Ŋgàn 6:6 - ŊWÀʼ NYÙY

⁶ Njoó ku lì mfìʼ fo vilií vi, e lèéy mo ví lo, ví wàa lìm, é ví yéʼéy wun.

Ŋgàn 6:6 Referans Kwoze

Ŋgàn 20:4

Wìr njoó fóo shèv súm e lùm, á wíy lóo kav vifá, wù bùŋ vifá vée kav.

Ŋgàn 18:9

Wìr woo njoó kù dzə̀ fər ŋgaà kimbivìr.

Ŋgàn 6:9

Njoó və̀n, à yíi neèm e kikun, e dù meé e le? À yíi yìmèn e ghàn ka?

Hibru 6:12

Lá wìr yòʼ a yiì ŋgòy. Vèn wáa bìʼnìn a dzə̀ wír ve á siìn fó mbìy, aá koóy ne ŋkàʼmé woo shooy, bìʼ fo vé‑eè dzə́, wáy shilív a dzə̀ e Nyùy wùn, leey fó mbìy ji nyaáŋ.

Ŋgàn 13:4

Njoó diy vifá, kù kpú e kitàn, a ntav kù yii kér vifá ve wù diyì vidzə̀m.

Matio 25:26

Tàr wov bìnèr sho jii, ‹À dzə̀ wánlè kisaŋ, à yii ŋgòy. Mo wò‑oò kiìn ji m yii yí séʼ fo wírí wùn, a wíri lim vifá, a m káv kém kávín,

Ŋgàn 30:25

Vifá vìn vi dzə̀ jii, vilií ve ví yòʼ kér vitaáví, yii bèy, a ví kù báʼti vifá vév vé yi e ghan sé ŋkav vifa, lem e vitàv.

Ŋwàʼ woó Rom 12:11

Lá vèn yòʼ a yiì ŋgòy. Melív men mè kú a baári fo Nyùy ghán sidzə̀m, é vèn wáa yiì lim rə́.

Ŋgàn 21:25

Shií wo njoó kér fo vifa yíi yuyrí wun, bìʼ fo wó rəə́ jiiyì.

Ŋgàn 19:15

Wìr lóo dzə njoó, wù wàa buuné, a tonén, lóo dzə e làa yòʼ a lìm kifá, wù kpù jíŋ.

Ŋgàn 22:13

Wìr njoó, wù gòʼ ji bvərə̀ʼ dzə̀ é ndzə, a m fəə̀ é dzəə, é wù yúyrí mo.

Ŋgàn 10:26

Mo kiŋkway ke melùʼ ki yúy sóŋ, a kindzə́ʼ ki báy sí, kù dzə̀ sá mo njoó yii, a shilív shé tàr wov lìm shi nyárí.

Ŋgàn 19:24

Njoó wáy kiwó e kighin, kí ghàʼ, fə̀m à fo wù fəə́r, e wày é shuù.

Matio 6:26

Vèn li mfìʼ fo menə́n mè. Bó mè yòʼ yii lim vifá ve yi, e bó a kav ji á wáy é vitàv. Yii bèy, a mè yíkir a dzə̀ mo Tàr won wo wù dzəə̀n é yuv yiir áwune, a vèn kùʼkìr fo wùn si feyì, e shaà menə́n.

Ŋgàn 15:19

Wìr njoó kfə́ njoón, akíghàʼá sùm wun. Wìr lóo tiy réŋ e Nyùy kinyò, vinyo və́ ví wàa ghan e mboʼ.

Ŋgàn 1:17

A wìr wáy ntàŋkìr e shinə́n shí si, bo dzə̀ kisáŋ.

Aysaya 1:3

Nyàm yee mbòŋ kì wír wo wù kér wun, a kimbèʼbìy kí kì wír wo wù yiir wun. Yii bèy, a wír veé Israyi yòʼ kì fo á binè. Bó wír vémé yòʼ kiiy kinyo ke m yii aáwune.»

Ŋgàn 23:19

Wan wòm, yuúrí ntir yem, a ker vifií ví, a tiy a dzə̀ é kinyò ke ru kí.

Ŋgàn 30:24

Vifá vi dzə̀ é kitu ke nsay vikweè ve ví ŋeerin féyì, yii bèy, a ví fìír e ŋàŋ.

Jeremia 8:7

A fə̀m dzə̀ kilìmbìy ke ŋguùmé, mo kí féŋ e yùv, bo kí kù yii kiiy ghán sə́ sé kfən. A vibìŋ wùn à meghaà mè, à vintùŋàshàʼshàʼ vi kù kiiy sév. Yii bèy, a bó wír vémé yòʼ kiiy vinyo ve mo woo Nyùy Tàr tinen, e fò aáwune ji nsər.

Ŋgàn 10:4

À njoó, à kpù é nembuŋ, táví, à kpù é nefùʼ.