Ŋgàn 9:12 - ŊWÀʼ NYÙY

¹² Rúrú, aà jumrì vifií, bo ví yíi làʼ wò, à wáa ŋway ké ŋwayín, bo ŋgeʼ kù dzə̀ ye.

Ŋgàn 9:12 Referans Kwoze

Esiker 18:20

Wìr wo wù buʼtì vinyo dzə̀ wo wù yíi kpu. Bó wàn yòʼ wíy a yen ŋgeʼ kitàr, a kitàr kí yòʼ wíy a yen ye wàn. Á wíy a laamé wír wo wù yii réŋ bìʼ vinyo vee réŋ ve wù yii, a màʼ ŋgeʼ e mbùʼtìvìnyò kitu bìʼ vinyo ve wù buʼtì.

Ŋwàʼ Jov 22:21

«Jov, ku koò viŋkar vi vèn Nyùy, e yàr kighvəvrì ki. À yii bèy, é wù fó wò vishí ve juŋ vi.

Ŋgàn 16:26

Wìr lóo dzə e jìŋ, yì wàa banrí wun bánrín, shuu vəə́ kù a banrí wun ji wù wáa lìm kitávín.

Aysaya 28:22

Á bèy, ven vin, vèn kér fóo yàr lám wó a té e mǒ wùn. A vèn dzə̀ là fóo yàr, bo vikwàn ve vèn ló a rèŋ vi lo, e dzə̀r. Kí dzə̀ jii, m yù ne kimaysì ké kinyò ke Nyùy Tàr woo Taà Mànjòŋ, kinyo ke wun woo Taà Ndzə sìysìn ji wun lo, e laàr kitúm kén kidzə̀m.

2 Pita 3:16

Wù kù‑uù suuy sa kinyo kìn aàŋwàʼ foo fèy adzə̀m. Yii bèy, a m kì ji wù‑uù sáŋ vímóʼ ví, a ví taávi fo wíri wáa yu, a wír ámóʼó nèn tóyir vinyo vee shooy, binèr e yéev yee dzə́ə. A kù yii wír ve bó á yòʼ kiìn kinyo ke dzəə̀n ke ru kí, a bó á yòʼ kì fo á tíyí. Áwune nén a toyír vinyo vìn réŋréŋ mo á tóyir veé Ŋwàʼ Nyùy vímóʼ ví. Aá yii bèy, wáy a dzə̀ lòn aáwuné vitu.

Galatia 6:5

Vèn wáa kiíy ji wìr dzə̀m kér fó a yiì a dzə̀ á rə́ yee lim.

Ŋgàn 14:14

Aà yii yii ye bií, bo à wíy kav vibí, à wáa yiì yii ye juŋe, bo à wíy kav vijuŋ.

Ŋgàn 19:29

Wír ve á shéʼ Nyùyi kù wíy a ker ŋgeʼlàʼ, é ŋgwàne shóʼ ndzə̀m viyùŋ.

Ŋwàʼ Jov 19:4

A fə̀m dzə̀ rú ji m jày, bo jay wom kù dzə̀ e mò.

Sekariya 12:14

Kibér ke kfəə sidzə̀m ki kù wíy a dìy fo áwuné kitu, é vikìy véví wáa dìy aáwuné atéŋ.