Ŋgàn 8:4 - ŊWÀʼ NYÙY

⁴ Éè wìr msòŋ woó kitu ke nsay, m súŋnin a dzə̀ e vèn wir dzə̀m.

Ŋgàn 8:4 Referans Kwoze

Ŋgaà Yen 22:17

Kiyoy ke Nyùy wùn jìn wun woo Jesus nèn sàyín jii, «Ku wìy wìyìn.» Wìr dzə̀m wo wù yú kinyo kìn kú a binsí sa jii, «Ku wìy wìyìn.» Kí nén a dzə jii, wír ve á yúm kilòŋ adzə̀me ku wìy, e nò mendzə́v me mè fó dzəʼə̀m yee là may. Wìr wo wù koŋ fó no e dzə̀m, kù yíi a no kisáŋ.

Joon 3:16

«Nyùy kòŋ ne wír veé ndzə adzə̀m e ŋàŋ, e fò màyshó Wan və ji wìr dzə̀m wo wù wáy shilív é wùn wó luŋ, a ker dzəʼə̀m yee là may, e làa yòʼ nəə́ e ŋgeʼ yee là may.

Matio 11:15

Vituʼùr ví dzə̀ vibaà, kímóʼ kí tén fó yu, kímóʼ kí yù.»

Nsùyrì Nyùy 50:1

Nyùy Tàr sùŋnín ne, wun woo Nyùy woo Ŋgaà Vitaàví Vidzə̀m. Wù tòóy ne wír veé kitu ke nsay adzə̀m, e kèʼ fo shùy yii tó, e dù, e meé fo yì yii nəə.

Kolosia 1:28

Vèr ku nèn a fìʼtì wun woo Kristu e wìr dzə̀m, a tir áwune, fo á rán vijuŋ vee shooy, a lì vifií vér, a yeʼéy wir mòʼón mòʼón, aá maysi, e tàtí wùn à Kristu, e ghèén mo dzə̀ wír Nyùyi wàa dzə.

Kolosia 1:23

A dzə̀ mo vèn à Nyùy kù wíy a dzə bèy, a vèn fen ghàr kinyo kfə́, a tiy sho kitávín, a leéy a dzə̀ fó mbìy ji vèn ku wìy nə̀ə́ e vijùŋ ve wù kàʼàn wír və́ shó. A dzə̀ víwun ve vèn‑eè yuun é ghan se vé‑eè wìyìn, a fìʼtì sáʼka Nyùy wo juŋ e vèn réŋréŋ mo á sí fiʼtì lèn virə́ʼ vidzə̀m, a dzə̀ yíwun yee lim ye Nyùy wayin e mo woo Por kiwo.

Ŋgàn 8:3

Vifií ví kù tíy e dzəə se sí nəə e ŋkàlaʼ, fúŋ fo shùu kày yeé ŋkàlaʼ.

Ŋgàn 8:5

Wòn vem, vee anjìʼ, vèn yéʼéy, a ker vifií ví. Ven vee viyúŋ, vèn kfə́n áàtòŋ.

Mayka 1:2

Vitúm vidzə̀m, vèn yuúrí. Kitú ke nsay wùn à kifá ke kí dzəə̀n shó kidzə̀m ki yuúrí. Nyùy Tàr dzə̀ e wun lav ye ranén é yuv, wun woo Nyùy Tàr woo Taà Ndzə ku fə̀ə́r vinyo vén ve bi ví tèéter.