Ŋwàʼ Jov 7:2 - ŊWÀʼ NYÙY

² Wù dzə̀ moo kwàn wo wú diy ji wun ku meèmè fo kindzə̀ə́ndzəm, a dzə moo wír wo á tsəərin é shùu lìm, wù wáa shii vilaʼày və́.

Ŋwàʼ Jov 7:2 Referans Kwoze

Cù 19:13

«Lá wìr yòʼ kùvrì wùmòʼ. Lá wù yòʼ faàsì kifá ke wìr. Wìr lim kilàʼ, ŋgaà làʼ kù làʼ ŋgaà lìm e si kishiíy, e làa yòʼ màʼtì é yì sə́n.

Remrí 24:15

Ku làʼ ŋgaàŋ e si kishiíy, é bo shùy wáa nəə́, bìʼ fo wù dzəə̀n ŋgaà kitàn, a wù yoy, kù tiir a dzə̀ shó. Là bey, wù tóŋ, e tàŋ wò, e kàn Nyùy Tàr shó, bo à kù yíi bìnèr fo jay.

Jeem 5:4

Vèn‑eè rə́si bóʼ aŋgaà vén lìm. Á ghitìr, káv vifá vén fó sum, vèn kfə̀n yì vilaʼày vév. Vèn yuúrí ri mo á tóŋ fo kwaʼ. Aá tòŋ ne, Nyùy Tàr woo Taà Mànjòŋ yú.

Malakay 3:5

«M wíy wìy e věn mvəm, e tiír ven é kibàʼ ke nsaʼ. M yòʼ wíy a mèʼmèʼ, e bó a toʼ kinyè ké wìr ve á yòʼ ghvə́m mo. M toʼ ké aŋgàa ŋgàŋ, e toʼ ké wìr ve á li vikǐy wíri, à ké wìr ve á bóʼti kimboʼtì e làv nsaʼa, à ve á tén fó a làʼ vé lìm vév, à ké ve á táy vikǐy ŋkfə wùn à wón tsə̀ə́, e toʼ ké wìr ve á tén fó tinén kinyo ke viŋgwìy e nsànloŋe. Suuy mo woo Nyùy Tàr woo Taà Mànjòŋ.

Jeremia 6:4

Lo, aá wám jii, ‹Á báʼtí, aá kiʼ Jerusalem e rə́r sí. Á ŋáʼáy cér, e nə̀ə́ fó e ntìntìn shùy.› Á kfə́n lo, aá wáa ghay jii, ‹Kishiíy kí sí mayì, a meraaràŋ mè sí lò a gbùkìr. Lòn woo bene dzə̀ woó le?

Nsùyrì Nyùy 143:6

M nan wó yém, nanè, tóŋ e wò. M yár jiŋ yè mo nsay ye yumér yàr ye wuù.

Nsùyrì Nyùy 119:131

Shúu wiyrì mo, bìʼ fo m yár jiŋ Nsər yè.

Kèʼlo 34:8

Hamor nèn a toŋ, a suúy jii, «Shilív shé wan wom shí tíy e Dina wùn, a m lón ji vèn fó á sho ji wíiy və.

Ŋwàʼ Jov 7:1

«Kí wìr msòŋ lóo dzə e nsay, wù kù a tuŋ kwiiròn? Bó vishiíy və́ ví yòʼ kù dzə̀ moo vé wìr wo á tsəərin é shùu lìm à?

Ŋwàʼ Jov 7:3

Kù dzə̀ mo m túŋ kwiiròn kisáŋ, ŋwee si ŋwee si. Mo vitsə́ʼ vi dzəə̀n, m kù kfə́r a dzə̀ sóŋ.

Jona 4:6

Nyùy Tàr, wun woo Nyùy nèn lò, e yiì, tíŋ kifa kímóʼ kií kúy, e rə̀ŋsìn, a fo kindzə̀ə́ndzəm e Jona kitu, é wù fíʼ a ker rəsìn. Á bèy, Jona nén a yu vijuŋ feyì bìʼ tíŋ kifa kee shooy.