Tsəfaniya 1:1 - ŊWÀʼ NYÙY

¹ Rə̀n dzə̀ ntum Nyùy Tàr ye wù‑uù tumen Tsəfaniya sho e ghan se Josia woo wan Amon‑eè dzəə̀n fon woó Juda. Tsəfaniya‑aà dzə̀ wan Kushi, Kushi woo wan Gedalia. Gedalia‑aà dzə̀ wan Amaria, a Amaria dzə̀ wan Hesekiya.

Tsəfaniya 1:1 Referans Kwoze

Jeremia 1:2

Wáa dzə, a Fòn Josia woo wan Amon sáʼ ne e Juda kiyá nshòv sitaár e ghvə̀m, Nyùy Tàr lò, e sùŋnín e Jeremia.

2 Pita 1:19

Mo vèr yenen bey, vèsən nèn màysì, e kìíy mo vinyo ve aŋgàa ntum Nyùyi‑iì fiʼtì vi dzəə̀n. Kí nen bòŋ ji vèn yuúrí vinyo ve áwune‑eè fiʼtì vìn vidzə̀m kijuŋ. Ví dzə̀ moo kikaʼày ke kí kaʼày ven, e meé e ghan se ndzə yíi ran, é Jesus kfə́n moo sàŋ wo wù lo fo tsən, ndzə nèn ràn. Wù kfə́n bèy, é melív men mè nèn yèn rán.

Hosea 1:1

Vinyo ve ví dzəə̀n é ŋwàʼ fèn vi dzə̀ ve Nyùy‑iì lo, wù sùŋnín e Hosea woo wan Beeri, e tiìsí sho. Wù‑uù kèʼ, a suŋnín e wun e ghan se Ussiya‑aà sáʼ ji fon woó Juda, e kù a suŋnín e Jotam ghan, a suŋnín e Ahas ghan, e kù a suŋnín sa e ghan se Hesekiya‑aà sáʼ Juda. Ghán sin si‑iì dzə̀, a Jeroboam woo wan Jehoash sáʼ mbìv wòŋ yee kuy ye dzəə̀n ji Isray.

Jeremia 25:3

«Sì lèn viyá nshòv sitaár e mbaà mo Nyùy Tàr kù tiísi kinyo kfə́ e mò. A wù‑uù kèʼ, a Fòn Josia woo wan Amon sáʼ ne e Juda kiyá nshòv sitaár e ghvə̀m. M ku nèn a fìʼtì ntum Nyùy e vèn là yar, e wìy meé lán, vèn ku tèn fó yu.

2 Timoti 3:16

Kinyo ke kí dzəə̀n é Ŋwàʼ Nyùy kidzə̀m ki lò a dzə̀ fo Nyùy. Kí nén a dzə mo dzə̀ á lì, e yèʼéy wír sho, a tir wun tírín, a naàrì ajay və́, a dìn mo dzə̀ wù wàa tiír kiwúu kfə́, a ghan mo Nyùy koŋè.

2 Afòn 21:18

Fòn Manasse‑eè lày, á lìtì wun e kiboo ke kí kù‑uù dzəə̀n é shweesí woó ntoʼ, aá yoŋ ji ké Ussa. Amon woo wán və nèn yì vifon, a saʼ e wun ntaʼ.

2 Wòŋ 33:20

Fòn Manasse‑eè lày, á lìtì e ntoʼ, wan və woo Amon nèn yì vifon, a saʼ e wun ntaʼ.

Jeremia 22:11

Nyùy Tàr súŋnin kùm Joahas woo wan Fòn Josia, wo wù‑uù yiin ntaʼ tàr wov, a saʼ ji fon e Juda, á koó, e dù sho. Nyùy Tàr suuy jii, «Bó wù yòʼ dzəə́ wìy kfən e bàm gheéy.

2 Afòn 21:26

Vé‑eè lìtì Fòn Amon e wun fəm wo wú‑uù dzəə̀n e Ussa kiboo. Wàn Amon woo Josia nèn kù a saʼ e wun ntaʼ.