Remrí 1:3 - ŊWÀʼ NYÙY

³ Mooser nèn lò, e sùŋnín jí sìn e wír veé Israyi, a kiyá ki meé ne ji mkweè mo áwune‑eè kèʼèn, a ghan, a kishiíy kí‑iì dzə̀ kishiíy ké mbìy ki fó ŋwee woo nshòv mòʼón e ghvə̀m. Wù wáa remrí kinyo kidzə̀m ke Nyùy Tàr‑iì yòŋèn ji wù suúy aáwune.

Remrí 1:3 Referans Kwoze

Kintaŋ 33:38

Aaron nèn lò, e kòʼ é Gwan Hor fèy mo Nyùy Tàr kì yòŋèn ne e wun, e nèn dù, e kpù fó, a yì‑iì sì é kiya kee mkweè mo wír veé Israyi‑iì loòn fó Ejiv, a kishiíy kí dzə̀ ké mbìy ki fó ŋwee woo tàn.

Kintaŋ 20:1

Màŋgòŋ woó Isray e dzə̀m nèn wìy lò, e wìy e woʼ yee Tsin. Á meé fó e ŋwee mbìyi fó kiya, e nèn dù, a beè e Kadesh. Miriam nèn kpù fó, á dzəə̀mè.

Joshua 4:19

Lòo dzə e kishiíy kee ghvə̀m, e ŋwee mbìyi, wír veé Israyi kóʼ fó ghaa Jordan, e dù beè e Gilgal wo wù dzəə̀n é ŋguùŋè Jeriko fo mbìv ntoshùy.

Cù 27:34

Á nsər se Nyùy Tàr‑iì foon e Mooser e Gwan Sinay ji wù yoŋ e wír veé Israyi ji á wáa yiì.

Kintaŋ 1:1

Mo wír veé Israyi‑iì dzə́ e woʼ yee Sinay, lòo dzə e kiya ke kí‑iì meen ji baà mo áwune‑eè loòn fó Ejiv, wáa dzə e kishiíy ké mbìy ki é ŋwee woo baà, Nyùy Tàr nèn lò, e sùŋnín e Mooser e mvə̀m *kibàn ké ntàsín.