Ŋgàn 8:10 - ŊWÀʼ NYÙY

¹⁰ Shóʼ ntir sém sí, e shaà *kisha ke mbàm ke fəvír kí, shóʼ vifií ví e shaà kisha ke mbàm ke baar ké ntay ki.

Ŋgàn 8:10 Referans Kwoze

Nsùyrì Nyùy 119:127

M dzə̀ kém, a m kòŋ nsər sé, e shaà kisha ke mbàm ke baar kí, a fə̀m dzə̀ ke á tònèn ne, e shèŋrì.

Nsùyrì Nyùy 119:72

Yéʼéy ye yí fəə́ fo wò shùu bòŋ mo féyì. Yí shaà nyanyày *kisha ke mbàm ke baar wùn à ke fəvír kí kàŋ là táŋ.

Ŋgàn 23:23

Mùm kitávín, e keèrí ntir wùn à kiíyi, à suuyrú, keérí, e ghàr kitávín.

Ŋgaà Tàrvìnyò 7:11

Vifií ví bòŋ sa réŋréŋ moo vitsə́ʼ ve wìr yiin. Ví fó séʼ e wìr dzə̀m wo wù dzəə̀n é sar shùy.

Ŋgàn 10:20

À yúnin Nyùy, kiláyláy ké ki wàa bòŋ wíri é ŋàŋ. À méŋ wun, bo ndzə̀né yòʼ dzə̀ə́ e kinyò ke à kér e vifii.

Lim Aŋgàa Ntum 3:6

Pita suúy shó jii, «Bó m yòʼ kér mbàm gheéy, a mo‑óò fó wò kém kee kifá ke m kérí. M suuy e wò e Jesus Kristu woó Naasarer yir jii, lò, a ghan.»

Ŋgàn 16:16

Kí bòŋ fó a ker vifií, e shaà *kisha ke mbàm ke baar kí, e bòŋ fó a kiíy jeéyjeéy fó vinyò, e shaà kisha ke mbàm ke fəvír kí.

Nsùyrì Nyùy 119:162

M shéʼri ŋkàʼme wò e ŋàŋ, moo wír wo wù toon é bùʼ e gháʼán.

2 Korin 6:10

A vinyo vi fə̀m kooy ver, a vèr sov kitú, vèr kù yòʼ a sheʼrí Nyùy ghán sidzə̀m. Vèr dzə̀ aŋgàa kitàn, yii bèy, a wír aníne kooy fo vèr. Kifá ke dzə̀ wìr yèn ji kér kí yòʼ dzə̀, yii bèy, a vèr kì kijuŋ ji Nyùy fò ne vifá vidzə̀m ji vér.

Ŋgàn 8:19

Kifá ke kí lo fo mǒ kiwo kidzə̀m ki bòŋ e ŋàŋ, kí bòŋ, e shaà kisha ke mbàm ke fəvír kí, e kfə̀n bòŋ, e shaà ke baar ke á shèŋrìn.

Ŋwàʼ Jov 28:15

A bó yòʼ dzə̀ á yùn e mbàm si, kìn dzə̀ e kisha ke mbàm ke baar kí, kìn e ke fəvír kí.

Ŋwàʼ Jov 28:17

Kisha ke mbàm ke baar kí, à síbaŋ ye yí rán moo kileèyi, bó yòʼ dzə̀ á lì, a fìʼsìn sho, a bó yòʼ dzə̀ á kùvsín e vifá ve sùsù vi, vifá aá fér e kisha ke mbàm ke baar ke sheŋrìn kí.

Ŋgàn 20:15

*Kisha ke mbàm ke baar kí dzə̀, a vifá ve sùsù vi dzə̀, yii bèy, a jì fiì bòŋ, e shaà vifá ve sùsù vidzə̀m.