Ŋgàn 9:11 - ŊWÀʼ NYÙY

¹¹ Aà suúsin vèn à vifií ví, bo ví yíi dzə̀sì vishiíy vé. À ghár, bo ví darìr dzəʼə̀m yé.

Ŋgàn 9:11 Referans Kwoze

Ŋgàn 10:27

À yúnin Nyùy Tàr, dzəʼə̀m yée yiì wàa dzə e da, méŋ wun, yí wàa dzə e tsə́m.

Ŋgàn 3:16

Vifií ví fó dzəʼə̀m e wìr a dzə̀ ye dáa, buʼ wun e vikuʼùy ví wùn à ghvə́me.

Ŋgàn 3:2

Sí yíi sə wò, áà wáa ker dzəʼə̀m ye dáa, e sə wò, áà wáa ker dzəʼə̀m ye juŋe.

Remrí 6:2

Á bèy, é vèn à wón véné, à wón won véné nèn a ghvəm Nyùy Tàr woo Nyùy won, a lèm nsər sə́, a yu sáʼ rə́ ye m fó e vèn. Vèn kú a lèm, e dù, e meé mo vèn dzəə̀n shó, e fíʼ wìy bonén, e shiíy.

Remrí 11:21

Vèn ku wìy a yiì bèy, ji vishiíy vé vèn à wón vén ví fiʼ wìy dàr e nsay ye Nyùy Tàr‑iì kàʼàn atàr vén shó, é vèn wìy dzə̀ʼə̀m fo, e wìy dù, e meé mo yúv wùn à nsay wíy dù, e jòʼsì.

Ŋgàn 9:6

Vèn tín kiwúu kén kí fo anjìʼí bàm, é vèn wìy shìíy. Vèn wáa ghan e vifií ví mbòv, é vèn wìy a kiíy jeéyjeéy fó vinyò.»

Remrí 30:19

M bí yúv wùn à nsay e kishiíy ké lán ki ji anjen kinyò ke m neer e věn si ji vèn shóʼ ke á shóʼó, a ví dzə̀ jii, luŋ, kìn kpú, kisəəvì, kìn lòn. Bo dzə̀ ji vèn shóʼ á luŋ, é vèn à ŋgwàʼ sén sí wìy bònen shìíy.