Ŋgàn 9:7 - ŊWÀʼ NYÙY

⁷ A wìr tír wír wo wù shéʼ Nyùy, bo wù kù ló kuù ŋgaàŋ, wìr wáa dìn jay wìr wo wù méŋ Nyùy, bo ŋwèrín kù lo lemér wun.

Ŋgàn 9:7 Referans Kwoze

Ŋgàn 15:12

Ŋgaà jàʼ yòʼ yii koŋ ji á tír wun, a bó yòʼ dzə̀ wù dù, e mbaà afií gheéy.

Ŋgàn 23:9

Lá à yòʼ a suŋnín e kiyúŋ kí, wò moo fií, bìʼ fo wù kù yíi a ŋway jí sé ŋwáyín.

2 Wòŋ 36:16

Nyùy Tàr‑iì tsə́nsi aŋgàa ntum və́ bey, a wír veé Judàa shéʼ áwune shéʼén, keŋ kèŋèn, nèn ŋwáy jí se wun woo Nyùy. Kù bey, e dù, e meé mo dòʼshwiiy Nyùy Tàr‑iì ŋaʼayin, e kìʼ áwune vee wír və́, a kifá ke dzə̀ kí sə̀r wun ki yòʼ dzə̀.

1 Afòn 22:27

Vèn du, vèn sùúy ji m yoŋ a jii, ‹Áwune wáy á jwè woo shoon e sháŋ, a fo kibán, é wù wáa lumrí lumrín, a no a dzə̀ mendzə́v é kitu wo, e dù meé mo mo‑óò kfə́n é bàm là kinyo.› »

1 Afòn 22:24

Tsədekiya woo wan Kenaana və̀y nèn kòʼtí e wìy, e sàn kindzəv e Mikayia bubúʼ, e dzə̀r shó jii, «Kiyoy ke Nyùy Tàr kí lò, e màʼtì mo moó le, e bó a suŋnín e wò?»

1 Afòn 21:20

Fòn Ahav yiì tàrnín wùn Elija, e dzə̀r shó jii, «Ŋgaà wom vibàn, wòsò kfə̀n tàrnín à?» Elija biímé, e sùúy jii, «M wíy yen fon bèn a bìʼ vinyo ve wù yii, a ví bír Nyùy Tàr, nèn fiinè a kitú kfə́.

1 Afòn 18:17

Fòn Ahav yén Elija, e dzə̀r e wun jii, «Və̀y dzə̀ wò à, wò wo à fó Isray ŋgeʼ a?»

Ŋwàʼ Jov 5:17

Rúrú, bòŋ ké wìr wo Nyùy naarì jay və. Nyùy woo Ŋgaà Vitaàví Vidzə̀m lóo sə̀r wò, lá à yòʼ a ŋway ŋwayín.

Ŋgàn 13:1

Wan wo wù kér vifií, kù yii yúnin ntir tàr wov, a wan wo wù ŋaʼà, ŋwáy ntir ŋwáyín.

Aysaya 36:21

Yii bèy, wíri ku gòʼ gòʼòn kisə́sə, la wìr yòʼ bìnèr kinyo e mfòómé woó Assiriya və̀y, bìʼ fo Fòn Hesekiya kì shìvtìn ne ji wìr wáa yen a fó yìi mvə̀ʼ shuu.