Ŋgàn 6:3 - ŊWÀʼ NYÙY

³ Wan wòm, bo kinyo ke dzə̀ à yiì, e bóo bòy ki dzə̀ jii, mo ŋkar yè liìn ne wò e mbèʼ menjaar, ku dù, e neèm e si wo, a lon wun lónén ji wù fəə́r á wò fo fo.

Ŋgàn 6:3 Referans Kwoze

Jeem 4:10

Vèn wáa gvəʼə́r vitú vén a dzə̀ e Nyùy si, é wù wáa nàn ven.

Nsùyrì Nyùy 31:8

À yoʼ wày mo e ŋgaà vibǎn kiwo, aà sə̀ ne mo, m bóy fó njoy.

2 Wòŋ 36:12

Wù‑uù yii vinyo ve ví wáa bir Nyùy Tàr woo Nyùy və. Wù yòʼ‑oò lo lì kitú kfə́ kitérí e Jeremia woo *ŋgaà ntum Nyùy si wo wù‑uù tiísi kinyo e wun, a dzə̀ ke wù‑uù yú fo Nyùy Tǎr shuù.

2 Wòŋ 12:5

*Ŋgaà ntum Nyùy woo Shemayia nèn wìy, e yèn Fòn Rehoboam wùn à vilìmbìy veé Juda vi, aá báʼtí é Jerusalem, bìʼ fo vé‑eè fan Shishak. Wù suúy aáwune ji Nyùy Tàr suuy a jii, «Vèn màʼày ne mo, m shwéy ven e Shishak.»

2 Samuel 24:14

Davir suúy e Gad jii, «M sì é ŋgeʼ ye tavín, Nyùy Tàr yii shám mendzən feyì. Bòŋ é wù yii ke wú‑úù yii e vèr, e shaà ke yii wír.»

Ŋwàʼ Fəə 10:3

Mooser wùn Aaron nèn dù, e sùúy e Farao jii, «Nyùy Tàr wo dzəə̀n Nyùy wìr vee Hibru suuy jii, ‹À wíy tav kitú fó a yunín mo e dù, e meé e le? Màʼtì, é wír vémé du, e fíʼ cù mo.

Ŋgàn 6:2

bo ŋkàʼmé wò wày ne wò e kitam, e yiì, à tó é kinyò wuu baà.

Ŋgàn 6:4

Kú a lon là meemè, a lon ghán sidzə̀m, là búʼúr.