Ŋwàʼ Jov 8:2 - ŊWÀʼ NYÙY

² «Ŋwày, à yíi làmrì bèn, e dù meé e le? Kilamrì ké ki dzə̀ shwér.

Ŋwàʼ Jov 8:2 Referans Kwoze

Ŋwàʼ Jov 15:2

«A dzə̀ fiì wàa suúy kinyo, a bó noshìndzə̀v yòʼ dzə̀ shó, a nàn wún kisáŋ, a fəə́r jí fo shuù, a dzə̀ shwér à?

Ŋwàʼ Jov 6:26

Vèn kwaʼtì ji a dzə̀ vèn naàrì mo kinyo kee tìítiy e le, a vèn káy jí se wìr wo wù kpuun ne ŋgeʼ káyín ji shwér?

1 Afòn 19:11

Nyùy Tàr suúy shó jii, «Dù, e tìím e mǒ kitu ke gwan e mǒ si.» Wù dù, e tìím, Nyùy Tàr nèn a shaà. Kinsəm ke taatavín kí wáa shaà, a kètì agwan, a waʼtí vilán e wun woo Nyùy Tǎr mbìy. Yii bèy, la Elija yòʼ yèn Nyùy Tàr é mvəm wó. Kinsəm ki mày, nsay sə́ʼsí, wù leéy, e làa yòʼ yen Nyùy Tàr.

Ŋgàn 1:22

Ven vee anjìʼ, vèn wíy jìʼ bèn, e dù meé e le? Ven ve á jaʼ wíri, vèn wíy jàʼ, e dù, e meé e le? Ven vee viyúŋ, vèn wíy keerí vifií é ghàn ka?

Ŋwàʼ Jov 18:2

«À yíi suúy vinyo vìn njèʼèr njèʼèr bèn, e dù tiír a dzə̀ feé? Jàŋ vifií vé vi é bàm, é bo wòsò yiì a suŋnín.

Ŋwàʼ Jov 16:3

Bó yòʼ dzə̀ vèn mèy kfə̀nkfə́n fo věn kilàmrì à? Elifas, domsì ka wò ji à wáa bìʼtì wòsò.

Ŋwàʼ Jov 7:11

«Á bèy, bó yòʼ dzə̀ m sə̀tí shuu wóm. Mo m dzəə̀n é mvə̀m nyar, m kù yíi a làmrì. Mo shilív shí ndzə́ʼ mo, é m kú a suúy.

Ŋwàʼ Jov 6:9

La wù kù sí ri bvə̀ʼə́y mo, é m kpú a? Wù ku shwèy mo fó kiwo, e laàr dzəʼə̀m yém.

Ŋwàʼ Fəə 10:7

Vé saʼ Faraòo nèn sùúy e wun jii, «Á sà màʼtì ji jwè və̀n wíy kàr woŋ və̀n bèn, e dù, e meé e le á? Bòŋ ji Fòn maʼti, é vilum veé Israyi du, e fíʼ cù Nyùy Tàr woo Nyùy wov. Fòn yóʼ ne sà yèn ji Ejiv sàʼkìr ne a?»

Ŋwàʼ Fəə 10:3

Mooser wùn Aaron nèn dù, e sùúy e Farao jii, «Nyùy Tàr wo dzəə̀n Nyùy wìr vee Hibru suuy jii, ‹À wíy tav kitú fó a yunín mo e dù, e meé e le? Màʼtì, é wír vémé du, e fíʼ cù mo.

Ŋwàʼ Jov 8:1

Bildad woo wan wìr Shu nèn shèm e Jov kinyò, a suúy sho jii:

Jeremia 5:13

Aŋgàa ntum Nyùyi kù dzə̀ shwér, ntum ye á tiísi, yòʼ dzə̀ ntum Nyùy. Kinyo ke á tiísi ki ku bìnkìr, e gbù a dzə̀ aáwuné kitu.› »