Tsəfaniya 1:10 - ŊWÀʼ NYÙY

¹⁰ Wíy lòo dzə e kishiíy kee shooy, é tóŋe wáa koʼ fo shùu kày wo á yoŋ ji wó sə. Shirəə́ shi wíy a koʼ fo mvə̀mlaʼ ye fíy, aá wáa yu kiléŋléŋ ké lav se sí keesì fo gwan. Suuy mo woo Nyùy Tàr.

Tsəfaniya 1:10 Referans Kwoze

2 Wòŋ 33:14

Ghán sí lòo koʼtí, Manasse kfən bàʼrì kay yeé Ŋkàlaʼ Davir yee fó ndzə, e kèʼ fo ghaa ntòŋ ndzə̀v yee Gihon, fo mbìv ye yì kiʼ fo shùy yii nəə, a koʼ koʼón é kiwoóy, e dù, e mèé e Shùu Kày Sə, e kfə̀n dù, e kaàrí gwan Ofel. Wù‑uù dzə̀sì vida ve kày, yí dár é yuv é ŋàŋ féyì. Wù kfən lèm sa amfòómé é ŋkà se laʼ seé Juda see vikum sidzə̀m.

Amos 8:3

Kishiíy kin ki wíy gheén, é vikìy ve á yov luŋ e ntoʼo wáa toŋnín, a shèŋ kitú. Dzə́n sé wíri sí wíy a neŋnín virə́ʼ vidzə̀m, a bó à yòʼ dzəə́ yú kikwe ke kifa.» Suuy wun woo Nyùy Tàr woo Taà Ndzə.

2 Afòn 22:14

Á bèy, Hilkia woo taà cù wùn à Ahikam, à Akbor, à Shafan, à Asaya nèn dù, e yèn Hulda woo *ŋgaà ntum Nyùy, a wù dzə́ e mbìv Jerusalem ye vé‑eè bàʼrìn e fíy. Lum və‑əə̀ dzə̀ Shallum wo wù‑uù leey fo ndzə̀y sé atàá cù si. Shallum və̀n‑eè dzə̀ wan Tikva, Tikva woo wan Harhas.

Nehemia 3:3

Kfə́ə Hassenàa‑aà bòm Shúu Kày Sə. Áwune‑eè bòm, e wàyrí aŋkoytì wùn à shuu si mo sí‑iì dzəə̀n, e wàyrí mfìn si wùn à kóŋ sí.

Tsəfaniya 1:15

Wíy a dzə kishiíy ké dòʼshwiiy Nyùy Tàr, kishiíy ké ŋgeʼ wùn à ké nyar ki, kishiíy ke á wíy bivír vifá, kishiíy ke wíri wíy nəə́ e kilày. Wíy a dzə kishiíy ké ndzə ye sənér, wíy a dzə kishiíy ké nsòvkìtu, kishiíy ké mbàʼŋkfəə́mé, kishiíy ké ndzə ye yì sə́n ji cùm.

Tsəfaniya 1:7

Vèn lem nyaáŋ e Nyùy Tàr woo Taà Ndzə si. Kishiíy kfə́ ké nsaʼ ki sì fó mentsə̀m. Wù bàʼtí ne wír və́ moo nyám se cù, e bì aŋgàa vibàn vév ji á wiy á, e seèrí.

Jeremia 39:2

Kiyá ki meé ji nshòv mòʼón e ghvə̀m mo Tsədekiya‑aà saʼan ne vifon, á nèn bvə̀ʼ kay yeé ŋkàlaʼ, e tòsín, e sùm fó. A yì‑iì dzə̀ é kishiíy kee bvə̀ʼə̀, e ŋwee woo kweè.

Jeremia 4:31

M yú tóŋ moo yé wiíy wo wù lúm wán. M yú dzəm moo yé wiíy wo wù jonsì wán və mfùmèn. Dzə̀ tóŋ ŋgònjuù yee Sion, mo yì yoysìnè. Yì ramsì kiwó, suuy jii, «Lòné shòv ne mo. M gbù ne e vé kinjuyrìí wo, aá sí lo, e yuy mo.»

Aysaya 59:11

Vèr kù sí kónsi kònsín, diy dìyìn. Vèr taʼ feyì ji bo á kì kwàŋ kinyo kér é nsànloŋ, a kí yòʼ kooyì. Vèr diy feyì ji bo Nyùy kì bòyìr ver, yii bèy, a wù yòʼ boyìrì.»

2 Wòŋ 32:22

Á bèy, Nyùy Tàr nèn bòyìr Fòn Hesekiya wùn à wír ve vé‑eè dzə́ e Jerusaleme fo Sennakeriv woo fon woó Assiriya kiwo, à fo aŋgàa vibàn vév ámóʼó kiwo, e nèn yiì, áwune wáa ker rəsìn mbìv sidzə̀m.

2 Wòŋ 3:1

Á bèy, Fòn Solomon nèn kèʼ, a bàʼrì lav cù Nyùy Tàr é Jerusalem, e gwan Moria, fo Nyùy Tàr‑iì fəəsin e Davir woo tàr wóv si. Wù‑uù baʼrì a dzə̀ é kirə̀ʼ ke Fòn Davir‑iì dìnèn, fo riímé Arauna woo wir Jebusi‑iì dzəə̀n.

2 Samuel 5:9

Mo Davir tònèn ŋkàlaʼ yee shooy, e bìnèr yír ji Ŋkàlaʼ Davir, e nèn a dzə fo. Wù lò, e bòm gháŋ si, e kaàrí, e tàr, e kèʼ fo vé‑eè wayin a dzə̀ nsay ye wayín é wǔn gwan, e mbìv ye shùy yii tó fo fo.

2 Samuel 5:7

Yii bèy, Davir ku yòʼ tòn ŋkàlaʼ yee Sion rə̀n ye á bomen, yì táv, e bìnèr yír ji Ŋkàlaʼ Davir.

2 Wòŋ 34:22

Á bèy, Hilkia wùn à wír ve fòn tumené nèn dù, e yèn Hulda, a dzə̀ *ŋgaà ntum Nyùy woo wiíy. Wù‑uù dzə́ e Jerusalem, e mbìv ye vé‑eè bàʼrìn e fíy. Lum və‑əə̀ dzə̀ Shallum wo wù‑uù leey fo ndzə̀y sé atàá cù si. Shallum və̀n‑eè dzə̀ wan Tokhat, a Tokhat dzə̀ wan Hasra.

Nehemia 12:39

e shaà, e dù e Shùu Kày Efrayim, e dù e Shùu Kày Jeshana, e shaà, e dù e Shùu Kày Sə, e kfə̀n shaà, e dù e Kirùmèn ke Hananel, e shaà, e dù e Kirùmèn kee Wiì, e shaà, e dù e Shùu Kày Njiì, e nèn wìy tìím e Shùu Kày Anshìy.

Esiker 6:13

Áwune wíy kiíy feyì ji dzə̀ mo Nyùy Tàr, a vimkpú ve wíri ví néŋnin wùn à mebvə̀m mev mè, e ghaŋ se kiy se cù, virə́ʼ vidzə̀m fo vé‑eè ton kiláy, cu mebvə̀m mev shó. Á kù wíy a neŋnín bèy aàŋkoŋ adzə̀m, a neŋ e vitu ve agwan adzə̀m, a neŋ e sar se vici ve rəŋsìn ví vidzə̀m, e lì vicí vé *terebint vidzə̀m.