Ŋgàn 8:14 - ŊWÀʼ NYÙY

¹⁴ Tír mo wíri, a fó mo vifií ve ru ví. Yii mo, bo á wáa kiíy jeéyjeéy fó vinyò, a kiíy e ŋàŋ.

Ŋgàn 8:14 Referans Kwoze

Ŋgaà Tàrvìnyò 7:19

Wìr fiirì, wù kìíy sáʼ, e shaà atǎr saʼ e ghvə̀m ve á sáʼ ŋkàlaʼ.

Aysaya 40:14

Dzə̀ la féyì feyì wo Nyùy Tàr‑iì ghanen ne beè ji wun fíʼ a ker vifií? Dzə̀ la wo wù‑uù yiìn ne, a yeʼéy wun mo á yii tínen kinyo e nsànloŋ? Yì‑iì ghàn ne la, e yèʼéy Nyùy Tàr ji wù kiíy vinyo vidzə̀m, e naàrì wun mo wù wáa kiíy jeéyjeéy fó vinyò?

Aysaya 9:6

Kí dzə̀ jii, vèsən kòóy ne wán. Á fò ne vèsən wán lumèn. Wù wíy a saʼ vifon. Á wíy a yòŋ wun jii, Ŋgaà Ntir wo ghaʼán, Nyùy wo kuʼùn, Tàr wo wù gòʼòn kàŋ mòʼón, Wan Fòn woo Ŋgaà Nyaáŋ.

Kolosia 2:3

Kù mày wun woo Kristu wo dzə̀ wù mvə̀ʼ vifií vé wìr, bo wù yén rán, e kìíy kinyo ke dzəə̀n ke ru kí.

Ŋwàʼ woó Rom 1:22

Áwune lo, á kfə̀n a nə̀ʼ wún ji á kì vinyo, a bó á yòʼ kì tsə̀r gheéy.

Ŋgàn 24:5

À fiirì, bo à sì ntav. À kiiy vinyo, vitaáví vé vi kùy kúyín,

1 Korin 1:30

Dzə̀ wun woo Nyùy wo wù liìn ven, e tàtí vèn à Jesus Kristu, wù wáa fo vèsən vifií ve ru ví, Nyùy kfən lì vèsən ji wír vee là jay, e fə̀ə́r vèsən fó lǒn vinyò ve bi ví, a yòŋ ji və́ vee wír.

1 Korin 1:24

Yii bèy, a wír ve Nyùy shoʼon ji və́, kìn dzə̀ veé Juda, kìn veé Griki nèn yén kév ji kinyo kìn ki din a dzə̀ á vitaáví vé Nyùy, kfə̀n din a vifií və́ ve ghaʼán ví.

Joon 1:9

A dzə̀ ŋgaàŋ wo wù fó rán yee rán e wìr dzə̀m, a wù‑uù sí wiy e ndzə fèn.

Ŋgàn 1:25

a vèn kù ŋwáy ntir sém ŋwayín, tén naarì ye m naarì ven,

Ŋgàn 3:21

Wan wòm, á tiy e vifii ve ru ví, a kiíy jeéyjeéy fó vinyò. Á yen fo vifií vin ví fəə́ fo wò kitu.

Ŋgàn 18:1

Wìr lóo ker shií a dzə̀ e wun kinyò, la wù yòʼ a tàʼ ŋkar sinín, ŋwáy kinyo ke Nyùy tinen ŋwáyín.

Ŋgàn 19:20

Yuúrí ntir, e səə̀sí naarìi, à wíy lóo dzə̀n, áà wáa dzə fií.

Aysaya 28:29

Yéʼéy ye m fó e vèn rə́ne lò a dzə̀ fo Nyùy Tàr woo Taà Mànjòŋ. Wù dzə̀ ŋgaà ntir wo wù fiirin, e shaà aŋgàa ntir adzə̀m. Vifií və́ ví shoò é ŋàŋ.

Jeremia 32:19

À kér vifií vé ntir ve ghaʼán ví, yii viŋgaʼnìn ve vinyò. À yii yén vinyo vidzə̀m ve wíri yii, laáme wir dzə̀m mo liì və wùn à yii rəə́ dzəə̀n.

Ŋwàʼ Jov 12:13

Yii bèy, vifií wùn à vitaáví ví kù tàr a dzə̀ e Nyùy, a wù kù kiiy mvə́m se vinyò mo sí dzəə̀n.