Ŋgàn 8:27 - ŊWÀʼ NYÙY

²⁷ Nyùy Tàr‑iì lem yúv fó, a m kù dzə̀, səŋ nsə̀ŋ, kaári rìbà ndzə̀v shó, a m kù dzə̀ fó si.

Ŋgàn 8:27 Referans Kwoze

Ŋwàʼ Jov 26:10

Wù‑uù sə̀ŋ ne nsə̀ŋ, yì kaárí kitú ke ndzəv, e jàvsìn shúy fo ndzə vitsə̀ʼ.

Aysaya 40:22

Dzə̀ Nyùy Tàr wo wù màʼàn kàvàʼ və é ntoò yùv. Wù maʼ sí fo fo, lóo leéy wír veé nsay, á wàa dzə aŋeérín moo vintàn. Wù lo, wù sàŋrì yúv mo wìr sàŋrì ndzə̀y, e sàŋrì, kù mo wìr tàm kibàn kée beè sho.

Ŋgàn 3:19

Nyùy Tàr‑iì bòm kitú ke nsay a dzə̀ e vifií və́ ví, e tàm yúv e kiíy rəə́.

Kolosia 1:16

A kí dzə̀ jii, Nyùy‑iì wày á vitaáví vidzə̀m a dzə̀ e wùn kiwo, wù bóm vifá vidzə̀m. Wù bóm veé yuv, e bòm veé nsay, kìn dzə̀ vifá ve á yéné, kìn dzə̀ ve bó á yòʼ yéné. Ku kfə̀n bòm wun vifá ve ví kér vitaáví é ndzə vidzə̀m, kìn dzə̀ nshèelav se Nyùy, kìn dzə̀ *anyùy ve á ghán e shwer. A Nyùy‑iì fò vitaáví, wù bóm vifá vidzə̀m bèy ji ví wáa yu a dzə̀ á fo fo.

Jeremia 10:12

Kù‑uù bòm Nyùy kitú ke nsay e vitaáví və́ ví, e bàʼrì ndzə e vifií və́ ví, e nèn fèr yúv mo kiìn wun, wú kfə́vsí.

Nsùyrì Nyùy 136:5

Vèn wáa fo vibeerì e wun wo wù‑uù kér vifií, e bòm yúv. Koŋ ye wù koŋ wír vəə́ yòʼ wíy mày.

Hibru 1:2

Wáa dzə lèn wo ndzə sí wìy a mày, wù nen tùm a dzə̀ Wán və, wù wáa tiisí kinyo kfə́ e vèsən. Dzə̀ Wán və və̀n wo wù‑uù foon vitaáví shó, wù bóm ndzə. Wù kfən lèm ji wù wìy yòv ndzə yee shooy e dzə̀m, a saʼ.

Aysaya 40:11

Wù wíy a leéy fo wír vəə́ kijuŋ, kù mo nshìy lèéy fo njiì və. Wù wíy a geʼsín aáwune, kù mo nshìy yii lo, wù shùr wan njiì, e kòytí. Wù wíy a dànèr áwune ji weè weè, kù mo á dànèr anjiì ve á nyoor wón.

Nsùyrì Nyùy 103:19

Nyùy Tàr tùúy ne kàvàʼ və é yuv, a wìr dzə̀m dzə̀ e wun sar saʼ.

Nsùyrì Nyùy 33:6

Nyùy‑iì sùŋnín suŋnín, yúví nèn a dzə e bómén, e yòŋ yòŋèn fó shuù, vifá veé yuv ví nèn a dzə.

Ŋgàn 8:26

M kù‑uù sì, é bo Nyùy Tàr wìy a bom kitú ke nsay, à ŋgvən se sí dzəə̀n shó si, à kibvər ke mbìy ki.

Ŋgàn 8:28

Wù‑uù ghàr mbàʼ, sí wáa səŋ e yuv, e mvə̀ʼtì ntòŋ sé ndzəv seé sar rìbà ndzə̀v.