Remrí 1:2 - ŊWÀʼ NYÙY

² Móo lò fo Gwan Horev, e dù e Kadesh‑Barnea, e shaà dzə́ə fó Gwan Seir, dzə̀ ghán yee kishiíy nshòv mòʼón e ghvə̀m.

Remrí 1:2 Referans Kwoze

Kintaŋ 13:26

Á wìy, e yèn Mooser wùn à Aaron, à màŋgòŋ e dzə̀m, aá dzə̀ é Kadesh e woʼ yee Paran, e naàrì mo ghán yéví‑iì dzəə̀n, e dìn báŋ se vici seé nsay foo fèy.

Kintaŋ 32:8

Kù á mo atàr véné‑eè yiìn ben e ghan se mò‑oò tumen áwune fó Kadesh‑Barnea ji á du, e shwèʼ woŋ woo shooy.

Remrí 9:23

Kfə́n a dzə ye Nyùy Tàr‑iì tumen ven fó Kadesh‑Barnea ji vèn du, e yòv nsay ye wù fó e vèn, vèn táv kitú fo Nyùy Tàr woo Nyùy won, e tèn fóo yiì mo wù yòŋèn. Vèn yòʼ‑oò lo wày shilív e Nyùy Tàr wón wùn, e bóo fə̀m a yunén jí rə.

Joshua 14:6

Lòo dzə e kishiíy kímóʼ kí, wír veé ram Judàa nèn lò, e wìy, e yèn Joshua e Gilgal. Kalev woo wan Jefunne woo wir Kenas wáa suúy jii, «À kì kinyo ke Nyùy Tàr‑iì yòŋèn e Mooser woo wir Nyùy Tàr kùm wòsò, aá dzə̀ é Kadesh‑Barnea.

Remrí 2:8

«Nyùy‑iì yòŋ bey, vèsən nèn dù, e tèém, e bàʼàr afə́r vesən vee rám Esav ve vé‑eè dzə́ e Seir, e bàʼàr dzə́ə yeé mbuŋ Araba ye yì du e Elat, du e Etsiyon‑Geber. Á lò fo fo, e nèn a dù e dzəə̀ wòʼ yeé Moav.

Remrí 2:4

Wù kfən yòŋ ji m suúy á e vèn jii, ‹Vèn sí lo, a tosín woŋ Seir wo dzəə̀n nsay afə̀r vén vee rám Esav. Áwune yíi a fàn ven. Yii bèy, vèn wáa yen

Remrí 1:44

Wír veé Amor ve vé‑eè dzə́ e wòŋ agwan foo fèyi fəə́, e shòʼ e věn bàm, a jùm moo yúu. Á jùm bèy, e sə̀y é nsay Seir, e nèn a laàr ven, e laàr bèy, e dù, e bàʼ e ŋkàlaʼ yee Horma.

Cù 9:23

Mooser wùn Aaron nèn nə̀ə́ e kibàn ké ntàsín. Áwune yiì fəə̀ fó fo, e tàtí, e səə̀vì wíri, rán Nyùy Tàrí ŋwàŋ e wìr dzə̀m si.

Cù 2:14

«Vèn lóo wìy e ŋgòn se vifa ve yi si ji á cu Nyùy Tàr shó, kù a dzə se á buʼun, e kàŋ, e kàʼtí.

Ŋwàʼ Fəə 3:1

Mooser‑iì dzə́ bèy, leey bvə́y se sə və Jetro wo yì‑iì dzəə̀n taà cù woó Midian. Wìy lòo dzə e kishiíy kímóʼ kí, wù lì bvə́y si, e tsəə̀né, e dù sho e woʼ, kù a kìʼ mbìv yee fo shùy yii nəə. Wù meé é Horev wo yì‑iì dzəə̀n Gwan Nyùy,

Kèʼlo 32:3

Jakov tsə́nsí wír ámóʼó ji á du fó mbìy, e dù yèn á fə́r və Esav fo wù‑uù dzə́ aàgwan veé Seir e wòŋ Edom.

Ŋwàʼ Fəə 17:6

M yíi a tiy e wò mbìy e kilan ke kí dzəə̀n é Gwan Horev. À mee fo, à dzə̀v kilán kee shooy e mbàŋ, é mendzə́v mè fəə́ fó fo, é wíri wáa no.» Mooser dù, e yiì bèy, a vilìmbìy ve wìr veé Isray vi yéné.

Remrí 1:19

«Nyùy Tàr wìy lò, e yòŋ, vèsən ŋáʼáy fó Gwan Horev, e ghàn, e tòsín kirə́ʼ ké woʼ kí, a kí dzə̀ kiwíy, kfə̀n beéme. Vèsən‑eè tòsín, e dù e wír veé Amorí wòŋ, a fóo dzə̀ agwan agwan, e dù bèy, e bàʼ e Kadesh‑Barnea.

Remrí 2:1

Mooser kú a shaà fo mbìy, a suúy jii, «Vèsən wìy lò, e bìnkìr, a kfən e woʼ e dzəə ye yì du e Rìbà Ndzə̀v wo Baar mo Nyùy Tàr‑iì yòŋèn e mò. Vèsən kú a ghan, a jan vishiíy vishiíy é wòŋ Seir, a wú dzə̀ agwan agwan.