Ŋgàn 7:21 - ŊWÀʼ NYÙY

²¹ Mo wiíy və̀y bìnèrìn kwaʼti wánlè nsùm e jí si, e sò wun e kiláyláy kfə́ kí,

Ŋgàn 7:21 Referans Kwoze

Ŋgàn 5:3

Sàkì lo wù wàa leèrì wír e kiláyláy ke juŋ ki, a jí sə́ sí rəsìn moo meŋgvə́r.

Ŋgàn 7:5

é yí fíʼ kìŋsìn wò fo wiíy wo wù ghán viŋkar, leerì wíri e kiláyláy ke juŋ ki.

2 Afòn 4:8

Kishiíy kímóʼ kí fəə́, Elisha dù e Shunem, a wiíy wùmòʼ dzə̀ fó, a dzə̀ ŋgaà kav. Wù yòŋ ji Elisha wàá ku yìkír. Á bèy, Elisha nén lóo shaà fo, wù kù bìn, e yìkír.

Ŋwàʼ Luk 24:29

Á ghár, e sùúy sho jii, «Vèsən wáa dù, e dù shìíy. Ndzə bàŋrìn ne, a yì sí sə́né.» Wù nèn biìmé, e dù ji wùn áwune wàá shiíy.

Nsùyrì Nyùy 12:2

Wìr dzə̀m kù sì ŋgaà lam baà, bóʼti a dzə̀ kimboʼtì e fər və, leerì wun e shúu.

2 Korin 5:14

Kér kí kù dzə̀ jii, mo Jesus Kristu koŋ ver, vèr kú a yu a dzə̀ á fo fo. A vèr kì ji mo wù‑uù kpuun fo wíri, wù tàtí ne áwune adzə̀m e mvə̀m kpu yee shooy, e tìn fó ŋgeʼ.

Ŋgàn 6:24

Yì kiŋsìn wò fo wiíy wo bí wo, à fó kilayláy ke juŋ ke wiiy wìr wo wù ghán viŋkar ki.

Lim Aŋgàa Ntum 16:15

Á yiì wày wùn à wír vee wùn laʼa é ndzəv, wù wáa lon jii, a vèr fen yèn rú ji wun wày ne shilív e Jesus wùn, vèr kù wìy, e beè a dzə̀ á e wùn laʼ. Wù boòrì bèy, vèr ku nèn dù.

Ŋwàʼ Luk 14:23

Tàr wov suúy shó jii, ‹Fəə́ lèn, e dù, e ghàn vishwáŋ vidzə̀m, e kfə̀n ghàn medzə́ə meé kwaʼ medzə̀m, e ghàr wíri, aá wiy, é lav yem rún.

1 Samuel 28:23

Saul sháʼnín ji wun yòʼ yí a kifá. Wír vəə́ tátí wùn à wiíy və̀y, e lòn wun, wù biímé, e nèn nànèn fo nsay, e dzə̀ʼə̀m e kikun.

Ŋgàn 7:22

wù nèn kù lò e bàm wó, a dù moo mbòŋ wo á du, e see, kìn moo njà wo wù léʼ e wun ŋwàn, aá téʼ ne fo mbìy.

Atǎr Nsaʼ 14:17

Wù nèn kù a toŋ e Samson ghaŋ vishiíy vé ŋkàʼ viy vidzə̀m. Kí meé e kee saàmbà ke ŋkàʼá‑aà yíi mày ki, Samson nèn fèr shitìítiy shìy e wiiy və, bìʼ fo wù‑uù yiìn ne njèʼèr e wun e ŋàŋ. Á bèy, wiíy nèn dù, e fèr e wír vəə́ mo á yii shu shitìítiy shìy.

Nehemia 6:4

Áwune‑eè tsə̀nsí ntum rə̀n e mò, e dù, e meé wuú e kweè, a m kù fó binèr a dzə̀ yíwun.