Ŋgàn 8:20 - ŊWÀʼ NYÙY

²⁰ M yii yii vinyo vém tìítiy là nsem, tínen ve tinén ví là kiloʼ.

Ŋgàn 8:20 Referans Kwoze

Remrí 5:32

Mooser kfə́n a yòŋ jii, «Wír veé Isray, kù dzə̀ cáʼ ji vèn ku wày ŋàŋ ji á wáa yiì a dzə̀ mo Nyùy Tàr woo Nyùy won yòŋèn e vèn. Lá vèn yòʼ shòʼór nsər rə yìmòʼ, e bàr ŋwàn.

Nsùyrì Nyùy 32:8

Nyùy Tàr suuy jii, «M yíi dìn wò dzə́ə ye à wáa ghan sho. M yíi a yeʼéy wò, a tir wò mo à wáa yiì. M yíi a leéy wò fo à tín kiwuú.

Aysaya 2:3

Vitúm vi wíy a wìy fo vinín, a suúy jii, «Vèn wáa wìy, é vèsən wáa koʼ e Nyùy Tǎr gwan, gwan, a dzə̀ lav Nyùy wo Jakov ghvə́mé. Nyùy yíi a yeʼéy vèsən kinyo ke wù taʼ ji vèsən wáa yiì, a vèsən kù yíi a ghan a dzə̀ e wun mbòv.» Kí dzə̀ jii, ntir se Nyùy Tàr sí kù wíy a lò a dzə̀ fó Sion, a wù kù wíy a suŋnín e wíri, a dzə̀ fó Jerusalem foo fèy.

Ŋgàn 6:22

À yií lóo ghan, é ví wáa dànèr wò, lóo buuné, é ví wáa kìŋsìn wò, yimènè, é ví wáa tir wò.

Ŋgàn 3:6

À lóo yiì vinyo ve à yii vidzə̀m, à kù a tiír a dzə̀ Nyùy fo mbìy, é wù wáa naàrì wò.

Ŋgaà Yen 7:17

bìʼ fo Wàn Njiì wo wù dzə́ e shùu kàvàʼ wíy a shìy áwune, a dànèr áwune moo njiì, a dù sho fo adàn ve á fəər mendzə́v me mè fó dzəʼə̀m yee là mayi dzəə̀n. A Nyùy wíy sòr mensíy medzə̀m fo wír vìné si.»

Joon 10:3

Wù lóo wìy, wìr wo wù shiy shúu kày kù nèn mvə̀ʼ. Wù nəə, wù yòŋrì njiì və é yír, yir, á kù nèn kìíy jí rə, e wìykìr, wù tsəə̀né, e fəə̀ shó fo kày.

Aysaya 49:10

Jìŋ yòʼ dzəə́ wìy a yar áwune, a bó kilòŋ kí yòʼ dzəə́ wìy a yum áwune. Shwér wo lumèné yòʼ dzəə́ wìy a feè áwune, a bó shùy yòʼ dzəə́ wìy a tòn áwune. Kí dzə̀ jii, mo woo Nyùy Tàr wo m shám áwune, m wíy a dànèr áwune é dzəə ye juŋ, a dù sho fo ntòŋ sé ndzəv se dzə̀ á wàa no si dzə̀kìn.

Nsùyrì Nyùy 23:3

yii, a vitaáví vém ví kfə́n fo. Wù danèr mo ji nyaáŋ é dzəə see tìítiy réŋréŋ mo yír rəə́ dzəə̀n.

Aysaya 55:4

Rúrú, m yiì ne, wun woo Davir wáa dzə ji njen, a fìʼtì mo m dzəə̀n e vitúm vi, a m lèm ne wun ji kilìmbìy, wù wáa saʼ vitúm.

Ŋgàn 2:9

Aà jùmrì vifií ve ví lo fo Nyùy, bo à yíi kiíy mó a tiír kiwuú ké, a fìʼ ghán sidzə̀m. À yíi a kiíy vinyo ve dzəə̀n ve ru ví. À yíi a kiíy mó a tinén vinyo e nsànloŋ, là kiloʼ.

Ŋgàn 8:19

Kifá ke kí lo fo mǒ kiwo kidzə̀m ki bòŋ e ŋàŋ, kí bòŋ, e shaà kisha ke mbàm ke fəvír kí, e kfə̀n bòŋ, e shaà ke baar ke á shèŋrìn.

Ŋgàn 8:21

M fó vikuʼùy e wír ve á koŋ moó, rúner vitáv vév e vifá ve juŋ vi.

Ŋgàn 2:20

Aà jumrì vifií ve ví lo fo Nyùy, bo à yíi a ghan e dzəə ye wír ve juŋe tiir kiwuú kév shó, bo à yíi a dzə dzəʼə̀m yee là nsem.