Ŋwàʼ Jov 1:1 - ŊWÀʼ NYÙY

¹ Wìr wùmòʼ‑oò dzə̀, aá yoŋ ji Jov, a wù‑uù dzə́ e wòŋ wo á yoŋ ji Us. Wù‑uù dzə̀ là shilóm, tíy a dzə̀ é suuyrú, ghvə́m Nyùy, bin ndzə̀m é kinyò ke bi kí.

Ŋwàʼ Jov 1:1 Referans Kwoze

Jeem 5:11

Vèsən kì ji áwune sí yú vijuŋ a dzə̀ á vé Nyùy, bìʼ fo á kù‑uù tíy a dzə̀ e Nyùy wùn, e dù, e jòʼsì. Vèn kfən yù sá mo ŋgeʼ si‑iì kooy Jov, a wù kù tíy a dzə̀ e Nyùy wùn. A vèn kì mo Nyùy‑iì yiìn. Wù‑uù bìnèr ŋgeʼ sə́ siy ji vijuŋ, bìʼ fo wù yii shám wíri, rə́r mendzən fo áwune.

Esiker 14:14

A fə̀m kì dzə̀ ji wír vee ataár vee Noa, wùn à Daniel, à Jov kì dzə̀ é wòŋ foo fèy, bo njiìn wov wo juŋ yíi bòyìr a dzə̀ áwune vin. Suuy mo woo Nyùy Tàr woo Taà Ndzə.

Esiker 14:20

fə́m a dzə ji wír vee ataár vee Noa wùn à Daniel, à Jov kì dzə̀ á fo, bo mo woo Nyùy Tàr, mo m dzəə̀n shó e tin, m kù suuy jii, bo áwune yòʼ dzə̀ á sə̀ wón vév vee vilum, kìn vee vikìy, aá luŋ. Bo njiìn wov wo juŋ yíi bòyìr a dzə̀ áwune cáʼ.

Ŋwàʼ Jov 28:28

«Á bèy, Nyùy nèn yòŋ e wìr msòŋ jii, ‹Rúrú, wìr lóo ghvəm Nyùy, bo sì vifií bey, lóo bìn ndzə̀m é kinyò ke bi kí, bo wù sí kiiy jeéyjeéy fó vinyò.› »

Ŋwàʼ Jov 2:3

Nyùy Tàr kfən dzə̀r e Satan jii, «À shoóshí ne ŋgaà lìm wom woo Jov, yée kiíy ji wìr yòʼ dzə̀ shó e kitu ke nsay wo wù dzəə̀n là shilóm, tíy e suuyrú, ghvə́m mo, kfə̀n bin ndzə̀m é kinyò ke bi kí moo wun a? Wù kù tíy e mǒ wùn, a wù lùm ne, e kpù shó. Mo à fə̀m ghíʼ mo ji m ku màʼ wun là njò.»

Ŋwàʼ Jov 1:8

Nyùy Tàr dzə́r shó jii, «À shoòshí ŋgaà lìm wom woo Jov, a kwàʼtì ké ji ka? Wìr yòʼ dzə̀ shó e kitu ke nsay, wo wù dzəə̀n là shilóm, tíy e suuyrú, ghvə́m mo, kfə̀n bin ndzə̀m é kinyò ke bi kí moo wun.»

Kèʼlo 6:9

Kimfèr ke Noa wùn à kfə́ə rə́ kí nén a dzə jii, Noa‑aà yii mo Nyùy taʼà, dzə́ là nsem e wun ghan, wáy shilív e Nyùy wùn, ghán e Nyùy mbòv.

Ŋwàʼ Luk 1:6

Wùn wiiy və wáa yiì vinyo réŋréŋ mo Nyùy taʼà, a yu sáʼ Nyùy, e kfə̀n a lèm nsər sə́ sidzə̀m, a dzə là nsem.

Ŋgàn 8:13

Wìr lóo yunín Nyùy Tàr, bo wù sí ban kinyo ke bi kí. M ban kiŋkoʼòrwùn, ban lám woo baà.

Kèʼlo 22:12

Wù suúy shó jii, «Lá à yòʼ màʼ kiwó ké e wǎn kitu. Lá à yòʼ yiì kinyo e wun. M kìíy ne lèn ji à fan a Nyùy, bìʼ fo à yoʼ lò kìm wan wò, màyshó wan wò, fo mò woo Nyùy.»

Kèʼlo 17:1

Abram meé kiyá nshòv bvə̀ʼə̀ e mbvə̀ʼə̀ (99), Nyùy Tàr wìy fo wun wùn, e sùúy sho jii, «M dzə̀ Nyùy woo Ŋgaà Vitaàví Vidzə̀m. Á yunín mo, a yiì vinyo vee tìítiy vi, a dzə là nsem,

Yòvdìy 4:21

Àshè, wìr veé Edom, ven ve á dzə́ e nsay Us, vèn wáa sheʼrí rì, a yu vijuŋ vi. Wóon woo bàr ŋgeʼ kù yíi wìy sa, a vèn yíi no, a baa, e shoʼóy ndzə̀y, a dzə kinshóʼ.

Ŋgàn 16:6

A wìr koŋ Nyùy Tàr, tíy e suuyrú, Nyùy Tàr wàa kòŋ wun. Wìr wáa ghvəm wun, ŋgaàŋ wàa bàʼàr yii ye bií.

2 Afòn 20:3

«Éè Nyùy Tàr, m lón wò lónén. Kuúmé mo mò‑oò ghán e wò mbòv tìítiy, e shilív shém shí shidzə̀m.»

1 Pita 3:11

Wù maʼti vinyo ve bi ví, a yiì a dzə̀ ve ru ví, a jùm a dzə̀ dzəʼə̀m yee nyaáŋ, e meé e ghan se wù wíy koóy.

Jeremia 25:20

e lì wir dzə̀m wo yì‑iì dzəə̀n kiŋgwìy fo. Mò‑oò nòór sá afon veé nsay Us adzə̀m, e kfə̀n nòór sa veé nsay Filistia, aá dzə̀ ji woó Ashkelon, woó Gasa, woó Ekron, à kibér ke wìr keé Ashdod ki.

1 Wòŋ 1:42

Eser wáa ker wón, aá dzə̀ jii, Bilhan wùn à Saavan, à Jaakan. Vé Dishan vee wóné wáa dzə Us wùn Aran.

1 Wòŋ 1:17

Wón Sheme‑eè dzə̀ jii, Elam wùn à Asshur, à Arpakshad, à Lud, à Aram, à Us, à Hul, à Geter, e lì Meshek.

Ŋwàʼ Fəə 18:21

Kiiyì, áà nèn nə̀ə́ e wìr dzə̀m mvəm, e shòʼtí wír vee jwáʼ ve á fan Nyùy, suuy suuyrú, kfə̀n ban yíkísáŋ, e lèm, aá wáa dzə vilìmbìy ve wíri. À shóʼti, áà javti é viliŋ viliŋ, é kilìmbìy kimòʼón kimòʼón fo kiliŋ kímóʼ kí wáa saʼ wír nsə̀kì nsə̀kì, é veé kiliŋ kímóʼ kí wáa saʼ wír wií wií, é vee kímóʼ kí wáa saʼ wír mtàn mtàn, é vee kímóʼ kí wáa saʼ wír e ghvə̀m ghvə̀m.

Kèʼlo 36:28

Tàr à kfəə see ji Us wùn à Aran nèn a dzə Dishan.

Kèʼlo 10:23

Vitúm ve ví‑iì ràmèn fo Aram vi nén a dzə jii, Us wùn à Hul, à Geter, à Mash.

Kèʼlo 42:18

Vishiíy ví rún ji vitaár, Joosev suúy aáwune jii, «M dzə̀ wír wo wù fan Nyùy, a kinyo ki dzə̀ shó kimòʼón ke a vèn yiì, bo á bòy ne.

Remrí 18:13

Vèn kú a dzə kén là njò e Nyùy Tàr woo Nyùy wón si.»

Ŋwàʼ Jov 4:6

A wìr ghvə́m Nyùy, la vifií və́ ví yòʼ kù a tiy a dzə̀ é wùn wó à? A wìr tíy wùn Nyùy, la wù yòʼ kù tìír a dzə̀ wun fo mbìy à?

Ŋwàʼ Jov 9:21

«M dzə̀ là nsem, a bó m yòʼ yén kitú kém, m kù sí lón a dzə̀ kpú.

Ŋgàn 3:7

Lá à yòʼ a yen kitú ké ji à fìír. Kú a ghvəm Nyùy, a bìn ndzə̀m é yiì ye bií.

Ŋgàn 14:2

Wìr lóo dzə wir jwáʼ, bo dzə̀ wír wo wù ghvə́m Nyùy. Wìr lóo ker kiŋaamè ke liì, bo dzə̀ wír wo wù ŋwáy Nyùy.

Ŋgàn 14:16

Wìr wo wù kér vifií baʼàr ŋgeʼ, woo kiyúŋ kù a gùynìn, a to kfə́ shó toón.

Ŋgàn 16:17

Wìr lóo dzə là jay, lóo ghan, wù wàa bàʼàr kinyo ke bi kí. Wìr lóo tiír kiwuú, lóo fìʼ, wù kìŋsìn dzəʼə̀m rə́.

Ŋgàn 20:7

Wìr wo wù yú Nyùy yii ghvə́m kitú kfə́ e njiìn və, a Nyùy səəvì wón və́ bìʼ wun.