Ŋwàʼ Jov 2:3 - ŊWÀʼ NYÙY

³ Nyùy Tàr kfən dzə̀r e Satan jii, «À shoóshí ne ŋgaà lìm wom woo Jov, yée kiíy ji wìr yòʼ dzə̀ shó e kitu ke nsay wo wù dzəə̀n là shilóm, tíy e suuyrú, ghvə́m mo, kfə̀n bin ndzə̀m é kinyò ke bi kí moo wun a? Wù kù tíy e mǒ wùn, a wù lùm ne, e kpù shó. Mo à fə̀m ghíʼ mo ji m ku màʼ wun là njò.»

Ŋwàʼ Jov 2:3 Referans Kwoze

Ŋwàʼ Jov 1:8

Nyùy Tàr dzə́r shó jii, «À shoòshí ŋgaà lìm wom woo Jov, a kwàʼtì ké ji ka? Wìr yòʼ dzə̀ shó e kitu ke nsay, wo wù dzəə̀n là shilóm, tíy e suuyrú, ghvə́m mo, kfə̀n bin ndzə̀m é kinyò ke bi kí moo wun.»

1 Pita 1:7

a kiíy jii, sí kooy bèy, aá fíʼ yen ji vèn wày rú shilív e Kristu wùn. Mo á kù yii mum kisha ke á fer mbàm sho e və̀y, e bó a shèŋrì, a dzə̀ kifá ke kí wíy mày, bo dzə̀ á kù mùm sa ven, é vèn fíʼ màysì, e wày shilív e Kristu wùn, wíy lóo dzə e kishiíy ke wù wíy kfən, aá wáa burí ven, a meér yír yén.

Jeem 1:12

Wír wo dzə̀ wù wàa sheʼrí dzə̀ wo wù tosin é mvə̀m ŋgeʼ, e làa yòʼ gbù fo kinyò kímóʼ kí, e to e jay. Mo kinyo ki mùmèn wun, wù só, wù wíy a ker vinə́ŋsí, a dzə̀ dzəʼə̀m yee là may ye Nyùy kàʼàn wír ve á koŋ wun sho.

Ŋgàn 16:17

Wìr lóo dzə là jay, lóo ghan, wù wàa bàʼàr kinyo ke bi kí. Wìr lóo tiír kiwuú, lóo fìʼ, wù kìŋsìn dzəʼə̀m rə́.

Ŋwàʼ Jov 9:17

Wù lo, wù tsə̀y mo, e bàʼ e kinsəm ki, e dzə̀sì vileémé vém fo kisáŋ ki.

Filipi 3:12

A bó m yòʼ suuy bèn ji m sí yii a vinyo ve m shóvti sí, leey vìn vidzə̀m, kìn ji m ràn ne a fo vinyò foo fèn. Yii bèy, m kù tùytí sí, a leéy fó mbìy ji m ghár á vinyo vee shooy e mǒ kiwo, bìʼ fo Kristu‑uù liìn mo ji wír və ji m wáa yiì vinyo vee shooy.

Joon 9:3

Wù bìnèr jii, «Bó yòʼ dzə̀ ji lòné lò fo wìr və̀n, kìn fo tàr wov wùn yè wov. Vé‑eè dzə̀ə́, a sì mfìr bèn ji Nyùy fiʼ wìy dìn vitaáví və́ é wùn wó.

1 Pita 5:10

Vèn wáa kiíy ji vèn kù yén ŋgeʼ rə̀n a dzə̀ fó shintàm, é Nyùy wo wù rə́si shám ven ku nèn fə̀ə́r ven fó fo. Wù‑uù lì ven, e tàtí vèn à Kristu ji vèn fíʼ wìy nə̀ə́ e wùn mvə̀m vijùŋ vee là may, a wù kù wíy a leéy fo vèn, a tom ven, é vèn wáa tiy kitávín, é la wìr yòʼ a sə̀ʼ.

Ŋgàn 15:8

Wír ve á méŋ Nyùy Tàrí lóo cù wun, wù tèn cu yév. Wír ve á tíy réŋ e Nyùy kinyòo lóo bùnrì, Nyùy wàa yu vijuŋ.

Ŋwàʼ Jov 1:1

Wìr wùmòʼ‑oò dzə̀, aá yoŋ ji Jov, a wù‑uù dzə́ e wòŋ wo á yoŋ ji Us. Wù‑uù dzə̀ là shilóm, tíy a dzə̀ é suuyrú, ghvə́m Nyùy, bin ndzə̀m é kinyò ke bi kí.

Ŋgàn 14:2

Wìr lóo dzə wir jwáʼ, bo dzə̀ wír wo wù ghvə́m Nyùy. Wìr lóo ker kiŋaamè ke liì, bo dzə̀ wír wo wù ŋwáy Nyùy.

Ŋgàn 13:6

Yíi lànjòó kiŋsìn wun, a njiìn wìr wo bi kù maʼ wun máʼan.

Ŋgàn 11:8

À yúnin Nyùy, à bòy fó ŋgeʼ, méŋ wun, à nə̀ə́ shó nəə́n.

Nsùyrì Nyùy 41:12

À sə̀ ne mo fo m gbu, bìʼ fo m yii kinyo kee tìítiy, aà kù yíi lèm mo fo à dzəə̀n ghán sidzə̀m.

Nsùyrì Nyùy 37:37

Wáy síi e wìr woo là nsem wùn. Wáy e wìr wo wù yii vinyo və́ tìítiy wùn. Wìr wo wù koŋ nyaáŋ dzə̀ wo wù wíy a ker rám.

Ŋwàʼ Jov 13:15

Rúrú, a Nyùy lò, a yuyrí mo, bo m kù‑úù wáa yeʼtí a dzə̀ é wùn wó. A wù lò a yuyrí, bo m kù‑úù tiím é si wo, e bóo tunér kitú kém.

Ŋwàʼ Jov 9:20

Mo bó m yòʼ fə̀m kiìn fó kinyò, bo shuu wómé kù wíy yuy mo. Mo m fə̀m dzəə̀n là njò, bo Nyùy kù wíy dìn liì wom kisaŋ, bìʼ shuu wóm.

Ŋwàʼ Jov 1:11

Yii bèy, aà lò lèn, e sə̀ kifá kidzə̀m ke wù kérí, bo wù lo, e kuù wò e wò si.»

2 Samuel 20:20

Joav bìnèr jii, «Bó yòʼ dzə̀ féyì m sə̀ʼsí, a bó yòʼ dzə̀ féyì m bìvír ŋkàlaʼ rə̀n.

Kèʼlo 6:9

Kimfèr ke Noa wùn à kfə́ə rə́ kí nén a dzə jii, Noa‑aà yii mo Nyùy taʼà, dzə́ là nsem e wun ghan, wáy shilív e Nyùy wùn, ghán e Nyùy mbòv.

Nsùyrì Nyùy 26:1

Éè Nyùy Tàr, dìn ji m dzə̀ là jay. Dzəʼə̀m yémé dzə̀ là shilóm, a m tìír ne vifií a dzə̀ e wò wùn. Bó m yòʼ yíi lèrìr, e gbù.

Ŋwàʼ Jov 2:2

Nyùy Tàr dzə́r shó jii, «À kì ghán ké fèé?» Satan bìnèr sho jii, «M kù ghán yá woŋ, du e mbìy, kfə́n e bàm, kóʼ e kùy, sə́y e tsən.»

Ŋwàʼ Jov 2:4

Satan bìnèr e Nyùy Tàr jii, «Nyár wìri kù lò mo ŋgaàŋ yú. Wìr yíi lì kéŋ rə́ e dzə̀m, e kav dzəʼə̀m rə́ shó.

Ŋwàʼ Jov 1:6

Wáa dzə e kishiíy kímóʼ kí, nsheèlav se Nyùy si báʼtí e Nyùy Tǎr si ji á duŋri kitú, a Satan dzə̀ sá e ŋgoo.