̀ ye yì yíi laàr wír vém. Yì yíi laàr vilìmbìy veé Isray vidzə̀m. Á wíy tatí wùn à wír vémé adzə̀m, e laàr. Á bèy, kú a dzə̀vtì vikàkàŋ vé vi.

Jeremia 25:34

Nyùy Tàr suuy jii: «Ven vee anshìy wìr vém, vèn wáa toŋ, a dìy. Ven ve á sáʼ wír vém, vèn wáa dzəŋrí e kibvə̀r. Ghán se á yíi seerí ven sí ghèén ne. Vèn sí yìi gbù, e bvəʼkír moo kíŋ mbóm ye tayíné.

Joon 2:16

Wù kfə́n a kàntì wír ve vé‑eè fiinè vibìŋ jii, «Vèn shaʼar vifá vìn bèn, e fəə̀ shó. Lá vèn yòʼ bìnèr lav Tàr wor ji kirə́ʼ ké way.»

Joel 1:13

Ven vee atàá cù, vèn maʼ ndzə̀y sé kpu si, a dìy. Ven ve á lim e kiy cù, vèn wáa toŋ, a jeetí. Ven ve á cu Nyùy wom, vèn maʼ ndzə̀y sé kpu si, e dù, a dìy vitsə́ʼ vifur. Vèn wáa dìy, bìʼ fo cú vifa ve yii yòʼ dzə̀ə́, a yé melùʼu sèéy ne. Á yòʼ dzəə́ yii cu e Nyùy wón lav.

Joel 1:5

Éè amfoòkìnó, vèn yimen, a dìy. Ven vee anomèlùʼ, vèn wáa toŋ, a jeetí. Tútúʼ wo á fer meluʼ sho yòʼ kfə̀n dzə̀ə́. Meluʼ me fíy me vèn koŋ a no mè bùú ne.

Hosea 9:6

A vèn fèn lèʼ, fo wír veé Assiriyàa laar ven, bo wír veé Ejivi kù‑úù báʼtí ven, e yùyrí. Yúyri, é wír veé Memfisi dzəəme. Vimbìn ví wíy fəə, e sətí bùʼ won, é vitiír vé njoŋ vi wáa tèʼ láʼ sén sidzə̀m.

Jeremia 4:8

Bo dzə̀ ji vèn kúr vinsàʼ ve ndzə̀y ví, a toŋ, a dìy. Nyùy kù dzəə́ shwiiy kilòŋ vèsən áwune é ŋàŋ.

Ŋwàʼ Jov 27:16

A wìr wo wù méŋ Nyùy fə̀m bàʼtí *kisha ke mbàm ke fəvír kí é shintuʼ, e yàvtí ndzə̀y, sí wáa fum fumén,

Ŋwàʼ Jov 27:17

a wù fə̀m yàvtí e le, bo kù wíy a màʼ wír ve á yú Nyùy, áàlànjòó jav kisha kfə́ ké mbàm ke fəvír kí.

Tsəfaniya 2:5

Ven vee wír veé Filistia, ven ve á dzə́ e ŋguùŋè rìbà ndzə̀v, lǒn Nyùyi shòv ne ven. Woŋ Filistia e nsay wìr veé Kanan, vèn gbù ne nsaʼ Nyùy Tàr. Nyùy Tàr suuy jii, «M wíy laàr ven, é la wìr yòʼ bèr.»

Sekariya 14:21

Kíŋ e dzə̀m yeé Jerusalem wùn à yeé Judàa wíy a dzə jeéy ji yé Nyùy Tàr woo Taà Mànjòŋ. Wìr dzə̀m wo wù wíy a wìy ji wù yii cu, wíy a lì, a naá nyam cù sho. Ghán sin si wíy gheén, é la ŋgaà wày yòʼ dzə́ə a dzə e Nyùy Tàr woo Taà Mànjòŋ lav cù, a kavnín wáy.