Ŋgàn 6:32 - ŊWÀʼ NYÙY

³² Wìr wo wù li wiiy wìr yòʼ kér vifií, wù yii bèy, a wù kfə́r a dzə̀ kitú kfə́,

Ŋgàn 6:32 Referans Kwoze

Ŋgàn 7:7

e yèn wánlè nsùm wùmòʼ, a dzə̀ə́ njìʼ e kiŋkàŋ ké wàʼbìn, a bó vifií ví yóʼ ne tìím, a bó wù yòʼ sí kiiy jeéyjeéy fó vinyò.

Hibru 13:4

Kee kùm dzəʼə̀m yeé lav, kí nén a dzə jii, wìr dzə̀m kú a ghvəm nsər see kùm wiíy wùn lum, é la wiíy kìn lúm yòʼ fəə̀, e dù, a tàʼ wír wo sən. Vèn wáa kiíy ji Nyùy wíy màʼ ŋgeʼ e wír ve á yii vinyo ve kisaŋ vi, bívir nsaàlav sho.

Jeremia 5:21

«Vèn yuúrí, ven vee viyúŋ, ven vee vinjìŋ ve wíri. Vèn kér sí, a bó vèn yòʼ yén virə́ʼ. Vèn kér vituʼùr, a bó vèn yòʼ yú vinyo.

Ŋwàʼ Fəə 20:14

«Lá wìr yòʼ lì wiiy wìr, kìn ji wiíy wáa ghan viŋkar.

Kèʼlo 41:39

Fòn suúy e Joosev jii, «Mo Nyùy yiìn ne, à kiíy nsàv njèm se sí‑iì shiin mo, wìr yòʼ dzə̀ shó wo dzə̀ wù tàr kinyo kijuŋ, e kfə̀n a ker vifií moo wò.

Esiker 18:31

Vèn maʼay vinyo ve bi ví ve vèn bùʼtìn vidzə̀m, e tìnsín mo shó. Vèn wáa ker shilív she fíy shi, a ker kiyoy ke sən kí. Vèn koŋ kpú ji ká wìr veé Isray?

Jeremia 5:8

Áwune sì moo nyám se ŋkoʼ se sí yikin kijuŋ, a ker shií ji sí koó see vikìy, a wìr kér shií ji wun ku lì wiiy fər və.

Ŋgàn 9:4

wìr woo njìʼ e dzə̀m kú a wìy a e wun lav. Á ku sùúy aàlàvìfií adzə̀me ji vifií ví suuy a jii:

Ŋgàn 8:36

Yii bèy, wìr tén fóo tàʼ mo, bo wù kfə́r a dzə̀ kitú kfə́. Wìr wo wù ban mo kù taʼ a dzə̀ kpú.

Hosea 13:9

«Òó mbàa wìr veé Isray, á lo, e laàr ven, a dzə̀ bìʼ fo vèn ŋwayin mo woo ŋgaà sə won.

Ŋgàn 6:33

aá wáa dzə̀v wun, a shoór, a beèmè ji wir joònè, e dù, e mày.

Ŋgàn 10:13

Á kiiy fií bìʼ kisúŋnìn. À yav lám, ŋgwàne toòmé wò.

Ŋgàn 10:21

Wìr yúnin Nyùy, wù yìír ŋgòŋ e jí si, du e kiyuŋ, wù kpù kibúŋ ke vifii.

Ŋgàn 11:12

Wìr wo wù káy wíri buu a dzə̀ vifií, a wìr wo wù kim kiliímé kfə́ dzə̀ fií.

Ŋgàn 12:11

Wìr shev súm və́ kijuŋ, wù kùʼ é viyikìr, lóo jùmrì vinyo ve vinjeenjèm, bo wù dzə̀ kfə́ kiyúŋ.

Ŋgàn 24:30

Mò‑oò shaà e njoó ghaa súm vitiír vé *vayin. Kù dzə̀ féyì súm wìr woo là vifií.

Ŋgàn 2:2

Ku mvə̀ʼtì vituʼùr vé vi, e yuùrí jí se sí fó wò vifií sí. Yuúrí yéʼéy ye afií yéʼey wò shoo, a mùm ji à kiíy nsàv.