Ŋgàn 9:10 - ŊWÀʼ NYÙY

¹⁰ Wìr lóo yunín Nyùy Tàr, bo ŋgaàŋ kèʼ ne, a ker vifií. Wù lóo kiíy wun woo Ŋgaà wo Ranén, bo wù sí kiiy mvə́m se vinyò.

Ŋgàn 9:10 Referans Kwoze

Nsùyrì Nyùy 111:10

Wìr lóo ghvəm Nyùy Tàr, bo wù kèʼ ne, a ker vifií. Lóo yu nsər sə́, bo wù sí kiiy mó a yiì vinyo. Búrí rəə́ kù wíy a tiy fo, e dù, e jòʼsì.

Ŋwàʼ Jov 28:28

«Á bèy, Nyùy nèn yòŋ e wìr msòŋ jii, ‹Rúrú, wìr lóo ghvəm Nyùy, bo sì vifií bey, lóo bìn ndzə̀m é kinyò ke bi kí, bo wù sí kiiy jeéyjeéy fó vinyò.› »

Ŋgàn 1:7

Wìr lóo ghvəm Nyùy Tàr, bo wù sí yiì a kiíy vinyo. Yii bèy, kiyúŋ kí ŋwáy kfə́ ntir, tén fó a jùmrì vifií.

Ŋgaà Tàrvìnyò 12:13

Kimaysì kí nén a dzə jii, wìr wáa ghvəm Nyùy, a yunín nsər sə́, bìʼ fo kù dzə̀ kinyo kìn ke wìr kér fó a yiì.

Ŋgàn 2:5

Aà yii bèy, bo à yíi kiíy mo dzə̀ á wàa yunín Nyùy Tàr, e kfə̀n kiíy kijuŋ mo Nyùy dzəə̀n.

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

1 Wòŋ 28:9

«Wówò Solomon woo wán wom, kiíy Nyùy wo tàr won ghvə́mé. Á ghvəm vèn à shilív shé shi shidzə̀m, à kwaʼtì yée e dzə̀m, bìʼ fo Nyùy Tàr yii tar melív medzə̀m, a wù kfə̀n yii kiiy kwaʼtì e dzə̀m ye yí dzəə̀n e wìr vifii. Aà yiì a tàʼ wun, áà wáa yen. Yii bèy, à maʼay wun, bo wù yíi bìn ndzə̀m e wò, e màʼày wò ŋkuuŋkùŋ.

Ŋgàn 30:3

M yóʼ ne yèʼéy ye dzə̀ m wàa ker vifií, a bó m yòʼ fə̀m sí kiiy Nyùy, wun woo Ŋgaà wo Ranén.

Matio 11:27

Jesus nèn kfə̀n sùúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bó yòʼ dzə̀ sá wír, wù kìíy Tàr wor, kù jòʼsì mo woo Wán wùn à wír ve Wàn shoʼtin ji wun din Tàr wov shóo.

Nsùyrì Nyùy 34:12

Wìr wo wù taʼ ji wun wáa dzə e dzə̀ʼə̀m, a ker dzəʼə̀m ye dáa, a yu vijuŋ,