Ŋgàn 8:36 - ŊWÀʼ NYÙY

³⁶ Yii bèy, wìr tén fóo tàʼ mo, bo wù kfə́r a dzə̀ kitú kfə́. Wìr wo wù ban mo kù taʼ a dzə̀ kpú.

Ŋgàn 8:36 Referans Kwoze

Ŋgàn 15:32

Wìr ŋwáy ntir, wù màʼày kitú, yú ntir, wù wàa ker vifií.

Ŋgàn 1:31

Áwune kù yíi kav kifa, a dzə̀ ke á wayin, liì kisaŋ wov kù yíi bìnkìr aáwuné kitu.

1 Korin 16:22

a tir ven jii, a wìr dzə̀ làa yòʼ a kòŋ Tàr wòsən Jesus, bo lǒn Nyùyi dzə̀ á e ŋgaàŋ kitu. M nén a lon ji Tàr wòsən Jesus ku kfə̀n á cér.

Ŋgàn 20:2

Dòʼshwiiy fòn dzə̀ moo tóŋ bvərə̀ʼ ye wù tóŋé, virə́ʼ ví beèmé, a wìr tínsin wun, bo ŋgaàŋ kpù ne.

Ŋgàn 12:1

Wìr wo wù koŋ ntir, sí koŋ kiíy, a wìr wo wù ban naarì dzə̀ kiyúŋ.

Hibru 10:29

Mo kí dzəə̀n bey, bo bó wìr wo wù leey kfə́ a dzə̀ Wan Nyùy ntéŋ yòʼ wíy a ker ŋgeʼ ye yì shaàn yee shooy feyì à? A dzə̀ wù kù a ker, bìʼ fo wù yii bèy, káy a dzə̀ kpú ye Wàn Nyùy‑iì kpuun, e bóo gwàr *mensaŋ me Nyùy liìn ŋgaàŋ ji və́ə woo wír. Ŋgaàŋ kfə́n a meŋ sa a dzə̀ Kiyoy ke Nyùy ke kí yii, a wìr kiiy mo Nyùy shám wun.

Esiker 18:31

Vèn maʼay vinyo ve bi ví ve vèn bùʼtìn vidzə̀m, e tìnsín mo shó. Vèn wáa ker shilív she fíy shi, a ker kiyoy ke sən kí. Vèn koŋ kpú ji ká wìr veé Isray?

Hibru 2:3

Mo kí dzəə̀n ben, vèsən kfən lò, a meŋ kiŋgaʼnìn ke kinyò ke yiìn Wan Nyùy ji vèsən fiʼ lùŋ, bo dzə̀ vèsən yèe, e bóo bòy fo ŋgeʼ? Kù‑uù tòmbìy, a fìʼtì wun woo Taàtá wòsən Jesus Kristu kinyo kìn, é bo wír ve vé‑eè yuuné wáa fìʼtì, é vèsən wáa kiíy sa mo kí dzəə̀n.

Lim Aŋgàa Ntum 13:46

Wùn Banabar kú a suŋnín tèéter, a suúy jii, «Vèr kù‑uù kér fó tòmbìy fìʼtì kinyo ke Nyùy a dzə̀ e vèn vee wír veé Juda. Mo vèn tenen, e màʼày vitú vén ji bó á yoʼ ghèén fó wìy nəə́ e dzə̀ʼə̀m yee là may, bo vèr sí binkìr, a fìʼtì a dzə̀ e wír ve bó yòʼ dzəə̀n veé Judàa.

Esiker 33:11

Ku sùúy aáwune ji mo woo Nyùy Tàr woo Taà Ndzə, mo m dzəə̀n shó e tin, bó m yòʼ diy ji wìr liì kisaŋ kpú á kpuún. Ke m diy ki dzə̀ ji wù bin á ndzə̀m é vinyò ve wù buʼtì, e lùŋ. Abaày, wír veé Isray, vèn kóŋ e kpu bèn ji ka? Vèn maʼti liì kisaŋ, vèn ku màʼtì.

Ŋgàn 21:6

Vikuʼùy vee shwìv kinshwìv, e kòóy, vi dzə̀ moo mbàʼŋkfəə́mé ye yì lo, yì ŋeèmé, e lày, a dzə̀ kitám ke wìr ve á jum kpú yév.

Ŋwàʼ Jov 35:6

Aà jày kinyo, bo kee shooy ki kùm Nyùy e gha? A vinyo vé ve bi ví dzə̀sì wún, kee shooy ki yiì ka e Nyùy?

Ŋgàn 1:32

Anjìʼi tén fóo yu ntir, á lì a dzə̀ yév yee kpú. A viyúŋ ví səŋ wún, bo ví yúyri a dzə̀ vitú vév.

Aysaya 3:9

Vinyo ve áwune buʼtì vi kù din aáwuné si. Á kù buʼtì vinyo e wírí si, kù mo wír veé Sodome‑eè buʼtì e ŋgèŋgèr. Lòné kù dzə̀ wóv, a ŋgeʼ sìn si kù ghàn wó yév.

Jeremia 27:13

Fòn sà màʼtì ji wùn à wíri kpú rə́r, e kpù jíŋ, e kpù kifə̀ʼ, bìʼ ka á? Á kinyo ke Nyùy Tàr yòŋèn ji kí wíy koóy a kitúm ke kí tenen fó a yunín fon woó Babilon.

Lim Aŋgàa Ntum 16:28

Por waámé kitávín jii, «Lá à yòʼ yùyrí kitú ké. Vèr dzə̀ fó adzə̀m.»