Remrí 26:3 - ŊWÀʼ NYÙY

³ Wìr du sho, é wù yén taà cù wo wù lim e ghan fó, e yòŋ sho jii, ‹M tuúne e Nyùy wóm si e kishiíy ké lán ki jii, m nə̀ə́ ne e nsay ye Nyùy Tàr‑iì kàʼàn atàr vér ji wun wíy fo e vèr.›

Remrí 26:3 Referans Kwoze

1 Pita 2:5

Vèn wiy ri fo Nyùy, é wù li sá ven ji tíy, e bòm lav rə ye Kiyoy kfə́ kí wáa dzə sho, é vèn wáa dzə atàá cù wun woo Nyùy, a yu a dzə̀ fo Jesus Kristu, a lìm fo Nyùy shilív shidzə̀m, é wáa dzə cu ye wù koŋ ji dzə̀ wír vəə́ wàa cù wun sho.

Hibru 13:15

Vèsən ku nèn a tiy e Jesus wùn ghán sidzə̀m, a burí Nyùy, é wáa dzə cu ye wír ve á yoŋ yír rəə́ cu wun sho.

Hibru 10:21

Mo vèsən sí kér taà cù wòsən wo kuʼùn wo wù leey fo kfə́ə Nyùyi e dzə̀m,

Hibru 7:26

Wù nen ghèén feyì e taà cù wo kuʼùn wo dzə̀ vèsən wàa ker, e bóo fíʼ lùŋ. Wù kù dzə̀ kfə́ ji wir Nyùy cáʼ, a bó wù yòʼ kér njò yìmòʼ gheéy, a bó shilóm shi yòʼ dzə̀ é wùn wó gheéy shishàr, e bó a dor. Wù tíy kfə́ jeéy fo wíri adzə̀m, bìʼ fo áwune dzəə̀n aŋgàa jay. Nyùy kfən lì wun, e kòʼór e ntoò yùv.

Remrí 19:17

bo á li wír vee abaà ve á kér melaà, e wìy, e tiír e Nyùy Tǎr si, áàtàá cù wùn aàkwàŋnsaʼ ve á sáʼ e ghan fóo fèyi tar.

Kèʼlo 26:3

Kú a dzə e wòŋ fèn, é m wìy a dzə wòsò, a səə̀vì wò. Kiíy ji m wíy fo woŋ və̀n e dzə̀m e wò, é wáa dzə wó vèn à rám yée. A m kfə̀n wíy yùŋrì ŋkàʼmé wo mò‑oò kàʼàn tàr won Abraham sho, e lìʼ.

Kèʼlo 17:8

M wíy fo woŋ wo à dzəə̀n kiŋgwìy sho və̀n e wò. Wóŋ Kanan e dzə̀me sì wó vèn à rám yée ŋkuuŋkùŋ, à rám yé yee mo yí wíy a dzə fo bàmé. A m wíy a dzə Nyùy wov.»

Remrí 26:2

vèn kù a lì vifá vee káv mbìyi, ve vèn lìmèn é nsay ye Nyùy Tàr woo Nyùy won fó e vèn, a way e ŋkaà, a dù sho e kirə̀ʼ ke Nyùy Tàr woo Nyùy won wíy shoʼ ji á wáa ghvəm wun fo.

Remrí 26:4

«Á bèy, é taà cù nèn sə̀ ŋkaà fo wun kiwo, e tìír e mbìy kiy cù woo wó Nyùy Tàr woo Nyùy won.

Remrí 1:8

Vèn yén ri mbà, m fò ne nsay rə̀n e vèn. Vèn nəə́, e faàsì nsay rə̀n, e yòv. Dzə̀ nsay ye mo woo Nyùy Tàr‑iì kàʼàn atǎr ram vén vee Abraham wùn à Aysi, à Jakov sho, e lìʼ ji m wíy fo a aáwune wùn à rám sév sí.› »