Ŋgàn 8:30 - ŊWÀʼ NYÙY

³⁰ Mò‑oò tíy e wun si ji wír və lìm woo jwáʼ, shéʼer wun kishiíy kidzə̀m, séŋ, yú vijuŋ e wun si ghán sidzə̀m,

Ŋgàn 8:30 Referans Kwoze

Joon 1:18

A bó wìr yòʼ‑oò yiì ne yèn sí Nyùy. Kù jòʼsì màyshó Wàn Nyùy və̀n wo wù dzə́ e Tàr wóv ghaŋ, wo wù dìnèn e wíri mo Nyùy dzəə̀n.

Matio 3:17

Jì wìr súŋnín fó yuv jii, «Və̀n dzə̀ Wán wom, m koŋ wun feyì, m shéʼri wun e ŋàŋ.»

Aysaya 42:1

Nyùy Tàr suuy jii: «Vèn yén, ŋgaà wom lìm və̀ne, wun wo m tómé. Dzə̀ wun wo m shoʼon, a shilív shém shí tíy a dzə̀ é wùn wó. M fò ne Kiyoy kém, kí wáa shìy wun, a wù wíy dànèr vitúm, aá wáa ker sáʼ yee réŋ.

Joon 16:28

Mo mò‑oò loòn fo Tàr wor, e bóo wìy e ndzə fèn, m kfə̀n sí lo fo ndzə fèn, e kfən fo Tàr wór wùn.»

Joon 12:28

Wù nèn yòŋ jii, «Tàr, ku yiì, é wíri wáa ghvəm a dzə̀ yír yé.» Jì Nyùy nèn sùŋnín fo yuv jii, «M yiì ne, á wáa ghvəm, a m kfə̀n wíy yiì.»

Kolosia 1:13

Wù‑uù fə̀ə́r ne vèsən fó saʼ yeé ndzə vitsə̀ʼ, e wày a dzə̀ é saʼ ye kér Wán və wo wù koŋ e ŋàŋ.

Matio 17:5

Kù mo wù suuy bèy, mbàʼ yìmòʼ nèn wìy, a yì rán ji rèké rèké, e tìím aáwuné kitu. Jì wìr súŋnín fó fo jii, «Və̀n dzə̀ Wán wom, m koŋ wun feyì, wù bòŋ mo é ŋàŋ. Vèn wáa yuurí kinyo a dzə̀ kfə́.»