Ŋwàʼ Jov 1:3 - ŊWÀʼ NYÙY

³ Wù‑uù dzə̀ ŋgaà kav, a wù kér njiì nsə̀kì saàmbà, akamer ansə̀kì ataár, anàʼ ve á lim súm ghii tàn, e lì vimbèʼbìy vee vikìy ghii tàn. Wù kfə́n a ker sa wír ve á lim fo wun nyanyày, la wìr yòʼ kfə̀n a dzə wo a dzə̀ wùn wun dzə̀v kiwó fo wù‑uù dzə́, e mbìv yee fo shùy yii tó.

Ŋwàʼ Jov 1:3 Referans Kwoze

Ŋwàʼ Jov 29:25

Mò‑oò dzə̀ kilìmbìy kév, a yì‑iì din mo dzə́ə aáwune. Mò‑oò dzə́ aáwuné mvəm mo fòn yii kér vé rər və́. Kinyo ki du gháʼ áwune, wù tòm.»

Ŋwàʼ Jov 42:12

Nyùy Tàr‑iì səə̀vì Jov e ghan sé bàm sin, e shaà mo wù‑uù səə̀vìn fó mbìy. Wù səə̀vì, Jov wáa ker njiì nsə̀kì nshòv sikweè e ghvə̀m, akamer nsə̀kì ntuùfú, ambòŋ ansə̀kì abaà, aá táŋsín abaà abaà, e bóo lì vimbèʼbìy vee vikìy nsə̀kì.

Atǎr Nsaʼ 6:3

Ghán sidzə̀m se wír veé Israyi‑iì wáy ŋgoòy sév sé vifa e nsay, wír veé Midian wùn à veé Amaleki, à veé mbìv yee fo shùy yii tóo kú a ghiʼ áwune e rə́r sí.

1 Afòn 4:30

Á bèy, vifií vé Fòn Solomon vi nèn shaà vé wìr dzə̀m woó mbìv yee fo shùy yii tó, à woó Ejiv.

Kintaŋ 23:7

Balaam nèn lò, a tiisí ntum rə, a suúy jii: «Lì Balak woo fon woó Moav mo fó Aram, e wìy sho, wù lì fo agwan veé mbìv yee fo shùy yii tó, e yòŋ jii, wìyi, e shòv Jakov, e fò e mò, ku mèŋ Isray méŋén.

Ŋgàn 10:22

Kisəəvì ké Nyùy Tàr kí dzə̀ vikuʼùy, a bó wù yòʼ yii bár mendzən sho.

Kèʼlo 12:16

Fòn nèn kù a geʼ e Abram kijuujùŋ bìʼ Saray, e fò wun ŋgoo se njiì, sé bvəy, sé nàʼ, sé vimbèʼbìy, e kfə̀n fò akwàn vee vikìy wùn à vee vilume, à nyám se á yoŋ ji akamer si.

Kèʼlo 12:5

Wù‑uù lì Saray woo wíiy və wùn à Lot woo wan fər və, à kéŋ ye vé‑eè kooyin é Harane e dzə̀m, e kfə̀n lì akwàn ve vé‑eè kooyin sá fo, wùn áwune lò, a dù e wòŋ Kanan. Áwune meé fó,

Kèʼlo 29:1

Jakov ku nèn lò, a dù e mbìv vitum ve ví dzəə̀n é mbìv wòŋ yee fo shùy yii tó.

Kèʼlo 13:6

Kí nèn ghàʼ fo áwune wáa dzə kirə́ʼ kimòʼón, a ker yí ye yí wáa dzə e gheénén é nsay foo fèy, bìʼ fo vé‑eè kér nyám sineénín, kfə̀n kér wíri, aá kúʼ sá e ŋàŋ.

2 Wòŋ 32:29

Nyùy‑iì fò wun káv e gháʼán, wù nèn bàʼrì ŋkà se laʼ see ji bàʼrì a wun, e kfə̀n a ker ŋgoo se bvəy nyanyày, à sé nàʼ si.

2 Wòŋ 26:10

Wù kfə̀n‑eè bàʼrì virùmèn e mbìv wòŋ fo fóo dzəə̀n wóʼ wóʼ, e nèn tùŋ bií sé ndzəv fó sinín, bìʼ fo wù‑uù kér nàʼ nyanyày, e bvə̀m agwan wùn ǎ mboʼ. Wù kfə̀n‑eè kér sa vé lìme anín, aámóʼó lim e sum sé vitiír vé *vayin, aámóʼó lim e sé vifa ve yi si. Súm sə́ símóʼ sí‑iì dzə̀ áàgwan, a símóʼ sí dzə̀ é virə̀ʼ fo nsay ye borín‑eè dzəə̀n. Fòn Ussiya dzə̀ wír, a wù‑uù koŋ súm féyì.

2 Afòn 3:4

Fòn Mesha woó Moav wáa dzə, a wù liy anjiì, lo, wù wàa fo nshwì e Fòn Ahav woó Isray. Nshwì və́ne‑eè dzə́ wón njiì nsə̀kì wií (100,000) wùn à wuy ye á komen fo viyáʼ vee nsə̀kì wií ví wùn.

1 Samuel 25:2

Wìr wùmòʼ wáa dzə e Maon, a dzə̀ ŋgaà kav. Wù‑uù kér kéŋ e Karmel, bvə́y nsə̀kì, njiì ansə̀kì ataár ve wù lo, wù wàa kom wuy fo wùn wó.

Atǎr Nsaʼ 6:5

Áwune‑eè lóo dù fo, á wàa ker nyám sév wùn à ndzə̀y se vé‑eè du, e tam táv sí shó. Áwune‑eè meʼèm, du wùn aàkamer véví moo ŋguùmé, a bó yòʼ‑oò dzə̀ wìr yù fóo taŋ. Lóo dù, á wàa laàr vifá ve yi ve ví‑iì dzəə̀n é nsay foo fèy.

Kèʼlo 34:23

A vèsən biìmé, vèsən áwune wáa dzə, bo bó nyanyày nyàm sév sin wùn à kéŋ yév rə́ne yòʼ dzə̀ vifá vesən a? Vèsən ku biìmé kinyo kév kin.»

Kèʼlo 25:6

Fo ké wón vikìy ve wù‑uù lèmèn lémené, wù‑uù fò áwune afómo é ghan se wù‑uù dzəə̀n e tin, e shàʼàr, e tsə̀nsí e mbìv wòŋ yee fo shùy yii tó ji wun kiír á fo Aysi ghaŋ.

Atǎr Nsaʼ 8:10

Yì‑iì dzə̀ é ghan fen, a Seba wùn Tsalmunna dzə̀ é Karkor wùn à vé rərí moo nsə̀kì nshòv tàn e ghvə̀m (15,000) bèy. Kù‑uù dzə̀ shishàr wìr wo wù‑uù berin fo áwuné mànjòŋ, woo wír veé mbìv yee fo shùy yii tó, aá yúyrí ne wír vév nsə̀kì kishóv mbaà e wiì (120,000) é shùu rər.

Atǎr Nsaʼ 7:12

a wír veé Midiane néŋ fo nyanyày wùn à veé Amaleki, à wìr dzə̀m woó mbìv yee fo shùy yii tóo, wo wù tatin áwune, aá meʼèm e kiwoóy moo ŋguùmé, a nyám sév see akamer si sén fo sénén moo síy seé ndzəv, se bó yòʼ dzə̀ á tàŋ.

1 Samuel 27:9

Davir nəə́ rə́r bey, e yùyrí vilum wùn à vikìy adzə̀m, e kùúy anjiì wùn aànàʼa, à vimbèʼbìy ví, aàkameri, à ndzə̀y sí, e nèn kfə̀n é bàm, e yèn Akish.

Ŋwàʼ Jov 1:4

Wón vəə́‑əə̀ lo, á wàa kàʼ ŋkàʼ, wìr wàa tar afə́r və́ e wun laʼ, e kfə́ kee kishiíy kí. Á kaʼ bèy, á nèn tsə̀nsí ntum kimbi e jemèr sév see sitaár si ji á wiy á, é wùn áwune wáa yinín, a nonín.

Ŋwàʼ Jov 1:10

Bó à yòʼ tsə̀m ne kay mbìv sidzə̀m, e gìŋ wùn à kfə́ə rəə́, à kifá kidzə̀m ke wù kér ki shó à? À səə̀vì ne kifá kidzə̀m ke wù limè, e dzə̀sì kéŋ rə́, nyám sə́ sí wáa dzə nyanyày e wòŋ.

Ŋwàʼ Jov 21:28

Vèn té lám e mǒ wùn jii, ‹A taà saʼ bùŋ fo wo bi, láʼ rəə́ dù é vifə̀m à? Táv wo wír ve á méŋ Nyùyi shiiy shoo kfə̀n dzə̀ə́ à?›

Ŋwàʼ Jov 31:25

a dzə̀ ji mò‑oò yú vijuŋ ji bùʼ wom dzə̀ e nín, kìn ji kifá ki nəə e mǒ kiwo kinín,

Ŋwàʼ Jov 31:37

M kì yíi kwèʼ kinyo kidzə̀m, e fèr e Nyùy e naáy naáy, a tiy e si wo moo wan ntoʼ, e làa yòʼ a fàn kifá.

Ŋwàʼ Jov 42:10

Jov bùnrì fo ŋkar sə́ see sitaár sìn si bey, Nyùy Tàr nèn lò, e kfə̀n siìr vikuʼùy və́ fó, e yiì, kéŋ rəə́ kúʼ virə́ʼ vibaà, e shaà mo yí‑iì dzəə̀n fó mbìy.

Jeremia 49:28

Ntum yee kùm Kedar wùn Hasor rə̀ne, e lì virə́ʼ ve ví‑iì yú sáʼ fo Hasor, é bo Fòn Nebukadnessar woó Babilon wìy tòn fó. Nyùy Tàr suuy jii: «Á ŋáʼáy, e nə̀ə́ Kedar e rə́r sí. Á laar á wír veé mbìv yee fo shùy yii tó.

Kèʼlo 24:35

Nyùy Tàr səə̀vì ne tàr wor lìm feyì, wù wáa dzə ŋgaà kav. Nyùy Tàr fò ne wun ŋgoo se njiì wùn à sé nàʼ si, visha ve mbàm, ke fəvír kí wùn à ke baar kí, vé lìm vee vilum wùn à vee vikìyí, akamer wùn à vimbèʼbìy ví.

Kèʼlo 32:14

Sí‑iì dzə̀ jii, bvəy se loŋ si ghii baà, kibév mbaà, njiì ghii baà, kiyáʼ mbaà,

2 Samuel 12:2

Ŋgaà mbàm‑eè kér bvə́y, kér nàʼ nyanyày,

2 Afòn 15:20

Menahem‑eè sə̀ mbàm sìn a dzə̀ fo wír veé Isray ve yì‑iì dzəə̀n vé mbàme, a wìr mòʼón mòʼón‑eè kér fóo fo mbàm *ashekel mtàn, a dzə̀ see kisha ke mbàm ke fəvír kí, aá fó e fòn woó Assiriya. Á bèy, fòn woó Assiriya nèn kfə̀n é bàm e wun wòŋ.

1 Wòŋ 27:30

Obil woo wir kfəə Ishmael‑iì leey fo akameri, a Jehdeya woó Meronot leey fo vimbèʼbìy ví, a Jasir woó Hagri nèn leey fo bvə́y si.