Ŋgàn 6:23 - ŊWÀʼ NYÙY

²³ Nsər se tàr won sí dzə̀ kikaʼày ké, ntir yè won, rán ye yí kaʼày wuú yé, a naarì ye á naarì, kfə̀n sər wòo fó wò dzəʼə̀m.

Ŋgàn 6:23 Referans Kwoze

Nsùyrì Nyùy 119:105

Jì yè dzə̀ kikaʼày kém, a dzə̀ sá rán ye yí kaʼày dzə́ə yem.

2 Pita 1:19

Mo vèr yenen bey, vèsən nèn màysì, e kìíy mo vinyo ve aŋgàa ntum Nyùyi‑iì fiʼtì vi dzəə̀n. Kí nen bòŋ ji vèn yuúrí vinyo ve áwune‑eè fiʼtì vìn vidzə̀m kijuŋ. Ví dzə̀ moo kikaʼày ke kí kaʼày ven, e meé e ghan se ndzə yíi ran, é Jesus kfə́n moo sàŋ wo wù lo fo tsən, ndzə nèn ràn. Wù kfə́n bèy, é melív men mè nèn yèn rán.

Nsùyrì Nyùy 19:8

Ntò se yeʼéy se Nyùy Tàr foon sí dzə̀ tìítiy, fó vijuŋ e wìr wo wù yúnin wun. Nsər se Nyùy Tàr sí wáa dzə là nsem, mvəʼtì sí se wíri.

Ŋgàn 15:31

Wìr yú ntir, wù kfə̀n é fiì.

Ŋgàn 4:13

Ku ghàr kinyo kee ji ntir ki, e lùm, e kpù shó. Ku kòytí, bìʼ fo siìn dzəʼə̀m yé.

Ŋgàn 4:4

Tàr wor nèn a tir mo, a sə̀ntì jii, «Lèm jí sém sí e wò kitu, a lèm nsər sém, e fíʼ wìy a ker dzəʼə̀m ye dáa.

Jeremia 21:8

Nyùy Tàr nèn kfə̀n sùúy ji m yoŋ á lèn e wìr dzə̀m jii, «Mo woo Nyùy Tàr, m neer vinyo e věn si vibaà, luŋ wùn à kpúu.

Ŋgàn 29:15

Aá sər wán e ŋgwàne, kfə̀n tírí, wù wàa ker vifií. Aà leey leèyín, bo wù kù yíi lò, e shoór yè wov.

Ŋgàn 15:24

Dzəə̀ wìr woo fií kù yii danèr wun a dzə̀ é dzə̀ʼə̀m ye dáa, kiŋsìn wun fo wù du áàŋkfəə́ wòŋ.

Nsùyrì Nyùy 141:5

Wìr wo juŋ lóo roòmè jay wom, bo sì kinyo ke juŋ ki. Wù naarì mo náarin, bo sì mbùʼmé mo wù buʼ mo shó, a bó yòʼ dzə̀ m wàa ten. Ké wìr ve bi kí dzə̀, a m bunrì ghán sidzə̀m ji lá vinyo vév ví yòʼ a ghan.

Ŋgaà Yen 2:5

Vèn kuúmé mo vèn‑eè dzə́, a shilív shén shí dzəə́ tíy e mǒ wùn kitávín. Vèn biner melív men, a yiì mo vèn‑eè yii fo mbìy. A vèn dzə̀ là fóo bìnèr melív men, bo m yíi wìy, e shàʼàr kitiir kén ké làm, é kintatì ki lay.

Aysaya 8:20

Á lóo yòŋ bèy, vèn bìnèr aáwune ji á kú a yuurí a dzə̀ á yéʼéy ye yí dzəə̀n é ŋwàʼ, a yuurí ntum Nyùy Tàr ye yì dzəə̀n shó. A wìr dzə̀, a bó wù yòʼ suuy kinyo ke kí shémsín wùn à kee shooy ki, bo yì wíy sən wun, e làŋsìn.

Ŋgàn 3:18

Ví dzə̀ rú kicí ke wìr yí, wù kòóy dzəʼə̀m, a bòŋ ké wìr ve á lumen, e kpù shó.

Ŋgàn 5:12

a ghay wún é kinyò ke kí‑iì yiìn, é bo à tén ntir, e tèn à naarìi shó.

Cù 19:17

«Lá wìr yòʼ a ker fə́r və é shiliv. Wìr ku sìysì kinyo ke wùn fər və kérí síysin fó jay kinyo bìʼ ŋgaàŋ.

Kèʼlo 39:8

Joosev sháʼnín, e sùúy sho jii, «Leéy mo tàr wor lìm wayin ne vifá vidzə̀m e mǒ kiwo, a bó wù yòʼ dzəə́ leey fo kifa e laʼàn, kù sí leey mo kifá kfə́ kidzə̀m.

Nsùyrì Nyùy 119:130

À sánri jí sé, a sí fó rán, wáy vifií áànjìʼí vitu.

Ŋgàn 10:17

Wìr yuúri ntir, wù bònen shìíy, ŋwáyí, wù bìn é dzəə ye bi.

Ŋgaà Tàrvìnyò 7:5

Kí bòŋ, é wìr yuúrí ntir fiì, e shaà fó a koóy luŋ wo viyúŋ ví maʼà.

Ŋgaà Tàrvìnyò 7:26

M yèn ne kifá ke kí birin, e shaà kpú, a dzə̀ wiíy wo dzəə̀n kitám, a dzə̀ lálán, a wó rəə́ sì ji asháŋ. Wìr wo wù yii mo Nyùy taʼà yíi bàʼàr wun, é wù koó kfə́ ŋgaà jay koón e wun kitam.

Esiker 20:11

e fò áwune nsər sém wùn à ntò se vinyò si, a dzə̀ vinyo vìn ve wìr lóo yunín, lóo yiì, wù wàa ker dzəʼə̀m.