Remrí 1:1 - ŊWÀʼ NYÙY

¹ Vinyo ve ví dzəə̀n é ŋwàʼ fèn vi kù dzə̀ jí se Mooser‑iì loòn, e sùŋnín e wír veé Israyi adzə̀m, aá dzə̀ é woʼ yeé ghaa ndzəv yee Jordan, e mbìv yee fo shùy yii tó. Vé‑eè dzə́ e mbuŋ Jordan foo fèy e ŋkìʼnìn Suv, aá dzə̀ é ntìntìn mvə̀m sé laʼ símóʼ sí. Mvə̀mlaʼ yee Paran‑eè dzə̀ é mbìv yìmòʼ, a see Tofel wùn à Laban, à Haserot, à Disahav si dzə̀ e yìmòʼ yee mbìv.

Remrí 1:1 Referans Kwoze

1 Samuel 25:1

Samuel wìy kpù, wír veé Isray adzə̀me báʼtí, e dzəə̀mè wun e wun laʼ e Rama, e nèn a dìy kpú rə́. Á màysì, Davir nèn lò, e sə̀y é woʼ yee Paran.

Joshua 22:7

Ké kintoʼnìn ke rám Manasse kì dzə̀, a Mooser‑iì fò ne áwune nsay e Bashan ji vitsə́ʼ vév. Yii bèy, fo kímóʼ kee kintoʼnìn ke rám Manasse ki, a Joshua‑aà fò ne yéev yee nsay aàfə́r véví ghaŋ e nsay yeé mbìv Jordan, a kfən e mbìv yee fo shùy yii nəə. Mo Joshua màʼtìn vísə vee wíri ji á du á e melaʼ, wù lòo səə̀vì,

Joshua 22:4

Ké lèn ki, Nyùy Tàr woo Nyùy won fò ne meemè aàfə́r véné mo wù‑uù kàʼàn áwune. Á bèy, vèn kfə́n ri e věn melaʼ e nsay ye Mooser woo ŋgaà lìm Nyùy Tàr‑iì foon e vèn é ndzə̀n Jordan fèsə, e mbìv yee fo shùy yii tó.

Joshua 9:10

e kfə̀n yù ke wù‑uù yiìn áàfon veé Amor vee abaà ve á dzəə̀n é ndzə̀n Jordan fèsə, vee ji Sihon woo fon woó Heshbon, à Og woo fon wìr veé Bashan, a wù dzə́ e Ashtarot.

Joshua 9:1

Afon vee lò fó Jordan, a kfənér e mbìv yee fo shùy yii nə́ə nèn yù mo wír veé Israyi tònèn vitúm. Veé agwane yú, veé mboʼ seé ghaa rìbà ndzə̀ví yú, e dù meé e Lebanon. Á yú bey, e nèn tàr shuu, e bàʼtí shúu wóv rər e mòʼón ji á funen á Joshua wùn à wír veé Israyi, aàfon vìne dzə̀ jii, fon woó Hit, woó Amor, woó Kanan, woó Peris, woó Hiv, e bóo lì woó Jebus.

Remrí 33:2

Wù lòo lon, e yòŋ jii: «Nyùy Tàr‑iì sə̀y fó Gwan Sinay ji wun sə́ vèsən, wù‑uù tò moo shúy fo Edom, e bàn e wír vəə́ kitu. Rán rəə́ ŋwàŋ fo Gwan Paran. Nsheèlav sə́ sí‑iì dzə̀ wùn áwune ansə̀kì ansə̀kì. Wù‑uù kér və́y é kiwo ke yìy kí, a wú baári ji vùŋ vùŋ.

Kintaŋ 35:14

See sitaár si wíy a dzə e mbìv Jordan yee fo shùy yii tó, é se sí berin sitaár si wáa dzə e nsay Kanan.

Kintaŋ 34:15

Rám sin si‑iì sə̀ ne vév vee virə́ʼ, a dzə̀ é ndzə̀n Jordan yeé mbìv yee fo shùy yii tó, e ŋkìʼnìn Jeriko.»

Kintaŋ 32:32

Vèr yíi baʼtí, e liysín e nsay Kanan, e dù, e màʼ rə́r sé Nyùy Tàr, é kirə́ʼ ke vèr yov ji vitsə́ʼ vér kí goʼ é mbìv Jordan fèn.»

Kintaŋ 32:19

Vèr yòʼ wíy a tàʼ kirə́ʼ kímóʼ kí é ndzə̀n Jordan fèsə, kìn dzə̀ ji á baŋrin fó, bìʼ fo kér kee kirə́ʼ kí kù sí wìy a dzə e mbìv Jordan fèn yee fo shùy yii tó. Kù sì vitsə́ʼ vér ben.»

Kintaŋ 32:5

Áwune suúy bey, e nèn yòŋ e Mooser jii, «Aà ben lèéy ver e shilív she juŋ shi, à fò ri ver nsay yee shooy ji vitsə́ʼ vér, e làa yòʼ dzə́ə lì ver, e liysín Jordan sho.»

Kintaŋ 13:3

Á bèy, Mooser nèn tùm wíri, aá dzə̀ é woʼ yee Paran, a wìr dzə̀m kù dzə̀ kilìmbìy kímóʼ kí fo kfəə́ se wìr veé Isray si.

Kintaŋ 12:16

Kee shooy ki shaà, wír veé Israyi nèn lò fo Haserot, e dù, e tàm kibeey é woʼ yee Paran.

Kintaŋ 11:35

Wír veé Israyi siíy, e lò fo Kibrot‑Hattaava fèy, e dù e Haserot, e nèn a beè fo.

Kintaŋ 10:12

Áwune nèn ŋàʼáy fo woʼ yee Sinay fèy, a dù. Mbàʼ nèn wìy dù, e gbù e woʼ yee Paran.

Kèʼlo 21:21

Á yoŋ woŋ woo shooy fo wù‑uù dzə́ ji Paran. Yè wov nèn wìy lò, e tàʼ wiíy fo wòŋ Ejiv, e fò shó.

Kintaŋ 13:26

Á wìy, e yèn Mooser wùn à Aaron, à màŋgòŋ e dzə̀m, aá dzə̀ é Kadesh e woʼ yee Paran, e naàrì mo ghán yéví‑iì dzəə̀n, e dìn báŋ se vici seé nsay foo fèy.

Habakuk 3:3

Nyùy‑iì wìy fó Teman, wun woo Ŋgaà wo Ranén‑eè wìy fó Gwan Paran. Vikuʼùy və́ ví súm yúv, búrí rəə́ rún kitú ke nsay.

Kintaŋ 33:20

Á ló fó Rimmon‑Peres, e dù, e tàm é Libna,

Remrí 2:8

«Nyùy‑iì yòŋ bey, vèsən nèn dù, e tèém, e bàʼàr afə́r vesən vee rám Esav ve vé‑eè dzə́ e Seir, e bàʼàr dzə́ə yeé mbuŋ Araba ye yì du e Elat, du e Etsiyon‑Geber. Á lò fo fo, e nèn a dù e dzəə̀ wòʼ yeé Moav.

Remrí 4:46

e wìy, a dzə e mbuŋ Jordan, e mbìv yee fo shùy yii tó, e ŋkìʼnìn Bet‑Peor. Fóo dzə̀ nsay Fòn Sihon woó Amor wo wù‑uù dzə́ e Heshbon, wo Mooser wùn à wír veé Israyi‑iì tònèn é ghan se vé‑eè wìyìn fó Ejiv.

Joshua 3:16

ndzə́ví tínén, ye yí‑iì sə́y fo taa tiím, e fùmén, e dù kwaʼda, a meé e ŋkàlaʼ yee Adam ye yì dzəə̀n é ghaa Tsaretan. Kinshèr ki ku jìysí, e sə̀y é mbìv rìbà ndzə̀v woó mbuŋ Araba, aá yoŋ ji Ndzə́v Shiŋgwaŋ, a bó shindzə́v shí yòʼ dzəə́ kum fo. Wíri nèn a liysín e ndzə̀n Jeriko.

1 Afòn 11:18

Vé‑eè sìíy, e lò fó Midian, e dù beè e Paran fo vé‑eè liìn wír ámóʼó, é bo áwune wáa dù e Ejiv. Vé‑eè dù bey, e yèn Farao woo fon woó Ejiv, wù fó lav e Hadad, e fò vifá ve yi, e kfə̀n fò nsay.

Kintaŋ 33:21

e yiì lò fo fo, e dù, e tàm é Rissa.

Remrí 5:1

Mooser báʼtí wír veé Isray adzə̀m, e sùúy aáwune jii, «Éè wìr veé Isray, vèn yú, vèn yuúrí sáʼ Nyùy wùn à vinyo ve wù tinen ví. Dzə̀ vinyo ve m yoŋ e vèn lán. Vèn yéʼéy, e wày ŋàŋ ji á wáa yiì a mo ví dzəə̀n.

Remrí 27:1

Mooser wùn à vilìmbìy veé Isray vi nèn lò, e yòŋ wíri, e sùúy jii, «Vèn wáa lèm nsər sidzə̀m se m fó e vèn lán si.

Remrí 29:1

Nyùy Tàr‑iì yòŋ e Mooser e nsay Moav fèy ji wù gwar á *mensaŋ wùn à wír veé Israyi e wun yir, é mè dzəsi á wún é kitu ke mensàŋ me wù‑uù gwàrìn wùn à wír veé Israyi é Gwan Sinay. Ntò se mensàŋ mee shooy si síne.

Remrí 31:1

Mooser shaà fo mbìy, a suŋnín e wír veé Israyi adzə̀m.