Ŋgàn 8:21 - ŊWÀʼ NYÙY

²¹ M fó vikuʼùy e wír ve á koŋ moó, rúner vitáv vév e vifá ve juŋ vi.

Ŋgàn 8:21 Referans Kwoze

1 Pita 1:4

vèsən wìy nə̀ə́ e mvə̀m vijùŋ ve Nyùy‑iì naŋsin, e lèm e wír vəə́ vidzə̀m. A wù lèm a dzə̀ e wùn wòŋ woó yuv fo ví kù wíy a dzə ghán sidzə̀m, a bó yòʼ dzə̀ ví ŋeèmé, e lày, a bó yòʼ dzə̀ sá ví bìr fó gheéy.

Matio 25:46

Jesus nèn màysì jii, «Vee shooy vee wíri dzə̀ ve á wíy dù e kirə̀ʼ ké ŋgeʼ yee là may, é wír Nyùyi nəə́ kév a dzə̀ é dzə̀ʼə̀m yee là may.»

Ŋgàn 24:4

Wìr kiiy vinyo, wù wàyrí lav rə, e tìír vifá veé kilùm ve ví kiʼ vijuujùŋ sho.

Kèʼlo 15:14

Á bèy, m wíy màʼ ŋgeʼ e kitum kee fo áwune reŋ vikwàn. Fo bàm, aáwune wìy fəə̀ fó fo wùn à bùʼ nyanyày.

Hibru 10:34

Vèn‑eè yii bèy, bìʼ fo vé‑eè rə́r mendzən fo vé sháŋ vee shooyi. Wíri‑iì lóo bàn ven, lóo faàsì vifá vén, vèn kù a biimé biimén, a sheʼrí, bìʼ fo vèn kiìn ji vèn kér vifá vén vímóʼ ví ve ví shaàn veé nsay fèn vìn, a bó yòʼ dzə̀ vee shooy vi wìy mày.

Ŋgàn 1:13

Vèn áwune waà yíi kuúy a vifá vigháʼán, e bòm e věn melav.

Nsùyrì Nyùy 16:11

À wíy dìn mo dzə́ə ye dzə̀ m shaà shó, e bóo lùŋ. M lóo dzə e wò si, é m wáa ker kishéʼrì ke kuʼùn kí. Mo à dzəə̀n e mǒ koy yìyí, m kù yú vijuŋ, e dù, e jòʼsì.

1 Samuel 2:8

Wù nan aŋgàa kitàn fo kibvə̀r, kfə̀n fəər aŋgàa ŋgeʼ fo áwuné mvə̀m nyar. Wù táti áwune é ŋgoo wón ntoʼ, dzəʼə̀r áwune áàntaʼ ve kuʼkìné. «Wày wun woo Nyùy Tàr kinsə̀ŋ ke ndzə. Bóm wun ndzə e kitu wo.

Ŋgaà Yen 21:7

a sì vitsə́ʼ mo m fó e wìr dzə̀m wo wù só vinyo veé ndzə ye bi. M wíy a dzə Nyùy ŋgaàŋ, é ŋgaàŋ wáa dzə wán wom.

Ŋgàn 8:18

Vikuʼùy wùn à ghvə́me kù lo a dzə̀ fo mò, a bùʼ wo fó mo dzə̀, a bó yòʼ dzə̀ wù mày.

Ŋgàn 6:31

Yii bèy, aá koò, wù kù làʼ kàŋ saàmbà, a fə̀m dzə̀ ji wù fiine vifá vee wun lav vidzə̀m.

Ŋwàʼ woó Rom 8:17

Mo vèsən siìn wón və́, bo vèsən wíy nəə́ sa e vijùŋ ve wù lèmèn e wír vəə́ adzə̀m, a kù dzə̀ víwun ve Kristu‑uù nəən shó. Vèsən kù wíy nəə́ sho, a vèsən fen biìmé sa ŋgeʼ ye Kristu‑uù biimen.

Ŋgàn 8:20

M yii yii vinyo vém tìítiy là nsem, tínen ve tinén ví là kiloʼ.

Ŋgàn 10:22

Kisəəvì ké Nyùy Tàr kí dzə̀ vikuʼùy, a bó wù yòʼ yii bár mendzən sho.

Ŋgàn 15:6

Wìr yú Nyùy, wù wàa ker bùʼ e gháʼán e wun kitàv. Wìr méŋ Nyùy, lòné nə̀ə́ e wun keŋ.

Ŋgàn 21:20

Fiì yii kér vifá veé kilùm veé shií é lav, a kiyúŋ kí jaar kfə́ və́ jaarín.