Ŋgàn 8:12 - ŊWÀʼ NYÙY

¹² Dzə̀ mo vifií ve ví lo fo Nyùy, a kì mo móo baàmè vinyo, m fìír, kì mo móo tàr kinyo.

Ŋgàn 8:12 Referans Kwoze

Aysaya 28:26

Kù sə́ Nyùy Tàr woo Nyùy wòsən ŋgaà sùm, é bo wù wáa kiíy kinyo ké a yiì e súmé, a yiì e ŋgoòy kifa.

Ŋwàʼ Fəə 35:30

Mooser nèn sùúy e wír veé Israyi jii, «Vèn leéy, e yèn mo Nyùy Tàr shoʼon ne Besalel woo wír woo rám Juda, wo tàr wov dzəə̀n Uri woo wan Hur.

Ŋwàʼ woó Rom 11:33

Vèn ku yèn búʼú mo Nyùy koŋ wíri, rə́r mendzən mev é ŋàŋ. Vifií və́ ví dzə̀ vigháʼán, a wù kì vinyo vidzə̀m. A bó yòʼ dzə̀ wìr kìíy mo wù lo, wù kwàŋ kinyo kfə́, a bó yòʼ dzə̀ wír wù kìíy sá mo wù yii vinyo ve wù yii.

Ŋgàn 1:4

Ŋgàn sìn si yíi a yeʼéy anjìʼ, aá wáa ker vifií, a mvə̀ʼtì vifií vé wàʼbìn, aá wáa kiíy mó a tàr vinyo, a shoʼ ke juŋ ki.

Kolosia 2:3

Kù mày wun woo Kristu wo dzə̀ wù mvə̀ʼ vifií vé wìr, bo wù yén rán, e kìíy kinyo ke dzəə̀n ke ru kí.

Efesor 1:11

Nyùy‑iì yiì ne shòʼ ver vee wír veé Isray fo ŋgùʼ ji á tátí wùn à Kristu, a dzə wír wun woo Nyùy. A wù‑uù shóʼ a dzə̀ mo wù kiìn réŋréŋ mo wù kù yii siysì vinyo veé ndzə vidzə̀m, a ví kooy mo nsìysì və dzəə̀n.

Nsùyrì Nyùy 104:24

Rúrú, Nyùy Tàr, lim yée kùʼ e ŋàŋén. Wò‑oò bòm vifá vidzə̀m, a dzə̀ mo vifií vé vi dzəə̀n vishoón. Kitú ke nsay ki kù rún e vifá ve wò‑oò bomen ví.

1 Wòŋ 28:19

Fòn Davir naàrì bèy, e sùúy jii, «Vinyo ve lìm vìn vidzə̀m vi dzə̀, a m sàŋ mo Nyùy Tàr dìnèn e mò ji m wàá sáŋ mo lim dzə̀me kér fó a dzə.»

Efesor 3:10

Nyùy nen yiì, kintatì ke wìr Kristu kìn ki fəə́sín lèn ji vifá ve ví dzəə̀n é yuv ví lóo yen, aá nèn səə̀m mo vifií vé Nyùy vi shaàn vitaáví, a ví dzə̀ dzə́ə sí dzə́ə sí. A kù yén nshèelav sə́ wùn à vifá ve ví kér vitaáví é yuv ví vidzə̀m.

Efesor 1:8

a bó mfìʼ yòʼ dzə̀.

2 Wòŋ 13:14

Wír veé Judàa nèn sàsìn, e yèn, a rə́r sí sí nəə áwune, à fó mbìy, à fó bàm, áwune nèn tòŋ e Nyùy Tàr ji wù sə́ á áwune. Atàá cùu nèn tòŋ sóŋ sí,

1 Afòn 7:14

a dzə̀ ŋgaà fèr, wo wù kér vifií vé lìm yee kisha kee *brons ki. Ŋkfə tàr wov‑iì dzə̀ wír woó Taya, wo wù‑uù kiìn sá lim yee kisha kee brons ki, a yè wov dzə̀ wír woó ram Navtali. Hiram‑eè dzə̀ wir vifiì, a wù kì fer yee fèr e kisha kee brons ki féyì. Wù nèn wìy, a lìm fo Fòn Solomon, e yiì lim ye vé‑eè wayin e wun kiwo e dzə̀m.

1 Wòŋ 28:12

Wù kfən fò mfìʼ se wù‑uù kér e vifii se yì‑iì dzəə̀n sé maàndzə wùn à sé mewon me lav me mè kaarin lav cù si, e fò sá sé vitàv veé lav cù, à sé vitàv vé vifa ve á foon ne ji vé Nyùy vi.

Ŋgàn 8:5

Wòn vem, vee anjìʼ, vèn yéʼéy, a ker vifií ví. Ven vee viyúŋ, vèn kfə́n áàtòŋ.