Nyùy Tàr dzə̀ Kilán, a lim rəə́ dzə̀ là kiloʼ. Dzə́ə sə́ sidzə̀m si kér suuyrú. Dzə̀ Nyùy, a yii rəə́ yii dzə́ yee tìítiy, dzə́ là jay. Yii rəə́ dzə̀, a kù dzə̀ ye ruú, e kfə̀n a dzə yee réŋé.
Rúrú, bó yòʼ dzə̀ wò wo dzə̀ à yùyrí wír vee là jay wùn à vé jayi. Yòʼ dzə̀ kí kòóy bey. Bó yòʼ dzə̀ wò wo a dzə̀ à yiì bey. Aà yiì bèy, bo à sí maʼ ŋgeʼ aàlàjayi wùn à vé jayí kitu réŋréŋ. Mo tínen wò nsaʼ seé kitu ke nsay sidzə̀m, bo bó yòʼ dzə̀ à kù yiì a dzə̀ kinyo kee réŋ kí a?»
M nèn yù, a jì yìmòʼ yíysí fó kiy cù, e bìnsí jii, «Eènà, Nyùy Tàr, wò woo Nyùy woo Ŋgaà Vitaàví Vidzə̀m, à tínen vinyo vìn réŋ féyì. A dzə̀ mo dzə̀ kí kù a dzə.»
a kùm, a yòv luŋ Mooser woo *ŋgaà ntum Nyùy, e kfə̀n a yòv wó Wàn Njiì Nyùy. Aá yov jii: «Éè Nyùy Tàr, wò woo Nyùy woo Ŋgaà Vitaàví Vidzə̀m, vinyo ve à yii vi dzə̀ féyì, a wíri leey, kér gháʼ. À dzə̀ Fon wo wù sáʼ vitúm vidzə̀m, a sáʼ yée du tìítiy, là kiloʼ.
Yii bèy, à lo, à nèn tèn fó bìnèr shilív shé, shí kú lóo taaví taavín, à nèn kfə̀n dzə̀sì a dzə̀ ajay, e màysì, e tìnsín shilív shé Nyùy. Aà káv a dzə̀ lòn, mo à wíy nəə́ sho e kishiíy ke Nyùy wíy dìn mo wù yii tínen nsaʼ wìr réŋréŋ mo yì dzəə̀n.
A dzə̀ Ŋgaà Vitaàví Vidzə̀m, bo bó yòʼ dzə̀ vèsən mèʼ wun, vitaáví və́ ví kùʼ e ŋàŋ, a wù tínen nsaʼ a kù dzə̀ é nsànloŋ, a bó wù yòʼ yii nyavrì e wíri.