Ŋgàn 8:11 - ŊWÀʼ NYÙY

¹¹ Vifií ví bòŋ, e shaà vifá ve sùsù vidzə̀m, e bòŋ, e shaà kifá ke wìr yáŋri kidzə̀m, a bó kifá ki yòʼ dzə̀ ke dzə̀ á fìʼsìn shó.

Ŋgàn 8:11 Referans Kwoze

Nsùyrì Nyùy 119:127

M dzə̀ kém, a m kòŋ nsər sé, e shaà kisha ke mbàm ke baar kí, a fə̀m dzə̀ ke á tònèn ne, e shèŋrì.

Nsùyrì Nyùy 19:10

A dzə̀ á wàa ker shií é kinyò ke Nyùy, e shaà mó a diy *kisha ke mbàm ke baar kí, fə̀m dzə̀ ke kuʼùn kí ke á tònèn, e shèŋrì. Kinyo ke Nyùy ki nyòm, e shaà vilu, woó vilù ve ví shém fo ghàm si.

Matio 16:26

A wìr yì ndzə, yì may, wù bívír kitú kfə́, bo séʼ və dzə̀ ka? A wìr màʼày dzəʼə̀m rə́, wù wìy tìn, e fò ka?

Ŋgàn 16:16

Kí bòŋ fó a ker vifií, e shaà *kisha ke mbàm ke baar kí, e bòŋ fó a kiíy jeéyjeéy fó vinyò, e shaà kisha ke mbàm ke fəvír kí.

Ŋgàn 20:15

*Kisha ke mbàm ke baar kí dzə̀, a vifá ve sùsù vi dzə̀, yii bèy, a jì fiì bòŋ, e shaà vifá ve sùsù vidzə̀m.

Nsùyrì Nyùy 119:72

Yéʼéy ye yí fəə́ fo wò shùu bòŋ mo féyì. Yí shaà nyanyày *kisha ke mbàm ke baar wùn à ke fəvír kí kàŋ là táŋ.

Nsùyrì Nyùy 119:103

Jí sé si nyòm, e ghèén mo é le ben? Sí nyom e mǒ shuù, shaa vilu.

Ŋgàn 31:10

Kí ghàʼ féyì fóo yen wiíy wo wù kér njiìn wo juŋ. Wiíy woo bey dzə̀ féyì, a wù shaà vifá ve sùsù.

Ŋgaà Tàrvìnyò 7:11

Vifií ví bòŋ sa réŋréŋ moo vitsə́ʼ ve wìr yiin. Ví fó séʼ e wìr dzə̀m wo wù dzəə̀n é sar shùy.

Remrí 30:13

Sí yòʼ dzə̀ sá e ndzə̀n rìbà ndzə̀v wùmòʼ fo vèn wìy a yòŋ jii, ‹A dzə̀ lìysín la ndzə́v, e lì, e wìy, e yèn ver shó, é vèr yú, a yiì?›