Ŋgàn 8:15 - ŊWÀʼ NYÙY

¹⁵ Fó mo vifií áàfone, é bo á wáa saʼ kijuŋ, fó mo vifií e vé saʼa, é bo á wáa tinén vinyo e nsànloŋ.

Ŋgàn 8:15 Referans Kwoze

Ŋwàʼ woó Rom 13:1

Kímóʼ kí nén a dzə jii, wìr dzə̀m kér sa fó a yu sáʼ yeé wòŋ, bìʼ fo bó yòʼ dzə̀ woŋ wú wàa ker sáʼ, a bó Nyùy kì fó fo. A bó sáʼ yímóʼó yòʼ dzə̀ é kirə̀ʼ kímóʼ kí, a bó yòʼ lèm Nyùy.

Daniel 2:21

Wù lo, wù kùvsín ghán sé vinyò, à seé kiya si. Kù kóʼor wun afon, a kù sə́ wun vifon fo áwune. Kù fó wun vifií áàfií, yii, a wír ve á fiiriné kiiy jeéyjeéy fó vinyò.

Matio 28:18

Jesus kóʼtí, e sùúy aáwune jii, «Nyùy wày ne sáʼ yeé yuv wùn à yeé nsayi e dzə̀m e mǒ kiwo.

Ŋgaà Yen 19:16

Wù wáa wìy bèy, m yén, aá sáŋ yír yímóʼó e wùn kikum, e kfə̀n sàŋ é kibìy, a yí dzə̀ jii, «Fon‑afòn, Tàr‑fo‑atàrí.»

Daniel 4:32

Kí nén a dzə jii, á yíi jùm wò fo wírí mvəm, áà du, a dzə a dzə̀ vèn à nyám se kwaʼ si é kighìn, e kù wìy a yi a dzə̀ viŋgà é bǎm kiya saàmbà moo mbòŋ, e meé mo à wíy binsí ji kù sáʼ a Taà Vitu kitúm ke wìr msòŋ kidzə̀m, a kér wun ghay wóo fo sáʼ e wìr wo shoʼon wun feyì feyì.»

Ŋgaà Yen 19:11

M kfən yèn kinyo kímóʼ kí, a shúu yuví tíy e rə́, a nyàmŋkoʼ tíy fo e fə́vír. A wìr dzə́ e kitu wo, aá yoŋ yír ji Suuyrú, kfə̀n yoŋ ji Làkìloʼ. A dzə̀ jii, jay yòʼ yii dzə́ e wùn kinyò ke wù yii, kìn wù tínen a dzə̀ nsaʼ, kìn wù maʼ a dzə̀ rə́r.

Daniel 4:25

Nsàv dzə̀ á jii, á yíi jùm a wun fo wírí mvəm, aá du, a dzə a dzə̀ á wùn à nyám se kwaʼ si é kighìn, é fòn ku wìy a yi a dzə̀ á viŋgà é bǎm kiya saàmbà moo mbòŋ, a shiíy e kwaʼ, é ŋweʼe wáa gbù a e wun wùn. Kí kù wíy koóy a wun bèy, e meé mo á wíy binsí ji kù sáʼ Taà Vitu kitúm ke wìr msòŋ kidzə̀m. A dzə̀ kù fò wun e wìr wo wù shoʼon ji wù wáa saʼ.

Jeremia 33:15

«Wíy lòo dzə e ghan fen, é m yii, é tám woo réŋé fəə́ e Davir ram, a ŋgaàŋ wíy a saʼ woŋ, a tinén vinyo tìítiy, a yiì a dzə̀ vinyo ve ru ví.

Aysaya 1:26

M wíy siìr atǎr saʼ vén fó, aá wáa dzə moo vee fó mbìy, é vé ntir véné wáa dzə moo veé ghan sé mbìy si, é wíri nèn a yòŋ ven veé Jerusalem jii, ŋkàlaʼ wìr ve á yúnin Nyùy, a yòŋ ji ŋkàlaʼ wìr ve á tíy e Nyùy wùn.»

Nsùyrì Nyùy 99:4

Fon wo ghaʼtín, wò wo à koŋ kinyo a dzə̀ kee tìítiy, à tùúy ne kinyo keé nsànloŋ e Isray. À yiì ne, wíri wáa yiì vinyo tìítiy, a dzə là jay.

1 Wòŋ 28:5

Fo wón ve Nyùy Tàr foon e mò agháʼáné, wù nen shòʼ wán wom woo Solomon ji kù wíy dzə̀ʼə̀m a wun e kàvàʼ woó Isray wo dzəə̀n kitúm ke wun woo Nyùy Tàr.

1 Afòn 10:9

Búríi wáa dzə fo Nyùy Tàr woo Nyùy wò, wun wo wù kòŋèn wò, e lèm wò e kàvàʼ woó Isray. Nyùy Tàr kòŋ Isray, e dù màysì, e nèn kòʼór wò ji fon wo wù wáa saʼ áwune, a saʼ vifon tìítiy là kiloʼ.»

1 Afòn 5:7

Á dù, Fòn Hiram yú jí se Fòn Solomon sìy, wúné bòŋ wun feyì, wù yóŋ jii, «Búríi wáa dzə fo Nyùy Tàr é kishiíy ké lán ki. Wù fò ne Davir wán woo fií wo wù wáa saʼ kitúm ke ghaʼán kin.»

1 Afòn 3:28

Wír veé Israyi yú mo Fòn Solomon tinen nsaʼ rə̀n, e nèn a ghvəm wun, bìʼ fo wìr dzə̀m‑eè yenen ji Nyùy fò wùn a vifií ve wù wáa tinén a nsaʼ réŋréŋ mo yì dzəə̀n.

1 Afòn 3:9

Ku fò wánlè wò lìm a dzə̀ vifií ve wù wáa saʼ wír vé sho, a kiíy jeéyjeéy fó kinyò ke juŋ ki wùn à ke bi kí. Búŋ là bey, bo wìr wo dzə̀ wù sàʼ wír vé ve ghaʼán víne dzə̀ la?»

1 Samuel 16:1

Nyùy Tàr nèn lò, e yòŋ e Samuel jii, «À wíy sòv kitú bìʼ Saul, e dù, e meé e le? M kù mèŋ ne wun fo fòn woó Isray. Wáy meŋgvə́r mè e wò loŋ, e lì kiwuú kí é dzəə. M túm wò fo Jessi wùn é Betlehem. M shòʼ ne wán və wùmòʼ ji fon.»

1 Samuel 9:17

Mo Samuel yenen Saul, a wù wiyì, Nyùy Tàr nèn sùúy e wun jii, «Á wír wo mò‑oo yoŋ e wò. Dzə̀ wun wo wù wíy a saʼ wír vém.»

2 Wòŋ 1:10

Ku fò ri mo vifií wùn à kiíyi, é m wáa saʼ wír vìn sho. Kí búŋ fó bèy, bo bó yòʼ dzə̀ wìr kìíy móo saʼ wír vé ve á dzəə̀n agháʼán vin.»

Nsùyrì Nyùy 2:10

Éè afon, vèn wáa dzə atòŋ lèn. Éè atǎr saʼ veé nsay, vèn sə́ʼə́m.

Ŋgàn 8:16

Vé wòŋe siysì woŋ, bee a dzə̀ mo. Vé ŋgvəne náŋsin nsay, mbaa a dzə̀ mo.

Ŋgàn 29:4

Fòn lóo yiì vinyo e nsànloŋ, kitúm ki wàa tiy kitávín, a wo wù sə́ kòyàr kù bívir kfə́ bívírín.

2 Wòŋ 1:11

Nyùy Tàr suúy e Solomon jii, «Mo shilív shé shi suuyin, à lón a dzə̀ vifií wùn à kiíyi ji à fíʼ a saʼ wír vém shó ve m lèmèn wò ji fon wov, aà yoʼ lòn a dzə̀ vikuʼùy, kìn mbàm, kìn ghvə́m, kìn dzəʼə̀m ye dáa, kìn ji m yúyrí aŋgaà vé vibàn,