Ŋgàn 9:8 - ŊWÀʼ NYÙY

⁸ Lá à yòʼ a tir wír wo wù shéʼ Nyùy, fo wù wáa bàn wò. Aà din jay a dzə̀ wo fiì, bo wù yíi a kòŋ wò kóŋen.

Ŋgàn 9:8 Referans Kwoze

Nsùyrì Nyùy 141:5

Wìr wo juŋ lóo roòmè jay wom, bo sì kinyo ke juŋ ki. Wù naarì mo náarin, bo sì mbùʼmé mo wù buʼ mo shó, a bó yòʼ dzə̀ m wàa ten. Ké wìr ve bi kí dzə̀, a m bunrì ghán sidzə̀m ji lá vinyo vév ví yòʼ a ghan.

Ŋgàn 13:18

Wìr ŋwáy ntir, wù tò é kitàn, a woomé, wìr yú ntir, á wàa ghvəm wun.

Ŋgàn 23:9

Lá à yòʼ a suŋnín e kiyúŋ kí, wò moo fií, bìʼ fo wù kù yíi a ŋway jí sé ŋwáyín.

Ŋgàn 15:12

Ŋgaà jàʼ yòʼ yii koŋ ji á tír wun, a bó yòʼ dzə̀ wù dù, e mbaà afií gheéy.

Matio 7:6

«A bó kí yoʼ fə̀m ghèén ji vèn li kifá ke á cuùn Nyùy sho, e màʼ e jwí si, fo sí kfə́r, e kfə̀n bìnkìr, a nyàv ven e sóŋé. A bó yòʼ dzə̀ sá, á lì *síbaŋ, e fò e kǔnnyàm, wù wàa tay e kishàʼàr.

Ŋgàn 29:1

Wìr wo á tír wun, a wù ŋwáy ntir, kù yíi sàsìn, e gbù, a bó dzəə̀ lùŋ yòʼ kfə̀n dzə̀.

Ŋgàn 28:23

Aà dìn jay wìr, bo wù yíi lò fo bàm, a kòŋ wò, e shaà ké ŋgaà wo wù leerì wun e shúu.

Cù 19:17

«Lá wìr yòʼ a ker fə́r və é shiliv. Wìr ku sìysì kinyo ke wùn fər və kérí síysin fó jay kinyo bìʼ ŋgaàŋ.

Matio 15:14

Vèn maʼti dzə́ə wìr vee shooy, dzə̀ amfìr. A mfìr lò, a caàcà mfìr, bo wùn wun yíi tatí, e gbùkìr e bii wír adzə̀m.»

1 Afòn 1:23

Á nèn bùn fon ji Natan woo ŋgaà ntum Nyùy waà sì. Wù ku nèn nə̀ə́, e làʼ kitú fo nsay e fòn si,

1 Afòn 22:8

Fòn woó Isray bìnèr jii, «Wùmòʼ dzə̀ wo dzə̀ á tàr fó fo, a dzə̀ Mikayia woo wan Imla. Yii bèy, m ban wun bìʼ fo wù yòʼ yii yoŋ kinyo ke juŋ ki kùm mo. Kù yii dzə́ ke bi kí ghán sidzə̀m.» Fòn Jehoshafat suúy ji lá fòn yòʼ a yòŋ a bèy.

1 Afòn 1:32

Fòn Davir nèn tòóy Tsadok woo taà cù, à Natan woo *ŋgaà ntum Nyùy, à Benaya woo wan Jehoyiada. Á wìy,

Ŋgàn 10:8

Wìr lóo ker vifií, wù wàa yu ntir, lóo dzə njìʼ woo ŋgaà kiyòr, wù kfə̀r kitú.

Ŋgàn 13:1

Wan wo wù kér vifií, kù yii yúnin ntir tàr wov, a wan wo wù ŋaʼà, ŋwáy ntir ŋwáyín.

Ŋgàn 19:25

Á dzəv ŋgaà jàʼ, anjìʼi yèʼéy vinyo fo fo, naarì wír wo wù kiiy jeéyjeéy fó vinyò, wù keèrí vifií.

Aysaya 36:21

Yii bèy, wíri ku gòʼ gòʼòn kisə́sə, la wìr yòʼ bìnèr kinyo e mfòómé woó Assiriya və̀y, bìʼ fo Fòn Hesekiya kì shìvtìn ne ji wìr wáa yen a fó yìi mvə̀ʼ shuu.

Ŋgàn 1:5

A dzə̀ fiì yuùrí sá ntir sìn, sí wàa yeʼéy wun, wìr wo wù kiiy jeéyjeéy fó vinyò wàa ker ntir ye juŋ fo fo,

Ŋgàn 23:23

Mùm kitávín, e keèrí ntir wùn à kiíyi, à suuyrú, keérí, e ghàr kitávín.