Ŋgàn 8:13 - ŊWÀʼ NYÙY

¹³ Wìr lóo yunín Nyùy Tàr, bo wù sí ban kinyo ke bi kí. M ban kiŋkoʼòrwùn, ban lám woo baà.

Ŋgàn 8:13 Referans Kwoze

Ŋgàn 16:6

A wìr koŋ Nyùy Tàr, tíy e suuyrú, Nyùy Tàr wàa kòŋ wun. Wìr wáa ghvəm wun, ŋgaàŋ wàa bàʼàr yii ye bií.

Nsùyrì Nyùy 97:10

Ven ve á koŋ Nyùy Tàr, vèn wáa bàn kinyo ke bi kí. Wun woo Nyùy Tàr yii kiŋsìn dzəʼə̀m wìr və́. Wù yii fəər áwune fo wír ve á méŋ wuné wo.

1 Samuel 2:3

«Ven vé kinsùmrìwùn, vèn sə́tí shuu wóné. Ven ve á kóʼor wún, vèn sə́sín. Nyùy Tàr dzə̀ Nyùy, a wù kì vinyo vidzə̀m. Wù kíyri wír e kinyò kidzə̀m ke wù yii.

Ŋgàn 4:24

Kiír kimboʼtì ki fo wò shuù, à kfə́ə lǎm kinshwìvi e dzə̀m.

1 Tesalonika 5:22

a baàmè kfə́ə vinyò ve bi ví vidzə̀m.

1 Pita 5:5

M nen kfə̀n a suúy e vèn vee wír veé baanée jii, vèn wáa yu a kinyo ke atǎr kintatìi suuyì, e kfə̀n a suúy lèn a dzə̀ e wìr dzə̀m jii, wìr wáa yen wùmòʼ woo wír, a shaà kitú kfə́. Vèn wáa kiíy jii, «Nyùy yii méŋ wír ve á yén vitú vév, nèn leey ve á néŋ e wun si, shám áwune.»

Amos 5:15

Vèn wáa bàn kinyo ke bi kí, a kòŋ a dzə̀ kee tìítiy. Vèn nəə e làv nsaʼ, vèn kù wày ji á wáa tinén kinyo ke wìr e nsànloŋ. Á bèy, tàm é ghan símóʼ sí, é Nyùy Tàr woo Taà Mànjòŋ wìy shàm mendzən me kibér ke rám Joosev.

Nsùyrì Nyùy 119:128

Bìʼ bey, m ku nèn a ghan mo ntò sé se yeʼéy sidzə̀m si dinè, a bàn dzə́ə sé kimboʼtì si sidzə̀m.

Ŋgàn 16:18

Wìr kóʼor wún, wù nèn lò gbù, lóo yen kitu kfə́, wù tò é kinyò.

Ŋgàn 6:12

Rúrú, wìr liì kisaŋ lo, wù wàa ghan, a leèrì wíri e lám kinshwìvi.

2 Timoti 2:19

Yii bèy, a bó yòʼ dzə̀ kifá ki sə̀ʼ kinsə̀ŋ ke Nyùy wayin gheéy, aá sàŋ shó jii, «Nyùy kì wír ve dzəə̀n ji və́,» e kfə̀n sàŋ jii, «Wìr dzə̀m wo wù suuy ji wun dzə̀ wir Nyùy, kù kér fó a màʼtì vinyo ve kisaŋ vi.»

Ŋwàʼ woó Rom 12:9

Vèn wáa kòŋ wíri rú e shilív shí, lá vèn yòʼ a suúy a dzə̀ fó shuù. Vèn wáa leʼ kinyo ke bi kí, a ghar a dzə̀ ke juŋ ki.

Sekariya 8:17

Lá wìr yòʼ a taŋ kinyo ke bi kí e wun shiliv kùm fə́r və. Lá wìr yòʼ tiím vinjen ve kisaŋ vi e fər və́ bàm, bìʼ fo m ban vinyo vìn vidzə̀m. Suuy mo woo Nyùy Tàr.»

Nsùyrì Nyùy 138:6

Fə̀m mo à dzəə̀n é ntoò yùv, à lo, à wàa leéy wír ve á li vitú vév shishàr. Yii bèy, lóo dzə vé kiŋkoʼòrwùné, à wàa leéy áwune kwaʼda kwaʼda.

Nsùyrì Nyùy 101:3

bó m yòʼ yíi a way kiwó kém é kifa ke bi kí. Bó m yòʼ koŋ lim wìr ve á bìnèn ne ndzə̀m e Nyùy, a bó yòʼ dzə̀ m wày kiwó kém shó.

Ŋgàn 10:31

Jì wìr wo wù yúnin Nyùy dzə̀ ntir, aá kù wíy sətí shúu ŋgaà kimboʼtì sə́tín.

Nsùyrì Nyùy 119:104

À kù shaà a dzə̀ fo wò ntò se yeʼéy, e bóo fo mo vifií. Bìʼ bey, m nén a bàn dzə́ə sé kimboʼtì si sidzə̀m.

Ŋwàʼ Jov 1:1

Wìr wùmòʼ‑oò dzə̀, aá yoŋ ji Jov, a wù‑uù dzə́ e wòŋ wo á yoŋ ji Us. Wù‑uù dzə̀ là shilóm, tíy a dzə̀ é suuyrú, ghvə́m Nyùy, bin ndzə̀m é kinyò ke bi kí.

Ŋgàn 3:7

Lá à yòʼ a yen kitú ké ji à fìír. Kú a ghvəm Nyùy, a bìn ndzə̀m é yiì ye bií.

Ŋgàn 15:9

Nyùy Tàr yii nyaysì liì wìr ve á méŋ wun, koŋ wír ve á yii kinyo kee tìítiy.

Aysaya 13:11

Nyùy Tàr suuy jii, «M wíy màʼ ŋgeʼ e kitu ke nsay, bìʼ liì kisaŋ wo wíri yii, e lovtí e wír ve á méŋ moó bìʼ vinyo ve á rə́si buʼtì. M wíy səʼə́r kóy wìr ve á yén ji wìr wùmòʼ yòʼ kfə̀n dzə̀ moo áwune, e sə̀r wír ve á guynìn, aá yòʼ fó shiŋkfəŋ e wìr.

Ŋwàʼ Fəə 1:17

Yii bèy, amáŋkooy vìne wáa dzə wír ve vé‑eè fan Nyùy, á nèn a lèm wón vee vilum atin, e làa yòʼ dzə́ə a yiì mo fòn‑eè suuyin.

Ŋwàʼ Jov 28:28

«Á bèy, Nyùy nèn yòŋ e wìr msòŋ jii, ‹Rúrú, wìr lóo ghvəm Nyùy, bo sì vifií bey, lóo bìn ndzə̀m é kinyò ke bi kí, bo wù sí kiiy jeéyjeéy fó vinyò.› »

Ŋgàn 16:5

Wìr lóo kùm kiŋkùm, Nyùy Tàr wàa bàn wun, rúrú, a bó áwune yòʼ wíy bòy fo ŋgeʼlàʼ.

Amos 6:8

Nyùy Tàr woo Taà Ndzə kan kitú kfə́, kan bèy, lìʼ ji wun woo Nyùy Tàr woo Taà Mànjòŋ suuy a jii: «M ban kiŋkoʼòrwùn ké rám Jakov, ban virə́ʼ vév ve tavkín ve á bàʼrìn. M yíi way ŋkàlaʼ yev aàŋgaà vév vibàné wo, aá laar wùn à kifá kidzə̀m ke kí dzəə̀n shó ki.»