Ŋgàn 8:9 - ŊWÀʼ NYÙY

⁹ Sí kù dzə̀ tìítiy fo fiì sidzə̀m, a dzə̀ se ru sí fo wìr wo wù koŋ e kiíy.

Ŋgàn 8:9 Referans Kwoze

Ŋgàn 14:6

Ŋgaà jàʼ jum vifií, làa yòʼ a ker. Wìr lóo səʼə́m, wù wàa ker kiíy cér.

Jeem 1:5

Wìr méŋ mo dzə̀ wù yiì, wù kù a lon a dzə̀ fo Nyùy, é wù naari mo dzə̀ wù ghàn. A dzə̀ mo wù kù yii kér shilív sə́ tèéter, naarì wir dzə̀m, e làa yòʼ a saʼ wír wo wù dzə́r dzə́ə.

Joon 7:17

A wìr wày ji wun wáa yiì a dzə̀ kinyo ke Nyùy taʼà, ŋgaàŋ nèn wìy kìíy rú ji kinyo ke m yéʼey kìn ki sà lò fo Nyùy, mo kí lò a dzə̀ fo mò á.

Joon 6:45

Vé‑eè sàŋ é Ŋwàʼ Aŋgàa Ntum Nyùy jii, ‹Wíy a yeʼéy Nyùy áwune adzə̀m.› Kí nén a dzə jii, wír wo wù yuúri yéʼéy Nyùy Tàr yee shooy, kiiy mo yí dzəə̀n, dzə̀ á wo wù wiy sa, yén mo.

Ŋgàn 15:24

Dzəə̀ wìr woo fií kù yii danèr wun a dzə̀ é dzə̀ʼə̀m ye dáa, kiŋsìn wun fo wù du áàŋkfəə́ wòŋ.

Mayka 2:7

Òó mbaà, ven vee rám Jakov, a dzə̀ vèn wàa shaʼnín rú ji bó Nyùy Tàr yòʼ yii shwiiy kilòŋ, a shaʼnín ji bó yòʼ dzə̀ wù mùm kinyo kee bey a? Vèn yèe, e bó a yòŋ jii, «Bó Nyùy Tàr yòʼ lo, wù wàa suŋnín e wìr wo wù yúnin wun, din a dzə̀ koŋ?»

Aysaya 35:8

Á wíy waʼ kimà ké dzəə fó wáʼán. Dzə́ə, aá wíy a yòŋ ji dzə́ə ye yì du fo Nyùy Tàr dzəə̀n. Wìr dzə̀m wo wù kér *kifàn yòʼ wíy tiír kiwuú kfə́ é dzəə fen. Kù jòʼsì wír Nyùy ve á wíy a shaà sho. A wìr fə̀m dzə̀ kiyúŋ moó le, bo bó yòʼ dzə̀ wù wìy jày dzə́ə.

Ŋgàn 18:15

Wìr woo fií kù yii diy a dzə̀ ji wun yéʼéy kinyo, kér shií a dzə̀ ji wun kiíy kinyo.

Ŋgàn 17:24

Wìr kiiy jeéyjeéy fó vinyò, wù wàa tiír vifií və́ a dzə̀ é kiíy, kiyúŋ kí wàa yaŋrí kfə́ kifá kidzə̀m yáŋrín.

Ŋgàn 15:14

Shilív shé fiì shí kù diy a dzə̀ kiíy, a kiyúŋ kí kù yú a dzə̀ fo kiyúŋsì ki.

Ŋgàn 3:13

Bòŋ ké wìr wo wù keerin ne vifií ve ví lo fo Nyùy, a wù sí kiiy jeéyjeéy fó vinyò.