Ŋgàn 8:34 - ŊWÀʼ NYÙY

³⁴ Bòŋ ké wìr wo wù yú jí yem, dzə́ e mǒ shùu lav, shiy mo é shùu kày.

Ŋgàn 8:34 Referans Kwoze

Ŋwàʼ Luk 11:28

Jesus bìnèr jii, «Wír ve á kér kishéʼrì ke kuʼùn kií dzə̀ ve á yú kinyo ke Nyùy, yii mo kí dzəə̀n.»

Matio 7:24

«Vinyo vìn vidzə̀m vi nén a dzə jii, a wìr yuúri vinyo ve m tír wíri shó vìn, yii mo ví dzəə̀n, bo ŋgaàŋ fìír feyì moo wír wo wù‑uù baʼrì lav, e wày kinsə̀ŋ a dzə̀ é kitu ke kilan.

Ŋgàn 3:13

Bòŋ ké wìr wo wù keerin ne vifií ve ví lo fo Nyùy, a wù sí kiiy jeéyjeéy fó vinyò.

Lim Aŋgàa Ntum 2:42

Á ku nèn a yu kinyo kimòʼón a dzə̀ ke aŋgàa ntum Jesuse yéʼeyì, wùn áwune wáa ghanén, a yinín kikóŋ, a bùnrì amòʼón.

Ŋwàʼ Luk 10:39

Wù‑uù kér fə́r və woo wiíy wùmòʼ, aá yoŋ ji Maria. Mo Jesus duùn, e nə̀ə́, Maria ku nèn dzə̀ʼə̀m a dzə̀ e Jesus ghaŋ, a yuurí kinyo ke wù‑uù yéʼeyì,

Ŋgàn 3:18

Ví dzə̀ rú kicí ke wìr yí, wù kòóy dzəʼə̀m, a bòŋ ké wìr ve á lumen, e kpù shó.

Nsùyrì Nyùy 84:10

Kishiíy ke wìr rəsin e wò lav kimòʼón ki bòŋ, e shaà kee nsə̀kì ke wìr rə́sí fómóʼó. Bòŋ ji m wáa dzə nshìylav, e Nyùy wóm lav, e shaà fó a dzə e wír ve á méŋ Nyùyí laʼ.

Nsùyrì Nyùy 27:4

M kù lón a dzə̀ kinyo kimòʼón fo Nyùy Tàr, a dzə̀ kíwun ke m diyì. M koŋ ji m kú a rəsí a e Nyùy Tǎr lav, e dù, e meé mo m wíy kpu, a leéy vijuŋ ve Nyùy Tàr, a yu ntir si fo wun shuù.

Ŋwàʼ Luk 1:6

Wùn wiiy və wáa yiì vinyo réŋréŋ mo Nyùy taʼà, a yu sáʼ Nyùy, e kfə̀n a lèm nsər sə́ sidzə̀m, a dzə là nsem.

Ŋgàn 1:21

Ví kù fúŋ fo atǎr wòŋe tínen nsaʼ seé wòŋ, fúŋ e mentàrnín fo màŋgòŋ ko.

Nsùyrì Nyùy 92:13

Áwune dzə̀ moo kicí ke á bìyìn e Nyùy Tǎr lav, a kí teʼ ji bòʼrì bòʼrì e wun taakìbùʼ.

Ŋwàʼ Fəə 12:7

Á seé bèy, á lì mensə́ memoʼ mè, e yòʼ é mboòmè se shuù se lav see fó yuv wùn à see fó ghaŋ si e lav ye á yíi kfər wan bvəy sho.

1 Afòn 10:8

Bòŋ ké wìr vé, bòŋ ké nsheèlav sé, mo áwune rə́si tíy e wò si, yuúri vifií vé ghán sidzə̀m.